’عالمی درجہ حرارت میں اضافہ نقصان دہ ہوگا‘

موسمیاتی تبدیلیاں اس وقت دنیا کے سامنے سب سے اہم مسئلہ بنتا جا رہا ہے۔

کانفرنس کے دوران مختلف ممالک کے دو سو کے قریب مندوبین تبدیلی کے بارے میں فیصلہ کریں گے کہ اسے خطرناک قرار دینے کی حد کیا ہونی چاہیے۔ حکومتوں کے لیے اس حد کے تعین سے موسم میں تبدیلیوں سے نمٹنے کے لیے حکمت عملی بنانا آسان ہو جائےگا۔

کانفرنس کا اعلان گزشتہ سال ستمبر میں برطانیہ کے وزیر اعظم ٹونی بلیئر نے کیا تھا۔

کانفرنس کے دوران تین نکات پر بات چیت ہوگی۔ اوّلاً یہ کہ موسم کی تبدیلیوں کا دنیا کے مختلف خطوں اور دنیا پر کیا اثر پڑتا ہے؟ دوئم کہ ان تبدیلیوں کا زمین پر گیسوں کی مقدار پر کیا اثر پڑے گا اور ان کے تناسب کو ٹھیک رکھنے کے لیے کیا ضروری ہے اور اخیراً کہ گرین ہاؤس گیسوں کی ضروری مقدار کو قائم رکھنے میں ٹیکنالوجی سے کیا مدد لی جا سکتی ہے اور اس کے اخراجات کیا ہوں گے؟

یورپی یونین کے مطابق عالمی درجہ حرارت سالانہ اوسطاً دو ڈگری سینٹی گریڈ سے زیادہ نہیں بڑھنا چاہیے۔

ڈاکٹر جیف ڈینکنز جو تیس سال سے محکمہ موسمیات میں کام کر رہے ہیں کا کہنا ہے کہ سنہ اکیس سو تک عالمی درجہ حرارت میں تین ڈگری سینٹی گریڈ کا اضافہ ہو سکتا ہے۔