Camp Simba: Ènìyàn mẹ́ta sọ ẹ̀mí wọn nù lásìkò ìkọlù tó wáyé ní ibùdó ogun America
Oríṣun àwòrán, AFP
Ọmọ ogun, ati oṣiṣẹ abaniṣiṣẹ meji ti to jẹ ọmọ ilẹ America padanu ẹmi wọn lasiko ti ikọlu waye si ibudo ọmọ ogun kan ni Kenya.
Ẹgbẹ ajijangbara ẹlẹsin Islam, Al-Shabab, lo wa lẹyin ikọlu naa to ṣe iku pa ninu awọn ọmọ ogun orilẹ-ede Kenya ati America ni agbegbe eti omi ni Lamu, l'ọjọ Aiku.
Ileeṣẹ ọmọ ogun America sọ pe awọn oṣiṣẹ meji miran tun farapa.
Olori ogun America nilẹ Africa, Ọgagun Stephen Townsend, sọ pe "Awọn ọmọ America to farapa ti n gbadun diẹdiẹ, a si ti ko wọn kuro ni ibudo."
Awọn ti ikọlu naa ṣoju wọn sọ pe awọn gbọ ìró ibọn, ti wọn si tun ri eefin dudu to n jade lati Ibudo Simba ni erekusu Manda.
- Òbí àwọn ọmọ tó j'óná mọ́lé n'Ibadan leè dáràn ìjọba o!- Àjọ ajàfẹ́tọ̀ọ́ ọmọdé
- Irú kí lèyì! Pásítọ̀ gún ìyàwó rẹ̀ lọ́bẹ nínú ṣọ́ọ̀ṣì, ló bá tì í bọ ara rẹ̀ náà níkùn
- Trump: Bí ẹ bá ṣé ikọlù sí wá, nkán ìní yín 52 làá dojú ìjà kọ
- Ọ̀sẹ̀ àkọ́kọ́ ọdún 2020: Àwọn ìròyìn tó mí ìgboro tìtì
- Soleimani ń gbìmọ̀ràn láti kọ lù wá l'Amerika la ṣe kọ́kọ́ yára mú u balẹ̀ - Trump
- Irọ́ ni pé àwọn ọ̀gá ọkùnrin ń béèrè fún ìbálòpọ̀ lọ́wọ́ àwọn òṣèrébìnrin- Jaiye Kuti
Ọgagun Townsend fikun ọrọ rẹ ninu atẹjade naa pe awọn n gbadura fun awọn ẹbi ati ọrẹ awọn alajọṣiṣẹpọ awọn to padanu ẹmi wọn.
"Bi a ṣe n bu ọla fun irubọ wọn, naa ni a n tun ara mu.
Townsend ni: Awa pẹlu awọn alajọṣiṣẹpọ wa ni Africa ati nilẹ okeere yoo jọ lepa awọn to ṣe ikọlu yii, Al-Shabab ati awọn to n gbeero lati pa America ati afojusun rẹ lara.
Ileeṣẹ ologun Kenya sọ wi pe mẹrin lara awọn ajijangbara ẹlẹsin Islam naa ba iṣẹlẹ ọhun lọ, ati wi pe wọn ti pa ina to jo ni ibudo naa nitori ikọlu to waye.
Oríṣun àwòrán, others
Al-Shabab ati awọn alakatakiti Al-Qaeda jọ n ṣiṣẹ pọ, olu ileeṣẹ wọn si wa ni orilẹ-ede Somalia to wa l'ẹgbẹ Kenya.
Ọpọlọpọ ikọlu si ni ẹgbẹ naa ti ṣe ni agbegbe naa lati bi ọdun mẹwaa to ti bẹrẹ.
Eniyan mejidinlọgbọn lo ku lasiko ti ado oloro bu ni Mogadishu to jẹ olu ilu Somalia,
