You’re viewing a text-only version of this website that uses less data. View the main version of the website including all images and videos.
ਮਲਿਕਾ ਸ਼ੇਰਾਵਤ ਨੂੰ ਕਿਉਂ ਕੀਤਾ ਜਾ ਰਿਹਾ ਹੈ ਬੇਘਰ?
ਬਾਲੀਵੁੱਡ ਅਦਾਕਾਰਾ ਮਲਿਕਾ ਸ਼ੇਰਾਵਤ ਅਤੇ ਉਨ੍ਹਾਂ ਦੇ ਫਰੈਂਚ ਪਤੀ ਨੂੰ ਪੈਰਿਸ ਵਿਚਲੇ ਘਰ ਚੋਂ ਬੇਦਖਲ ਕਰਨ ਲਈ ਕਾਨੂੰਨੀ ਚਾਰਾਜ਼ੋਈ ਸ਼ੁਰੂ ਹੋ ਗਈ ਹੈ।
ਇਲਜ਼ਾਮ ਹਨ ਕਿ ਦੋਹਾਂ ਨੇ 80,000 ਯੂਰੋ (60,57,108.52 ਰੁਪਏ) ਕਿਰਾਏ ਦੀ ਅਦਾਇਗੀ ਨਹੀਂ ਕੀਤੀ ਹੈ, ਇਸ ਲਈ ਮਾਮਲਾ ਪੈਰਿਸ ਅਦਾਲਤ ਵਿੱਚ ਪਹੁੰਚ ਗਿਆ ਹੈ।
ਜੋੜੇ ਦੇ ਵਕੀਲ ਨੇ ਦਾਅਵਾ ਕੀਤਾ ਕਿ ਉਹ ਕਿਰਾਇਆ ਨਾ ਦੇ ਕੇ 'ਆਪਣੀ ਖਿਝ ਦਿਖਾਉਣਾ' ਚਾਹੁੰਦੇ ਸੀ ਕਿਉਂਕਿ ਪਿਛਲੇ ਸਾਲ ਮਲਿਕਾ ਸ਼ੇਰਾਵਤ 'ਤੇ ਬਿਲਡਿੰਗ ਵਿੱਚ ਹਮਲਾ ਕੀਤਾ ਗਿਆ ਸੀ।
ਮਕਾਨ ਮਾਲਕ ਦੀ ਮੰਗ
ਮਕਾਨ ਮਾਲਕ ਨੇ ਫਰਨੀਚਰ ਅਤੇ ਕੀਮਤੀ ਘੜੀਆਂ ਜ਼ਬਤ ਕਰਨ ਦੀ ਅਪੀਲ ਕੀਤੀ ਹੈ।
ਇਹ 350 ਸੁਕੇਅਰ ਮੀਟਰ ਦਾ ਘਰ ਫਰਾਂਸ ਦੀ ਰਾਜਧਾਨੀ ਦੇ ਮਹਿੰਗੇ ਖੇਤਰ ਵਿੱਚ ਹੈ।
ਮਕਾਨ ਮਾਲਕ ਦੇ ਵਕੀਲ ਦਾ ਦਾਅਵਾ ਹੈ ਕਿ 14 ਨਵੰਬਰ ਤੱਕ ਮਲਿਕਾ ਤੇ ਉਨ੍ਹਾਂ ਦੇ ਪਤੀ ਉੱਤੇ 78,786.73 ਯੂਰੋ ਕਿਰਾਇਆ ਬਕਾਇਆ ਹੈ।
ਓਲੀਵੀਅਰ ਮੇਰੈਂਡ ਨੇ ਫਰਾਂਸਇੰਫੋ ਖ਼ਬਰ ਵੈੱਬਸਾਈਟ ਨੂੰ ਦੱਸਿਆ ਕਿ ਇਹ ਜੋੜਾ ਅਸਾਨੀ ਨਾਲ ਕਿਰਾਇਆ ਭਰ ਸਕਦਾ ਸੀ, ਪਰ ਹਾਲੇ ਤੱਕ ਇਸ ਵਿਵਾਦ ਉੱਤੇ ਕੋਈ ਸਮਝੌਤਾ ਹੋਣ ਦੇ ਅਸਾਰ ਨਹੀਂ ਹਨ।
"ਅਸੀਂ 46 ਮਿਲੀਅਨ ਯੂਰੋ ਆਮਦਨ ਅਤੇ 1.4 ਕਰੋੜ ਦੀ ਫਾਰਚੂਨ ਦੀ ਗੱਲ ਕਰ ਰਹੇ ਹਾਂ। ਅਸੀਂ ਤਾਂ ਕਿਰਾਏਦਾਰ ਦੀ ਔਕੜ ਦੇ ਨੇੜੇ-ਤੇੜੇ ਵੀ ਨਹੀਂ।"
ਕਿਰਾਇਆ ਨਾ ਭਰਨ ਦੀ ਵਜ੍ਹਾ
ਮਲਿਕਾ ਦੇ ਵਕੀਲ ਦਾ ਕਹਿਣਾ ਹੈ ਕਿ ਉਹ 'ਅਸਥਾਈ ਮਾਲੀ ਮੁਸ਼ਕਿਲ' ਨਾਲ ਜੂਝ ਰਹੇ ਹਨ।
ਡੇਵਿਡ ਓਨਰੋਟ ਨੇ ਫਰਾਂਸਇੰਫੋ ਨੂੰ ਦੱਸਿਆ ਕਿ ਨਵੰਬਰ ਵਿੱਚ ਮਕਾਨ ਮਾਲਕ ਨਾਲ ਹੋਈ ਲੜਾਈ ਤੋਂ ਬਾਅਦ ਉਨ੍ਹਾਂ ਕਿਰਾਇਆ ਭਰਨ ਤੋਂ ਇਨਕਾਰ ਕਰ ਦਿੱਤਾ ਕਿਉਂਕਿ ਉਨ੍ਹਾਂ ਨਾਲ ਕੁੱਟਮਾਰ ਕੀਤੀ ਗਈ ਸੀ।
ਇੱਕ ਵਾਰੀ ਸਾਰੀਆਂ ਮੁਸ਼ਕਿਲਾਂ ਦਾ ਹੱਲ ਹੋ ਜਾਵੇ ਉਹ ਸਾਰਾ ਕਿਰਾਇਆ ਭਰ ਦੇਣਗੇ।
ਤੁਹਾਨੂੰ ਦੱਸ ਦੇਈਏ ਕਿ ਮਲਿਕਾ ਸ਼ੇਰਾਵਤ ਹੁਣ ਤੱਕ 40 ਫਿਲਮਾਂ ਵਿੱਚ ਕੰਮ ਕਰ ਚੁੱਕੀ ਹੈ।
