Rape Castration: Ìpínlẹ̀ Bauchi láwọn náà fẹ máà tẹ àwọn afipábánilopọ̀ lọ́dàá bíi ti Kaduna

Gomina ipinlẹ Bauchi, Bala Mohammed ti sọ pe awọn yoo ṣagbeyẹwo ofin to n daabo bo awọn eeyan lọwọ ifipabanilopo nipa fifi ijiya titẹ lọda jẹ awọn ọdaran afipabanilopọ.

O fidi ọrọ yi mulẹ lasiko to n gbalejo Minisita feto ọrọ Obinrin ni Naijiria, Paulen Tallen nile ijọba Bauch lỌjọbọ.

Bi ọrọ yi ba di ootọ, Bauchi yoo pẹlu ipinlẹ Kaduna to kede laipẹ yi pe awọn yoo fi ijiya titẹ lọda jẹ awọn afipabanilopọ.

Yatọ si awọn mejeeji yi, ipinlẹ Ekiti naa lọna ati dẹkun iwa ibajẹ yi sọ pe awọn naa yoo tẹ afipabanilopọ lọda ni ipinlẹ ọhun.

Gomina Bala Mohammed ni awọn ti ṣaaju buwọlu ofin to n daabo bo awọn eeyan lọwọ iwa ipa to si ni awọn yoo fi atunto ofin naa sọwọ sile aṣofin ipinlẹ.

''Lawọn ibi ta baa ri pe ofin yi ku diẹ kaato, awa naa yoo ṣatunse rẹ bi Kaduna ti ṣe ṣe ti wọn''

O ṣalaye pe ''A o fi aye silẹ ki titẹ lọda wa ninu ofin wa gẹgẹ bi ijiya ifipabanilopọ''

Mohammed ni oun mọ pe titẹle ofin yi le fẹ le diẹ ṣugbọn awọn yoo ṣe ni ibvamu pẹlu aṣa ati iṣẹṣe awọn eeyan Bauchi.

Mo tun fi kun un pe awọn yoo ṣe agbekalẹ igbimọ alaṣẹ ti yoo mojuto ọrọ titete fi ọmọ lọkọ.

O ni awọn onimọ ẹsin yoo wa ninu igbimọ yi.

Ninu ọrọ tirẹ, Minisita feto obinrin, Paulen Tallen ṣapejuwe ifipabanilopọ gẹgẹ bi iwa ipaniyan to lagbara.