Тошкентда қолаётган инглиз: Коронавирус маслаҳатлари Ўзбекистон урф-одатларига зид келса-чи? O'zbekiston
Буюк Британия, кўплаб давлатлар қатори, хорижда яшаётган ё сафарда бўлган ва ватанга қайтишни истаган фуқаролари учун махсус рейсларни амалга оширмоқда. Британиянинг 1 миллиондан ошиқ фуқароси ҳозирда мамлакатдан ташқарида экани айтилади. Аммо, Жозеф Бакли Тошкентда қолмоқда, ҳамда ҳозирча хавотирда эмаслигини айтади. "Албатта, вазият тез ўзгариши мумкин ва бундай вақтларда оиланг, ота-онанг билан бирга бўлишни истайсан", - дейди у.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Сўнгги маълумотларда Ўзбекистонда корнавирусга чалинганлар сони расман 33 нафар экани айтилади.Ўзбек тилини Лондонда ўрганиб, сўнгра Тошкентга ўтган йили кўчиб ўтган Жозеф Вестминстер университетида инглиз тилидан дарс беряпти. Бу иши унинг ўзи учун ўзбек тилини янада яхшироқ ўзлаштиришига имконият берган. Айни дамда, Жозеф ўзбек маданияти ва урф-одатларини яқиндан кузатар экан, уларнинг коронавирус инқирози манзарасида қанчалар ўзгаришини савол остига олади. Ибрат Сафо у билан Тошкентдаги бугунги ҳаёт тарзи ва ўзбекистонликларнинг коронавирусга бўлган муносабати ҳақида суҳбатлашди.
