Германия, Коронавирус: Вакцинанинг беш баравар кўп дозаси билан эмланганлар Koronavirus

27 декабрь куни Германияда саккиз инсонга Covid-19 га қарши вакцинанинг беш баравар кўп дозаси санчилган, оқибатда тўрт нафари гриппникига ўхшаш аломатлар билан шифохонага ётқизилган.

Бу бутун Европа бўйлаб оммавий эмлаш бошланишининг биринчи кунига тўғри келган.

Ҳодиса Германия шимолидаги Vorpommern-Ruegen туманидаги Stralsund шаҳарчасида рўй берган.

Stralsundдаги қариялар уйининг ходимларидан бўлган етти нафар аёл, бир эркакка BioNTech-Pfizer вакцинасининг тавсия этилган дозасидан беш баравар кўп укол қилинган.

Тиббиёт ходимининг билмасдан ёшлари 38 ва 54 орасида бўлган қариялар уйи парваришловчиларига кўп дозадаги вакцинани юборгани кейин маълум бўлган.

Ўзларида худди гриппда кузатиладигандек симптомларни кузатган тўрт киши шифохонага ётқизилиб кузатувга олинганлар.

Тўрт кишининг бирортасида ҳам жиддий хасталик белгилари кузатилмаган.

BioNTech-Pfizer вакцинаси дунёда коронавирусга қарши 95 фоиз самарали вакцина деб тан олинди ва уни уч ҳафталик танаффус билан икки марта олиш тавсия этилди.

Бир марталик доза 30 микрограмм этиб белгиланган.

BioNTech-Pfizer вакцинани илк синовдан ўтказаётган вақтларида айрим кўнгиллиларга 100 микрограмм доза укол қилингани, кўп дозадаги вакцина ҳеч кимни касал қилмаганини билдирган.

Дунёнинг кўп мамлакатларида бўлгани каби Германияда ҳам коронавирусга қарши вакцинанинг олишда аҳолининг ёш қатламларига устуворлик берилган: биринчи бўлиб вакцина ёши 80 дан ошганлар ҳамда уларга қарайдиган парваришловчиларга қилиниши кўзда тутилган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek