 | | | | | | | ||||||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||||||
|
کوئی جواز قابلِ قبول نہیں: چین | |||||||||||||||||||||||||||||||||||||||||||||||||||||||||||||||||||||||||||||||||||
چین نے لبنان میں اسرائیلی حملے کے نتیجے میں اپنے ایک فوجی اور اقوام متحدہ کے تین دوسرے مبصروں کی ہلاکت پر شدید ناراضی کا اظہار کیا ہے۔ چین کا کہنا ہے کہ ایک گائیڈڈ میزائیل حملے سے ہونے والی یہ ہلاکتیں ایسی ہیں جن کے لیئے کسی بات کو جواز قرار نہیں دیا جا سکتا۔ اقوام متحدہ کی سلامتی کونسل لبنان میں مبصروں کی ہلاکت پر اب تک بیان اس لیئے جاری نہیں کر سکی کہ وہ اس واقعے کے لیئے کیا الفاظ استعمال کرے جسے اسرائیل کے وزیراعظم ایہود المرت نے ایک غلطی کا نتیجہ قرار دیا ہے۔ ادھر اقوام متحدہ کے چار مبصرین کی ہلاکت کی مکمل تحقیقات کا مطالبہ زور پکڑتا جا رہا ہے اور اقوامِ متحدہ کی ابتدائی تحقیقات کے مطابق منگل کو ہلاک ہونے والے مبصرین پر چھ گھنٹے تک بمباری کے بعد گائیڈڈ میزائل سے حملہ کیا گیا۔
اقوام متحدہ کے سیکریٹری جنرل کوفی عنان نے انکشاف کیا ہے کہ ان حملوں کے دوران اسرائیلی فوج سے دس مرتبہ حملہ روکنے کے لیئے کہا گیا تھا لیکن مسلسل رابطے میں ہونے کے باوجود حملے روکے نہیں گئے۔ سیکرٹری جنرل کا کہنا تھا کہ’ہمارے جنرل، فوجی اور وہاں موجود افراد اسرائیلی فوج کو مسلسل خبردار کر رہے تھے کہ احتیاط برتیں کیونکہ وہاں ہمارے لوگ موجود ہیں۔ ہمارے لوگوں کو نقصان نہ پہنچائیں۔ ایسی درخواستیں بارہا کی گئیں یہاں تک یہ واقعہ ہوگیا‘۔ اقوام متحدہ کے یہ مبصر جن کا تعلق چین، فن لینڈ، کینیڈا اور آسٹریا سے تھا، خیام نامی قصبے کے پاس واقع ایک چوکی پر تعینات تھے اور جب حملے شدید ہوئے تو وہ پناہ لینے کے لیئے ایک پناہ گاہ میں چلے گئے جہاں انہیں ایک میزائل کے ذریعے نشانہ بنایا گیا۔ ان مبصرین کا تعلق ’آبزرور گروپ لبنان‘ سے تھا۔ اس گروپ کی تشکیل اقوام متحدہ کی 1948 کی قراردادوں کے تحت کی گئی تھی۔ لبنان میں اقوام متحدہ کے ایک ترجمان کا کہنا ہے کہ مبصرین کی چوکی کے قریب دن بھر میں چودہ مرتبہ گولہ باری کی گئی جس سے یہ محسوس ہوتا ہے کہ چوکی ہی کو نشانہ بنانے کی کوشش کی جا رہی تھی۔ جب چوکی اور اس کی ٹیم بمباری کا نشانہ بن گئی تو ایک انڈین دستے کو ملبہ ہٹانے کے لیئے بھیجا گیا لیکن یہ دستہ بھی اس وقت بمباری کی زد میں آ گیا جب کھدائی کر رہا تھا۔ | 
اسی بارے میں  ’روٹ کاز کیا ہے؟‘26 July, 2006 | آس پاس ’پورے خطے میں جنگ کا انتباہ‘ 26 July, 2006 | آس پاس ’دس مرتبہ حملہ روکنے کو کہا گیا‘26 July, 2006 | آس پاس مبصروں کی ہلاکت پر معذرت 26 July, 2006 | آس پاس نو نہیں 8 ہلاک ہوئے ہیں: اسرائیل26 July, 2006 | آس پاس امداد کا رستہ روکنے پر ایران برہم26 July, 2006 | آس پاس لبنان: جھڑپوں میں نو اسرائیلی ہلاک26 July, 2006 | آس پاس لبنان کیلیئے اقوام متحدہ کی اپیل25 July, 2006 | آس پاس | |||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||
اقوام متحدہ کی سلامتی کونسل لبنان میں مبصروں کی ہلاکت پر اب تک بیان اس لیئے جاری نہیں کر سکی کہ وہ اس واقعے کے لیئے کیا الفاظ استعمال کرے جسے اسرائیل کے وزیراعظم ایہود المرت نے ایک غلطی کا نتیجہ قرار دیا ہے
