 | | | گرین ہاؤس گیسز کو محدود کرنے کی معاشی لاگت کا اندازہ لگایا گیا ہے |
تھائی لینڈ کے دارالحکومت بنکاک میں اقوام متحدہ کی ماحولیات و موسمی تبدیلی سے متعلق ایک اہم کانفرنس میں عالمی حدت سے نمٹنے کے لیے کئی اقدامات پر اتفاق ہوا ہے۔
اس حوالے سے چین کے تحفظات پر طویل بحث بھی کی گئی۔ متنازعہ مسائل میں کیوٹو پروٹوکول کی زبان، آلودگی کم کرنے کی لاگت اور جوہری توانائی شامل تھے۔ موسمیاتی تبدیلی پر بین الحکومتی پینل (آئی پی پی سی) کے اس سال کے اندازوں کا تیسرا حصہ آلودگی کم کرنے اور معاشی مسائل پر قابو پانے کے طریقے ڈھونڈتا نظر آرہا ہے۔ موسمیاتی تبدیلی پر رپورٹ جمعہ کو جاری ہونا ہے۔ جنوبی افریقہ کے مندوب پیٹر لوکی نے خبر رساں ادارے اے پی سے بات کرتے ہوئے کہا ’سب طے ہوگیا ہے ۔۔۔۔ اور پیغام یہ ہے کہ ہمیں اب کچھ کرنا ہے‘۔ | چین کے قلیل المیعاد مفادات  چین کی کوشش رہی کہ ایسے تمام حوالوں کو مسودے سے خارج کر دیا جائے جس سے اس کے قلیل المیعاد معاشی مفادات کو نقصان پہنچنے کا احتمال ہو  کانفرنس مندوبین |
مندوبین کے مطابق چین نے بار بار کوشش کی کہ کانفرنس کے مسودے میں بعض جگہ لب و لہجے کو ذرا نرم کیا جائے۔ اس کی کوشش رہی کہ ایسے تمام حوالوں کو مسودے سے خارج کر دیا جائے جس سے اس کے قلیل المیعاد معاشی مفادات کو نقصان پہنچنے کا احتمال ہو۔ آئی پی سی سی رواں سال کے دوران پہلے ہی دنیا میں ماحولیاتی تبدیلی کی سائنس اور اس کےا ثرات کے دو اور پہلوؤں پر جائزہ رپورٹس دے چکا ہے۔ کانفرنس کی رپورٹ میں ماحول میں گرین ہاؤس گیسز کو محدود کرنے کی معاشی لاگت کا اندازہ لگایا گیا ہے۔ بی بی سی کے ماحولیات کے نامہ نگار رچرڈ بلیک کے مطابق گرین ہاؤس گیسز کو کاربن ڈائی اکسائیڈ کے فی ملین 650 حصوں (پی پی ایم) کے برابر محدود کرنے سے دنیا کی کل مجموعی پیداوار (جی ڈی پی) 0.2 فیصد کم ہو جائے گی۔ نامہ نگار کے مطابق گرین ہاؤس گیسز کو اگر 550 پی پی ایم تک محدود کرنے کی سعی کی گئی تو دنیا کی جی ڈی پی 0.6 فیصد کم ہوجائے گی۔ گرین ہاؤس گیسز کا موجودہ ماحولیاتی حجم 425 پی پی ایم ہے اور بہت سے ماحولیاتی | | | گاڑیوں سے نکلنے والے دھوئیں کے مسئلے کا کوئی مناسب حل تلاش نہیں کیا جا سکا |
سائنسدانوں کا کہنا ہے کہ اسے 450 پی پی ایم سے آگے نہ بڑھنے دینے سے بڑے ماحولیاتی مسائل سے بچا جا سکتا ہے۔آئی پی سی سی کے مطابق گرین ہاؤس گیسز کے حجم کو اس سطح تک محدود رکھنے کی لاگت دنیا کی 3 فیصد جی ڈی پی کے برابر ہو سکتی ہے۔ کیلیفورنیا کی سٹینفورڈ یونیورسٹی کے پروفیسر سٹیفن شنیڈر کا کہنا ہے کہ گرین ہاؤس گیسز کے حجم کو 450 پی پی ایم تک محدود رکھنا اب نا ممکن ہے۔ ان کے مطابق تاہم انہیں 450 سے 550 پی پی ایم کے درمیان رکھنے کی کوشش کی جا سکتی ہے وگرنہ درجہ حرارت میں دو سے تین درجے اضافے سے ساحلی علاقوں پر مسائل، پہاڑی گلیشیئرز کے غائب ہونے اور برف کی چادروں کے پگھلاؤ کا خطرہ رہے گا۔ | 
کاربن کا اخراج کم کرنے کا معاہدہ
گلوبل وارمنگ: لائف سٹائل بدلنا ہوگا
