You’re viewing a text-only version of this website that uses less data. View the main version of the website including all images and videos.
ਡਾਇਬਿਟੀਜ਼ ਨਾ ਹੋਣ 'ਤੇ ਵੀ ਬਲੱਡ ਸ਼ੂਗਰ ਦੇਖਦੇ ਰਹਿਣਾ ਤੇ ਉਸ ਹਿਸਾਬ ਨਾਲ ਖਾਣਾ-ਪੀਣਾ ਕਿਉਂ ਠੀਕ ਨਹੀਂ ਹੈ
- ਲੇਖਕ, ਰਾਚੇਲ ਸ਼ੈਰਰ
- ਰੋਲ, ਸਿਹਤ ਅਤੇ ਡਿਸਇਨਫਰਮੇਸ਼ਨ ਰਿਪੋਰਟਰ
ਭਾਰਤ ਸਮੇਤ ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ ਸ਼ੂਗਰ ਦੇ ਮਰੀਜ਼ਾਂ ਦੀ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਇਸਦੇ ਨਾਲ ਹੀ ਸ਼ੂਗਰ ਦੀ ਦੇਖਭਾਲ ਦਾ ਬਾਜ਼ਾਰ ਵੀ ਵਧਦਾ ਜਾ ਰਿਹਾ ਹੈ।
ਅੱਜ-ਕੱਲ੍ਹ ਇਸ ਮੰਡੀ ਵਿੱਚ ਖੰਡ ਦੇ ਮੋਨੀਟਰਾਂ ਦੇ ਇਸ਼ਤਿਹਾਰ ਵੀ ਬਹੁਤਾਤ ਵਿੱਚ ਦੇਖਣ ਨੂੰ ਮਿਲਦੇ ਹਨ। ਇਨ੍ਹਾਂ ਦੀ ਅਕਸਰ ਉਨ੍ਹਾਂ ਲਈ ਵੀ ਸਿਫਾਰਸ਼ ਕੀਤੀ ਜਾਂਦੀ ਹੈ, ਜਿਨ੍ਹਾਂ ਨੂੰ ਸ਼ੂਗਰ ਨਹੀਂ ਹੈ।
ਜਦਕਿ ਮਾਹਰ ਡਾਕਟਰਾਂ ਦਾ ਕਹਿਣਾ ਹੈ ਕਿ ਇਹ ਸ਼ੂਗਰ ਮਾਨੀਟਰ ਉਨ੍ਹਾਂ ਲਈ ਜ਼ਰੂਰੀ ਨਹੀਂ ਹੈ ਜਿਨ੍ਹਾਂ ਨੂੰ ਸ਼ੂਗਰ ਨਹੀਂ ਹੈ। ਬਹੁਤ ਸਾਰੇ ਮਾਮਲਿਆਂ ਵਿੱਚ, ਇਹ ਖਾਣ ਦੇ ਵਿਕਾਰ ਦਾ ਕਾਰਨ ਵੀ ਬਣ ਸਕਦਾ ਹੈ।
ਸ਼ੂਗਰ ਦੀ ਨਿਗਰਾਨੀ ਕਰਨ ਵਾਲੇ ਉਪਕਰਣਾਂ ਨੂੰ ਅਕਸਰ ਲੋਕਾਂ ਦੀ ਖੁਰਾਕੀ ਯੋਜਨਾ ਦੇ ਹਿੱਸੇ ਵਜੋਂ ਪ੍ਰਚਾਰਿਆ ਜਾਂਦਾ ਹੈ।
ਇਨ੍ਹਾਂ ਨੂੰ ਅਕਸਰ ਸੋਸ਼ਲ ਮੀਡੀਆ 'ਤੇ ਪ੍ਰਚਾਰਿਆ ਜਾਂਦਾ ਹੈ। ਬ੍ਰਿਟੇਨ ਵਿੱਚ, ਜੇਓਈ ਵਰਗੀਆਂ ਕੰਪਨੀਆਂ ਅਜਿਹੇ ਮਾਨੀਟਰਾਂ ਨੂੰ ਉਤਸ਼ਾਹਿਤ ਕਰਦੀਆਂ ਹਨ।
