Фарзандингизни уйда ўқитишнинг яна қандай бепул йўллари бор? Ўзбекистон ва коронавирус - O'zbekiston
Ўзбекистонда коронавирусга чалинганлар сони 55 нафар эканлиги айтилган.
Улар орасида баъзи беморларнинг аҳволи оғирлиги ҳам маълум қилинган.
Мамлакат бўйлаб ташқарига ниқобсиз чиқиш тақиқланган.
Тошкентда ва бошқа йирик шаҳарларда жамоат транспорт воситаларига чеклов ўрнатилган.
Коронавирусга қарши курашда ҳукумат 30 миллиондан ортиқроқ аҳолини асосан уйда ўтиришга даъват қилмоқда.
Мамлакатдаги таълим муассасалари номаълум муддатга ёпилар экан, ўқувчи ва талабалар масофавий дарсларни олишлари йўлга қўйилмоқда.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Бу ҳақида Халқ таълими вазири ўринбосари Дилшод Кенжаев маълум қилди.
Дарслар ўзбек ва рус тилларида "Ёшлар", Оилавий", "Маъданият ва маърифат" ва "Дунё бўйлаб" телеканалларида намойиш этилади.
Ўқувчилар Халқ таълими вазирлигининг веб саҳифаси вп kundalik.uz сайтлари орқали ҳам дарсларга киришлари мумкин.
Дарсларнинг жадвали ва эфир вақтлари 26 мартдан бошлаб эълон қилиниши айтилди.
Сурат манбаси, khan academy
Айни дамда, Khan Academy онлайн дарслар платформасининг ўзбек бўлими асосчиси Ботир Арифжоновнинг Би-би-сига айтишича, масофавий таълим дунё бўйлаб ривожланган ва Ўзбекистонда ҳам унга эҳтиёж ортган.
Арифжоновга кўра, коронавирус инқирози вақтида Ўзбекистонда ҳам ўқувчи ва талабалар ўзбек тилида ушбу порталдан қисман фойдаланишлари мумкин.
Академия сайтидаги дарслар видео, матн ва тестлар билан бойитилган.
Барча учун бепул бўлган сайт ходимлари ҳозирда телевидение орқали бериладиган дарсларни ҳам фильмга олиш жараёнида иштирок этишмоқда.
