Oluwo: Oluwo fárígá pẹ̀lú ìjọba àpapọ̀ lórí àgbékalẹ̀ iléèwé ẹ̀kọ́ṣẹ́ olùkọ́ni
Oríṣun àwòrán, Emperor Abdulrasheed Adewale Akanbi Telu 1
Kabiyesi Oluwo ti ilu Iwo, Ọba Abdulrasheed Akanbi ti kebosi sita pe bi ijọba apapọ ko ba gbe ileẹkọ olukọni onipo kinni to fẹ da silẹ ni ipinlẹ Ọṣun si ilu Iwo, nnkan yoo yan.
O ni pe iwa ọdalẹ leyi yoo jẹ fun atilẹyin ribiribi ti awọn eeyan ilu Iwo ṣe fun ijọba ẹgbẹ Oṣelu APC.
Ọba Akanbi ni ti ileewe giga naa ba ja mọ ilu miran lọwọ nipinlẹ Ọṣun, a jẹ wi pe oun yoo darapọ mọ awọn alatako ijọba apapọ lorilẹ-ede Naijiria ni.
- Kí ni Buhari sọ nípa ààrẹ tó kàn lọ́dún 2023?
- Irú kí lèyì! Pásítọ̀ gún ìyàwó rẹ̀ lọ́bẹ nínú ṣọ́ọ̀ṣì, ló bá tì í bọ ara rẹ̀ náà níkùn
- Wo àwọn ọ̀tá tó ń da orílẹ̀èdè Nàìjíríà láàmú
- Soleimani Killing: Ẹgbẹ́ Shiites wọ́de l'Abuja, wọ́n jó Àsìá Amẹ́ríkà
- 'Ipò àpọ́nlé ni mo fi Gómìnà Abdulrahman sí ṣugbọn kò hùwa àpọ́nlé'
Oluwo ṣalaye pe lara awọn Ọbalaye to duro ti Aarẹ Buhari ni gbangba lasiko ipenija rẹ, ọkan gboogi loun jẹ ninu eyi ti oun ti ṣeto awọn ipade adura itagbangba lorukọ aarẹ ki ilera rẹ lee tubọ gbe ẹnu soke.
Oluwo tun sọ ọ laifọtape wi pe ni ojumọ to mọ loni yii, oun loun lee dari omi atilẹyin oṣelu awọn eeyan ilu Iwo si ibi to ba wu oun.
O wa rọ aṣaaju ẹgbẹ oṣelu APC, Bọla Tinubu; Igbakeji Aarẹ Yẹmi Oṣinbajo, Oloye Bisi Akande, Rauf Arẹgbẹṣọla pẹlu Gomina Gboyega Oyetọla lati rii daju pe wọn gbe ileewe naa kalẹ si ilu Iwo.
