2023 presidency: Ààrẹ Buhari ní òun kò leè dá sí ètò yíyan ààrẹ tuntun lọ́dún 2023
Oríṣun àwòrán, @NGRPresident
Ileeṣẹ aarẹ lorilẹ-ede Naijiria ti sọ wi pe Aarẹ Mohammadu Buhari mọ ohun ti yoo ṣe lori ẹni ti yoo joko sori aga aarẹ lẹyin to ba fi ipo silẹ ṣugbọn ko ni fi tipatipa yan eeyan kan lori Naijiria.
Agbẹnusọ fun aarẹ, Ọgbẹni Fẹmi Adeṣina ṣalaye pe ohun ti aarẹ gbagbọ ni pe ẹni to ba wu araalu ni ko wọle kii ṣe lati yan eeyan le awọn ọmọ Naijiria lọwọ.
O ni aarẹ Buhari lee ni ero to ga lori irufẹ eeyan to fẹ ko rọpo oun lati tẹsiwaju pẹlu awọn iṣẹ rẹ gbogbo ṣugbọn oun kọ ni yoo yan le araalu lọwọ.
- Soleimani Killing: Ẹgbẹ́ Shiites wọ́de l'Abuja, wọ́n jó Àsìá Amẹ́ríkà
- CAN rọ ìjọba àpapọ láti tú àwọn òǹdè Krìstẹ́nì silẹ̀ lọ́wọ́ Boko Haram
- Kano: À ti fa àwọn oníbalòpọ̀ akọsákọ tí a mú le òbi wọ́n lọ́wọ́- Ọlọpàá Hisbah
- Irú kí lèyì! Pásítọ̀ gún ìyàwó rẹ̀ lọ́bẹ nínú ṣọ́ọ̀ṣì, ló bá tì í bọ ara rẹ̀ náà níkùn
- Ọlọ́pàá hú òkú akẹ́kọ̀ọ́ fásítì LASU tí ọ̀rẹ́kùnrin rẹ̀ àti pásítọ̀ ṣekúpa
Ọrọ yii jẹ bii esi si ọrọ kan ti pasitọ agba ni ijọ Latter Rain Assembly, Tunde Bakare sọ ninu ọrọ akọsọ rẹ fun ọdun 2020 lọjọ Ẹti Wo àwọn ọ̀tá tó ń da orílẹ̀èdè Nàìjíríà láàmú pe Aarẹ Buhari ko gbọdọ kawọ gbera tabi kọ iha kokan mi si igbesẹ ati yan aarẹ ti yoo rọpo rẹ bi o ba kuro lori ipo.
Fẹmi Adeṣina ni aarẹ ko nilo ẹnikẹni lati ran an leti pe loṣu karun un, ọdun 2023 ni yoo fi ipo silẹ.
Lootọ gẹgẹ bi Pasitọ Bakare ṣe sọ aarẹ fẹ mọ irufẹ ẹni ti yoo gba ipo lọwọ oun ṣugbọn ko ni tọwọ bọ omi igbesẹ ati yan onitọun.
Bakan naa lo ṣalaye pe Aarẹ Buhari yoo rii daju pe ẹni to ba gun ori itẹ aarẹ lẹyin oun tẹle ilana ti oun fi silẹ, ati pe o mọ le ipinlẹ to ti gbe kalẹ.
