Янгиликлар. Ўзбекистон: Украина Ўзбекистондаги ҳамма рақибларини уриб ташладими? O‘zbekiston Rossiya Yangiliklar
Олинаётган хабарлар қизиқ. Россия босқини Украинага писанд бўлмадими?
Алоқадор мавзулар:
- Янгиликлар. Ўзбекистон: Бугун Путинга "Йўқ", дейиш хавфлими? Россия ва Марказий Осиё
- Ўзбекистон: Мирзиёев нега жиддий ташвишда эканликларини айтди, Россия бекорга қўрқитмаяптими?
- Ташқи таҳдидга қандай қарши туриш мумкин, Қозоғистон Россиядан қўрқмайдими ва Россия Марказий Осиёни ким сифатида кўради?
- Ўзбекистон. Кун саволи: Россия ва Хитой гегемонлиги қаршисида бугун Туркий давлатлар нима қила олади?
Урушлар ичидаги Украина шу йил бошида Ўзбекистоннинг энг йирик олма етказиб берувчисига айланди.
EastFruit халқаро лойиҳаси кеча, 18 апрель куни ўзининг янги ҳисоб-китобларини эълон қилди.
Лойиҳа таҳлилчиларига кўра, жорий йилнинг январь ойида Ўзбекистонни энг кўп олма билан айнан Украина таъминлаган.
Уларнинг маълум қилишларича, бунга Россиянинг давом этаётган ҳарбий тажовузи, мураккаб, қиммат логистика ва украиналик деҳқонлар ҳозир тўқнаш келиб турган бошқа муаммолар ҳам тўсқинлик қила олмаган.
Сурат манбаси, .
Агар, лойиҳа ҳисоб-китобларига таянилса, 2023 йилнинг январь ойида Украинадан Ўзбекистонга олма экспорти ҳажми 360 тоннани ташкил этган.
Янги рақамлар ўтган йилнинг худди шу пайтида, устига устак, Россия тажовузидан аввал қайд этилганини қарийб чорак фоизга ортда қолдириб кетган.
"Эътиборлиси, Украина олмалари худди шу ойда Ўзбекистон бозоридан Эрон, Молдова ва Туркияникини сиқиб чиқарган", - деб ёзган EastFruit.
Бу мамлакатлардан Ўзбекистонга олма экспорти мос равишда 32, 3 ва тўрт баробарга камайган.
Ҳаммани ортда қолдирган "рақиб"
Лойиҳа маълумотларидан маълум бўлишича, январь ойида Ўзбекистонга олма экспорт қилиш ҳажми бўйича биргина Польша Украина билан беллаша олган.
Польша ўзлари учун узоқ, аммо даромадли бўлган Ўзбекистон бозорига шу йилнинг январь ойида 351 тонна олма экспорт қилган.
EastFruit мониторинги эса, худди шу пайтда Украина ва Польшада "Golden Delicious" навли олмалар улгуржи нархлари Ўзбекистондагидан уч баравар ёки бундан ҳам арзон бўлганини кўрсатган. Молдовада эса, Украина ва Польшадагига қараганда сал қимматроқ бўлган.
"2023 йилнинг февраль ойида Ўзбекистонда олма нархлари кўтарилишда давом этди, аммо Украина ва Польшада барқарорлигича қолди, бу эса, Ўзбекистонга экспортни янада даромадли қилди", - дейди EastFruit.
Лойиҳа ўз қиёсини давом эттириб, Украинадан Ўзбекистонга ўтган йилги олма экспортига оид рақамларни ҳам келтириб ўтган.
Бу маълумотларга таянилса, ўтган йилнинг декабрь ойида бу рақамлар 274 тоннани ташкил этган.
Ўзбекистоннинг бозорларида ҳали ўзининг олмалари арзон бўлган ноябрь ойида эса, 39 тонна олма экспорт қилган.
EastFruit нинг ёзишича, 2022 йилда Украинадан Ўзбекистонга олма экспорти февраль-апрель ойларида ўзининг чўққисига чиққан.
Худди шу вақт оралиғида Украина Ўзбекистонга жами 1500 тонна олма экспорт қилган.
Сўнгги янгилик Россиянинг Украинага босқини ва бунинг ҳар икки рақиб мамлакат иқтисоди, қишлоқ хўжалигига таъсири бутун дунёда озиқ-овқат нархларининг кескин ошишига сабаб бўлаётган бир манзарада олинган.
Россия ўзининг таъбиридаги "махсус ҳарбий амалиёти"ни Украинада 2022 йилнинг 24 февралида бошлаган.
Ғарб бунинг тўлақонли уруш ва тажовуз эканини айтади.
Telegram kanalimiz: https://t.me/bbcuzbek
BBC.COM/UZBEK
Telegramda bog'lanish raqami +44 7858860002
