Украина Путин оташкесимини рад этди - янгиликлар, дунё, Россия
Сурат манбаси, EPA
- Author, Вил Вернон ва Самуэл Ҳорти
- Role, BBC News
Россия президенти Путин Мудофаа вазирига 36 соатлик оташкесим жорий этиш ҳақида буйруқ берди.
Оташкесим Москва вақти билан соат 12:00 да бошланган ва Россияда Рождество байрами нишонланаётган вақтга тўғри келади.
Путин Украинадан ҳам шундай йўл тутишни сўраган, аммо Зеленский бу таклифни рад этмоқда.
Унга кўра, Россия мақсади Украина шарқида одимлаётган қўшинларни тўхтатиб қолишдир.
Кремл баёнотига кўра, Путин айни амал ҳарбий амалиётни секинлаштирмоқчи эмас, балки мамлакат раҳбари Россия Православ черковининг таклифига рози бўлган, холос.
Патриарх Кирилл Рождество ибодатларини ўтказиш учун оташкесим эълон қилишга чақирганди.
Путин ўз буйруғида Украинага ҳам шундай даъват билан чиққанди.
Аммо президент Зеленский Россия аслида Украина ҳарбийларининг шарқий Донбасдаги муваффақиятли юришларини тўхтатиб туриш, бу минтақага кўпроқ ҳарбий куч ва техника жалб қилишни кўзлаган демоқда.
Аввалроқ, Россия янги йил оқшомида Украина ракета ҳужумида камида 89 рус аскари ҳалок бўлишига уларнинг мобил телефонларидан фойдалангани сабаб бўлганини айтганди.
Тақиқланган телефонлардан фойдаланиш душманга нишонни аниқлаш имконини берди, деб айтган расмийлар.
Украинанинг билдиришича, босиб олинган Донецк ҳудудидаги Макиивка шаҳрида ҳарбий коллежга уюштирилган ҳужумда 400 нафар аскар ҳалок бўлган, яна 300 нафари яраланган.
Бу Россия томони урушда ўз аскарлари сафида тан олган энг кўп талафотдир.
BBC.COM/UZBEK билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
