نارائین باریٹھ بی بی سی اردو ڈاٹ کام، جےپور

	بھارتی جیل میں قید پاک شہریوں کو گذشتہ سنیچر کو جودھپور کی جیل سے رہا کیا گیا تھا

تھر ایکسپریس جمعہ کو جودھپور سے روانہ ہوئی تو اس میں مسافروں کی تعداد صرف تین سو ہی رہ گئی۔ اس ٹرین سے ماضی میں ایک وقت ميں لگ بھگ پانچ سو افراد سفر کیا کرتے رہے ہیں۔

جنگ کے حالات کے مدنظر لوگوں کو اندیشہ ہے کہ اس ٹرین کو روک دیا جائے گا۔ اسی وجہ سے جعہ کو روانہ ہوئی تو ٹرین میں ہندوستانی مسافروں کی تعداد ماضی کے برعکس کافی کم تھی۔

اس لیے یہ بھی دیکھا گیا کہ ہندوستان کی جانب سے اپنے شہریوں کو پاکستان نہ جانے کا مشورہ دینے کے باوجود جمعہ کو تھر ایکسپریس میں تراسی ہندوستانی شہری سوار تھے۔

مسافر کا موقف  ہندوستان اور پاکستان کو ایک ساتھ مل کر دہشتگردی سے مقابلہ کرنا چاہیے نہیں تو دونوں ممالک کے لیے برا ہوگا ، جیل میں ہم سے اچھا برتاؤ کیا گیا اور لوگوں نے ہماری مدد بھی کی نجمہ ، جیل سے رہا ہوئی پاک شہری

اس درمیان جودھ پور کی جیل سے رہا ہوئے 51 پاکستانی شہری اپنے وطن نہيں جا سکے۔ مرکزی حکومت کی جانب سے اجازت نہ ملنے کی وجہ سے ہندوستانی اہلکاروں نے انہوں نے تھر ایکسپریس میں سوار ہونے نہيں دیا ہے۔

ان پاکستانی شہریوں میں 25 خواتین اور چار بچے بھی شامل ہیں۔ یہ سبھی جودھ پور جیل میں چھ مہینے کی سزا کاٹنے کے بعد گزشتہ سنیچر کو رہا ہوئے تھے۔

پولیس نے انہیں ویزے کے دستاویزات میں چھیڑ چھاڑ کرنے کے الزام میں گرفتار کیا تھا۔ لیکن گزشتہ ہفتے ریاست راجھستان میں کانگریس کی نئی حکومت نے انہیں رہا کرنے کا حکم دیا تھا۔ لیکن اب مرکزی حکومت سے اجازت نہ ملنے کی وجہ سے وہ تھر ایکسپریس پر سوار نہ ہوسکے۔

ریاست کے داخلہ سکریٹری ایس این تھانوی نے بی بی سی کو بتایا: ’ان کے خلاف جرم طے نہیں ہوا ہے۔ یہ رہائی کے بعد جودھپور کے ایک ہوٹل کی نگرانی میں رہ رہے ہیں۔‘

ان لوگوں کی رہائی کے لیے سیمانت لوک تنظیم کے ہندو سنگھ سودھا نامی شخص کوششیں کر رہے تھے۔ ان لوگوں کو جانے سے روکے جانے پر وہ بہت مایوس ہوئے، ان کا کہنا تھا: ’دونوں ممالک کو بےقصور لوگوں کو نشانہ نہيں بنانا چاہیے۔‘