Obasanjo: Ọ̀rọ̀ ìgbésùnmọ̀mí ní Naijiria ti kọjá ọ̀rọ̀ ọlọ́pàá agbègbè

Olusegun Obasanjo

Oríṣun àwòrán, @firstladyship

Ààrẹ Naijiria nigba kan, Olusegun Obasanjo, ti sọ pe idasilẹ ileeṣẹ ọlọpaa ipinlẹ, lo le fi òpin si ipenija eto aabo ni Naijiria.

Obasanjo daba yii lasiko to gbalejo awọn adari apapọ ẹgbẹ́ àwọn alaga ìjọba ibilẹ nigba kan, n'ilu Abeokuta.

Atẹjade ti agbẹnusọ rẹ, Kehinde Akinyemi, fi sita, eyi ti iwe iroyin Daily Post jabọ, sọ pe alaga àpapọ̀ akọkọ fun ẹgbẹ́ naa, Ọnarebu Albert Asipa, lo lewaju ikọ abẹwo naa.

Obasanjo sọ pe awọn alaga ìjọba ibilẹ kan ni Naijiria, wulo ju àwọn olori kan to wa nipo nla.

O ni "ọrọ igbesunmọmi ti kọjá idasilẹ ileeṣẹ ọlọpaa agbegbe.

" Idasilẹ ọlọpaa ipinlẹ lo le yanju rẹ. Lati ara ọlọpaa ipinlẹ, lẹyin eyi la to o le jiroro nipa ọlọpaa agbegbe.

Àkọlé fídíò, Ọdún 20 ni ìran ti jáde pé kí n di ààrẹ!'Wàláhì láàrín ọdún kan péré tí mo bá dé Aso Rock, ẹ wo ǹkan tí ...'

Oloye Obasanjo sọ pe o ṣe koko ki ijọba, ro eto isakoso iṣembaye ati ti ijọba ibilẹ, ti oun ṣètò rẹ lasiko iṣejọba oun ati oloogbe Murtala Muhammed, ni agbara.

"Iwoye mi ni pe o pọn dandan ki ẹka ijọba naa, ṣíṣẹ́ gẹgẹ bi ìjọba ibilẹ to jẹ́, nitori pe wọn ni igbimọ alaṣẹ ti wọn, ẹka idajọ, ati awọn aṣofin.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

O ni ṣùgbọ́n o jẹ ibanujẹ pe eto ijọba ibilẹ to n la ọna, mojuto eto ẹ̀kọ́, ilera, iṣẹ agbẹ, ati iṣejọba, ti parẹ patapata.

Eto ìjọba ibilẹ ni Naijiria

  • Ijọba ibilẹ ẹgbẹrin din mẹrin, lo wa ni Naijiria
  • Ikọọkan si ma n ni wọọdu mẹwaa si ogún
  • Lara awọn ojúṣe ti ofin la kalẹ fun ijọba ibilẹ ni:
  • Gbigba ìjọba ipinlẹ ni imọran lori eto ọrọ aje
  • Gbigba owo ori
  • Idasilẹ, amojuto ati atunṣe àwọn ọjà, ibudokọ ati awọn nkan amayedẹrun miran.
  • Lila ati amojuto opopona, oju ọna fun àgbàrá, ati oju ọna laarin agboole.