ਭਾਰਤ ਵਿੱਚ ਵੀ ਕੁਝ ਕੰਪਨੀਆਂ ਸ਼ੂਗਰ ਉੱਪਰ ਨਜ਼ਰ ਰੱਖਣ ਵਾਲੇ ਸਰੀਰ ਨਾਲ ਚਿਪਕਾਏ ਜਾਣ ਵਾਲੇ ਉਪਕਰਣ ਦਿੰਦੀਆਂ ਹਨ।
ਬ੍ਰਿਟੇਨ ਦੀ ਨੈਸ਼ਨਲ ਹੈਲਥ ਸਰਵਸਿਜ਼ ਦੇ ਡਾਇਬਟੀਜ਼ ਸਲਾਹਕਾਰ ਪ੍ਰੋਫੈਸਰ ਪਾਰਥ ਦਾ ਕਹਿਣਾ ਹੈ ਕਿ ਇਸ ਗੱਲ ਦਾ ਕੋਈ ਪੱਕਾ ਸਬੂਤ ਨਹੀਂ ਹੈ ਕਿ ਜੋ ਲੋਕ ਸ਼ੂਗਰ ਤੋਂ ਪੀੜਤ ਨਹੀਂ ਹਨ, ਉਨ੍ਹਾਂ ਵਿੱਚ ਸ਼ੂਗਰ ਨੂੰ ਕੰਟਰੋਲ ਕਰਨ ਵਿੱਚ ਇਸਦੀ ਕੋਈ ਭੂਮਿਕਾ ਹੈ।
ਜੇਓਈ ਦਾ ਕਹਿਣਾ ਹੈ ਕਿ ਇਸ ਸਬੰਧ ਵਿੱਚ ਖੋਜ ਆਪਣੇ ਸ਼ੁਰੂਆਤੀ ਪੜਾਅ ਵਿੱਚ ਹੈ ਪਰ ਇਹ ਅਤਿ-ਆਧੁਨਿਕ ਤਕਨੀਕ ਹੈ।
ਡਾਇਬੀਟੀਜ਼ ਵਾਲੇ ਲੋਕਾਂ ਵਿੱਚ, ਬਲੱਡ ਸ਼ੂਗਰ (ਜਿਸ ਨੂੰ ਬਲੱਡ ਗਲੂਕੋਜ਼ ਵੀ ਕਿਹਾ ਜਾਂਦਾ ਹੈ) ਦਾ ਪੱਧਰ ਖਾਣ ਤੋਂ ਕਈ ਘੰਟਿਆਂ ਬਾਅਦ ਵੀ ਉੱਚਾ ਰਹਿੰਦਾ ਹੈ। ਜੇਕਰ ਵਧੀ ਹੋਈ ਸ਼ੂਗਰ ਨੂੰ ਕੰਟਰੋਲ ਨਾ ਕੀਤਾ ਜਾਵੇ ਤਾਂ ਇਹ ਤੁਹਾਡੇ ਅੰਗਾਂ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ।
ਜੇਓਈ ਇੱਕ ਕੋਵਿਡ ਲੱਛਣ ਟਰੈਕਿੰਗ ਐਪ ਦੀ ਮਾਰਕੀਟਿੰਗ ਵਿੱਚ ਸ਼ਾਮਲ ਹੈ।
ਜੇਓਈ ਉਨ੍ਹਾਂ ਕੰਪਨੀਆਂ ਵਿੱਚੋਂ ਇੱਕ ਹੈ ਜੋ ਸ਼ੂਗਰ ਮਾਨੀਟਰ ਉਹਨਾਂ ਲੋਕਾਂ ਨੂੰ ਵੇਚਦੀਆਂ ਹਨ ਜਿਨ੍ਹਾਂ ਨੂੰ ਸ਼ੂਗਰ ਨਹੀਂ ਹੈ।
ਜੇਓਈ ਦੇ ਉਪਕਰਣ 300 ਪਾਊਂਡ ਵਿੱਚ ਵਿਕਦੇ ਹਨ। ਇਸ ਦੇ ਇਸ਼ਤਿਹਾਰ ਕਈ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਦਿਖਾਈ ਦੇ ਰਹੇ ਹਨ।
ਸ਼ੂਗਰ ਮਾਨੀਟਰ ਕਿਵੇਂ ਕੰਮ ਕਰਦਾ ਹੈ?
