Alcohol: Ó ṣeésẹ kí àwọn ọkùnrin tó maa n mu àmujù ọtí ó maa lo ìwà ipá pẹ̀lú ìyàwó wọn
Oríṣun àwòrán, Getty Images
Iwadii kan ti fihan wi pe awọn ọkunrin to maa n mu ọti amuju tabi ọti lile tabi oogun oloro l'oṣeeṣe ko maa lo iwa ipa pẹlu awọn ololufẹ wọn.
Abajade iwadii naa ti wọn fi sita ninu iwe ori ayelujara kan, PLOS-Medicine, tan ina se wadii ọpọlọpọ ẹsun nile iṣẹ ọlọpaa.
Bakan naa ni wọn ṣe ayẹwo ileewosan l'orilẹ-ede Sweden fun ọdun mẹrindinlogun ki wọn to gbe abajade iwadii naa sita.
Awọn oluwadii naa tun ri i pe o ṣeesẹ ki awọn ọkunrin to ni aisan ọpọlọ ati iwa kebe-kebe le maa lu ololufẹ wọn
Sugbọn ti wọn ko to ti awọn to n mu ọti amupara ati oogun oloro.
Oríṣun àwòrán, Getty Images
Ọjọgbọn Fasiti Oxford, Seena Fazel, to lewaju iwadii naa sọ pe aabọ iwadii awọn fihan pe wọn le din iwa ipa ninu igbeyawo ku, ti wọn ba ri itọju to peye kuro ninu amuju ọti ati oogun oloro.
Iwadii naa ti agbarijọpọ awọn akọṣẹmọṣẹ lati orilẹ-ede America, Sweden, ati ileewe Kings College, London, tọ pinpin ẹgbẹrun lọna ogoje ọkunrin to maa n mu ọti amupara, ati oogun oloro laarin oṣu Kinni, ọdun 1998 si oṣu Kejila, ọdun 2013.
Awọn akọṣẹmọṣẹ ọhun tun ṣayẹwo iye eniyan ti awọn ọlọpaa ti mu nitori pe wọn kọlu, dẹruba, tabi fi ipa ba iyawo, ọrẹbinrin tabi ololufẹ wọn obinrin tẹlẹ lo pọ.
Gẹgẹ bi ohun ti alamojuto awọn to fara gba ẹgba iwa ipani England ati Wales, Same Vera Baird, ṣe sọ pe gbogbo wọn jẹ ọmọ iya.
Ati pe, bo tilẹ jẹ pe ibaṣepọ wa laarin ọti lile, oogun oloro ati iwa ipa laarin ololufẹ, o ṣe pataki lati wo abajade iwadii yii daadaa.
O sọ pe "ọpọlọpọ to maa n lo iwa ipa pẹlu ololufẹ wọn ti wọn ba mu ọti yo, yoo tun ṣe bẹ ẹ ti ọti ba da l'oju wọn.
