 | | | اسرائیلی حملے کے دوران اقوام متحدہ کی ایک پوسٹ کو نشانہ بنایا گیا |
لبنان پر اسرائیلی حملے میں اقوام متحدہ کے 4 مبصر ہلاک ہوئے ہیں۔ کوفی عنان نے اسے 'دیدہ و دانستہ' کارروائی قرار دیا ہے۔ لبنانی سکیورٹی فورسز نے سب سے پہلے اس کی اطلاع دی کہ اسرائیلی کے ایک فضائی حملوں کے دوران جنوبی لبنان میں اقوام متحدہ کی ایک چوکی کو نشانہ بنایا گیا ہے اور اس میں اقوام متحدہ کے چار مبصر ہلاک ہوئے ہیں۔ بتایا گیا ہے کہ اقوام متحدہ کے یہ مبصر جن کا تعلق مختلف ملکوں سے تھا، خیام نامی قصبے کے پاس واقع ایک چوکی پر تعینات تھے۔ جنگ بندی کے حالات پر نظر رکھنے والے ان مبصرین کا تعلق ’آبزرور گروپ لبنان‘ سے تھا۔ اس گروپ کی تشکیل اقوام متحدہ کی 1948 کی قراردادوں کے تحت کی گئی تھی۔ لبنان میں اقوام متحدہ کے ایک ترجمان کا کہنا ہے کہ مبصرین کی چوکی کے قریب دن بھر میں چودہ مرتبہ گولہ باری کی گئی جس سے یہ محسوس ہوتا ہے کہ چوکی کو نشانہ بنانے کی کوشش کی جا رہی تھی۔ جب چوکی اور اس کی ایک قریبی ٹیم بم باری کا نشانہ بن گئی تو ایک انڈین دستے کو ملبہ ہٹانے کے لیئے بھیجا گیا لیکن یہ دستہ بھی اس وقت کھدائی کی زد میں آیا جب کھدائی کر رہا تھا۔ اقوام متحدہ کے ترجمان کے مطابق اسرائیل سے فوری احتجاج کیا گیا ہے اور حملے روکنے کی درخواست کی گئی۔ | 
الاباما فائرنگ میں دس ہلاک
