Pásítọ̀ Bakare kéde orúkọ àwọn ọ̀tá tó ń da Nàìjíríà láàmú
Oríṣun àwòrán, Tunde Bakare/twitter
Pasitọ ijọ Latter Rain Assembly to tun ti figba kan ri du ipo igbakeji aarẹ lorilẹ-ede Naijiria, Tunde Bakare ti pariwo sita pe ọta mọkanla ni orilẹ-ede Naijiria ni.
Ninu ọrọ kan to sọ fawọn ọmọ ijọ rẹ lo ti ṣalaye ọrọ yii.
Pasitọ Bakare ni pẹlu bi ọrọ ṣe ri yii, asiko to fun awọn ọmọ orilẹ-ede Naijiria lati dẹkun kikan sara sawọn ọta orilẹ-ede naa bayii.
- Ọmọ Nàìjíríà ẹ ṣọ́ra fún ìrìn alẹ́ nítorí àwọn tó fẹ́ gbẹ̀san ikú Soleimani
- Irú kí lèyì! Pásítọ̀ gún ìyàwó rẹ̀ lọ́bẹ nínú ṣọ́ọ̀ṣì, ló bá tì í bọ ara rẹ̀ náà níkùn
- Òbí àwọn ọmọ tó j'óná mọ́lé n'Ibadan leè dáràn ìjọba o!- Àjọ ajàfẹ́tọ̀ọ́ ọmọdé
- Ó ṣeésẹ kí ọkùnrin tó n mu àmujù ọtí ó maa lo ìwà ipá pẹ̀lú ìyàwó rẹ̀
- Al Shabab ṣe ìkọlù sí ibùdó ogun America ní Kenya, ẹ̀mí mẹ́ta lọ síi
O ni ijọba pẹlu gbọdọ ṣetan lati doju ija kọ awọn ọta orilẹ-ede Naijiria gangan ki wọn lee gba awọn ọmọ Naijiria lọwọ wọbia awọn amunisin to n jẹ gaba lori wọn.
Eyi ni awọn ọta ti orilẹ-ede Naijiria ni gẹgẹ bi Pasitọ Bakare ṣe sọ ọ.
1.Gbogbo awọn ọta orilẹ-ede Naijiria wa lẹka ijọba gbogbo, ni opopona, ile ati ọja gbogbo atawọn to n ta orilẹ-ede wọn lati ni ọrọ
2.Awọn eeyan to gba lati maa woran nigba ti irawọ orilẹ-ede yii fẹ maa wọmi loju wọn.
3.Awọn ayederu iranṣẹ Ọlọrun to n fi iṣẹ Ọlọrun boju ṣiṣẹ ibi lati yan araalu jẹ.
4.Gbogbo awọn n kopa ninu jijẹ aṣuwọn orilẹ-ede Naijiria lajẹrun pẹlu awọn ti wọn n ṣe baba rere, baba kẹ fawọn to n ko owo ilu jẹ nitori pe wọn jẹ ọmọ ẹya kan naa tabi ẹsin kan naa.
5.Gbogbo awọn to n gbe ẹru owo ori to wuwo le awọn ọmọ orilẹ-ede yii lori.
6.Awọn ijọba ipinlẹ ti wọn n na owo to yẹ fun eto abo fun ara wọn.
7.Gbogbo awọn to n lo irinṣẹ ilu lati fi tipatipa gba awọn to ba tako wọn wọlẹ.
8.Gbogbo awọn to yi irinṣẹ ilu ati ipinlẹ wọn di ogun wọn
9.Gbogbo awọn oloṣelu to n ṣe magomago lati fi ibo gbe ẹni tiwọn sori ipo ki wọn lee ko ọrọ ilu ati ipinlẹ si apo ara wọn.
10.Gbogbo awọn to n ta ibo wọn ti wọn si tun n da wahala ati rogbodiyan oṣelu silẹ
11.Awọn adajọ to n fi ipo iṣedajọ yan alailagbara jẹ tabi ti wọn sọ iṣedajọ di owo ree idajọ ree.
12.Awọn aṣofin ti wọn n ja orilẹ-ede naijiria lole labẹ iboju iṣẹ idagbasoke ilu ti wọn si n ṣe ofin to n dena ominira araalu ti wọn si n ti ipasẹ bẹẹ da omi alaafia ru.
Pasitọ Bakare wa koro oju si ofin ti awọn aṣofin fẹ ṣe lati de ọrọ lori ayelujara.
Amọṣa ajọ ajafẹtọ kan to n gbogun ti ijẹkujẹ, SERAP ti ni awọn mẹrin kan ni ọta orilẹ-ede Naijiria.
SERAP ni ni iwoye tiwọn, awọn ọta Naijiria ni
1.Awọn aṣofin to n gọ si abẹ iṣẹ akanṣe idagbasoke ilu lati ja orilẹ-ede Naijiria lole owo gọbọi
2.Awọn adajọ to n da oju ẹjọ ru
3.Awọn gomina to n ji owo eto abo ti wọn si n jẹ gaba lori araalu
4.Awọn to n sọ ipinlẹ wọn di ogun ẹbi wọn
