Babatunde Gbadamosi: Kìí ṣe Tinubu ní ipò ààrẹ̀ tọ́ sí, ìgbà wo ní ìtan ajá ń kan lèmọ́mù?
Yoruba ni agba kii wa lọja, ki ori ọmọ tuntun wọ, agba ti ko si kẹhun sọrọ, yoo kẹ itan sare.
Idi ree ti gbaju gbaja oloselu kan ati onisowo pataki nipinlẹ Eko, Babatunde Gbadamosi fi n ke tantan pe asiko ti to fun ẹya Yoruba lati da duro.
Gbadamọsi, ẹni to ti du ipo gomina fun igba meji nipinlẹ Eko ni gba gba gba ni oun wa lẹyin idasilẹ orilẹede Yoruba lasiko yii, nitori ohun gbogbo ti yiwọ fun orilẹede Naijiria ta wa.
- Ọlọ́run fi ẹ̀mí Sunday Igboho ta gbogbo àwa tókù jí ni, ọ̀rọ̀ yìí ti kọjá ìsòpọ̀ Nàìjíríà - Oba Gbolahan Shomolu
- Ìjọba Buhari ti gbẹ́rù tó kọjá orí, bàtá tó bá ń ró lákọ fẹ́ ya ni!- Tunde Bakare
- Abiola Ajimọbi ní ti mo bá di gómìnà, òun á ṣẹ̀wọ̀n ni- Adebayo Shittu
- Kí ni Nàìjíríà ti jèrè lára gbogbo ààrẹ tó ti jẹ látọdún 1999? BBC tú àlàyé síta
- A ti ṣetán láti fi ẹ̀mí wa lélẹ̀ fún òmìnira ilẹ̀ Yoruba, a ò níbi kankan ti a fẹ́ sálọ - Ọba Adetokunbo Tejuosoho
- Bíi ti UK, USA, Germany, France lẹ ó lè ṣe ẹ̀sìn tó bá wù yín yàlàyòlò ní orílẹ̀èdè Yorùbá Nation - Igboho
- Akintoye sá lọ Amẹrika lásìkò ìjọba ológun, ó wá fẹ́ da Naijiria rú báyìí - Akeredolu
Gbajumọ oloselu naa, to tun sọrọ nipa ero lori eto atunto ti awọn oloselu kan n polongo wa fọwọ gbaya pe ọrọ ti kọja lori rẹ.
O ni ti eto idibo yoo ba tiẹ waye lọdun 2023, laise abosi, ta si fẹ sọ otitọ, ẹya ibo ni ọpọn sun kan lati fa oludije fun ipo aarẹ kalẹ.
Babatunde Gbadamosi wa bu ẹnu atẹ lu erongba asaaju ẹgbẹ oselu APC, Asiwaju Bola Ahmeds Tinubu lati dije fun ipo aarẹ Naijiria lọdun 2023.
O si fi gbogbo ẹnu sọ pe kii se Tinubu ni ipo aarẹ tọ si nitori ko si ba se fẹ pin itan aja, ti yoo kan lemọmu.
