Ede Poly Rector suspension: Wọ́n ní kí ọ̀gá àgbà Pólì Ede lọ rọ́kún ńlé lórí ẹ̀sùn pé 'ó kan bẹ́ẹ̀dì sí ọ́fíìsì'
Oríṣun àwòrán, Facebook/John Adekolawole
Igbimọ alaṣẹ ile iwe giga Poli Ede ni ipinlẹ Osun ti ni ki ọga agba ileewe naa, John Adekolawole lọ rọkunle.
Agbẹnusọ ile iwe naa, Sola Lawal sọ fawọn akọroyin pe lootọọ ni wọn ti sọ pe ki ọga agba ile iwe lọ rọkunle.
Amọ Ọgbẹni Lawal kọ lati ṣalaye ohun to fa a ti igbimọ alaṣẹ ile iwe naa fi sọ fun Adekolawole lọ rọkun nile.
- Kollington Ayinla ti sọ ẹni tó dá orin Fuji sílẹ̀ gan an ní Nàiìjíríà
- Wo àwọn Adelé-Ọba aládé méje tó jẹ́ obìnrin nílẹ̀ Yorùbá
- Àṣeyọrí Anthony Joshua fi hàn pé owó tí à ń ná lórí eré ìdarayá kò lọ lásán - Dapo Abiodun
- Wọ́n ti fi Omah Lay sínú ọgbà ẹ̀wọ̀n ní Uganda
- Ìjọba gbé ilé ijó oníhòhò tì pa lórí ẹ̀sùn títàpá sí ìlànà àti dẹ́kun coronavirus
- Ọkọ̀ àjàgbé agbépo kan tún dànù l'Eko
- Wo ohun tí yóò ṣẹlẹ̀ ní ìpàdé àwọn èèkàn Yorùbá láti mú kẹ́ẹ dìbò fún Tinubu ní 2023
Agbẹnusọ ile iwe giga naa ṣalaye pe alaga ẹgbẹ awọn olukọ ASUP nile ẹkọ naa, Ọgbẹni Adekunle Masopa ti fi igbesẹ igbimọ alaṣẹ to awọn olukọ ileewe ọhun leti
Ọgbẹni Masopa alaga igbimọ alaṣẹ sọ idi mọkanlelogun tawọn fi ni ki ọga agba ileewe naa lọ rọkun nile.
Lara ẹsun ti wọn fi kan ọgbẹni Adekolawole ni pe o fi iṣẹ rẹ silẹ lai ṣe fun odidi oṣu kan.
Bakan naa ni wọn tun fi ẹsun iwa ibajẹ lọfiisi kan Adekolawole pe niṣe lo lọ gbe bẹẹdi nla sinu ọfiisi rẹ eyi ti yoo jẹ ko maa sun lẹnu iṣẹ.
Ṣugbọn ohun ti agbẹnusọ ile iwe naa sọ ni pe oun gbọ pe igbimọ alaṣẹ ni ki ọga agba ileewe naa yẹba fun ọfiisi amọ oun ko ri iwe apilẹkọ to fidi rẹ mulẹ.
Amọ, Ọgbẹni Lawal ni ko si ewu kankan lori ọrọ naa, o ni gbogbo rẹ ni yoo ni iyanju laipẹ.