ਜੋ ਲੋਕ ਇਸ ਗੈਜੇਟ ਦੀ ਵਰਤੋਂ ਸਰੀਰ ਵਿੱਚ ਸ਼ੂਗਰ ਦੀ ਨਿਗਰਾਨੀ ਕਰਨ ਲਈ ਕਰਦੇ ਹਨ, ਉਹ ਇਸ ਨੂੰ ਦੋ ਹਫ਼ਤਿਆਂ ਤੱਕ ਧਾਰਨ ਕਰਦੇ ਹਨ। ਇਸ ਨਾਲ ਖਾਣ ਤੋਂ ਬਾਅਦ ਸਰੀਰ ਵਿੱਚ ਸ਼ੂਗਰ ਲੈਵਲ ਦੀ ਨਿਗਰਾਨੀ ਕੀਤੀ ਜਾਂਦੀ ਹੈ।
ਕੁਝ ਵੱਖ-ਵੱਖ ਟੈਸਟਾਂ ਰਾਹੀਂ ਇਹ ਦੇਖਿਆ ਜਾਂਦਾ ਹੈ ਕਿ ਕਿਸੇ ਦਾ ਸਰੀਰ ਚਰਬੀ ਪ੍ਰਤੀ ਕਿਵੇਂ ਪ੍ਰਤੀਕਿਰਿਆ ਕਰਦਾ ਹੈ। ਪੇਟ ਵਿੱਚ ਪੈਦਾ ਹੋਣ ਵਾਲੇ ਬੈਕਟੀਰੀਆ ਦੀ ਵੀ ਜਾਂਚ ਕੀਤੀ ਜਾਂਦੀ ਹੈ।
ਜੇਓਈ ਦਾ ਕਹਿਣਾ ਹੈ ਕਿ ਇਹ ਟੈਸਟ ਇਹ ਪਤਾ ਲਗਾਉਣ ਵਿੱਚ ਮਦਦਗਾਰ ਹੈ ਕਿ ਦੋ ਵੱਖ-ਵੱਖ ਲੋਕਾਂ ਦੇ ਸਰੀਰ ਇੱਕੋ ਭੋਜਨ ਉੱਤੇ ਪੂਰੀ ਤਰ੍ਹਾਂ ਵੱਖ-ਵੱਖ ਪ੍ਰਤੀਕਿਰਿਆ ਕਰ ਸਕਦੇ ਹਨ।
ਉਦਾਹਰਣ ਲਈ, ਖੁਰਾਕ ਵਿੱਚ ਕਾਰਬੋਹਾਈਡਰੇਟ ਦਾ ਸੇਵਨ ਕਰਨ ਤੋਂ ਬਾਅਦ, ਇੱਕ ਵਿਅਕਤੀ ਦੇ ਖੂਨ ਵਿੱਚ ਸ਼ੂਗਰ ਦਾ ਪੱਧਰ ਦੂਜੇ ਵਿਅਕਤੀ ਨਾਲੋਂ ਵੱਧ ਹੋ ਸਕਦਾ ਹੈ।
ਇਹ ਭੋਜਨ ਦੀ ਚੋਣ ਕਰਨ ਵਿੱਚ ਵਿਅਕਤੀ ਦੀ ਮਦਦ ਕਰ ਸਕਦਾ ਹੈ।
ਪਰ ਖੋਜਕਰਤਾਵਾਂ ਨੇ ਕਿਹਾ ਹੈ ਕਿ ਗੈਰ-ਡਾਇਬਟੀਜ਼ ਰੇਂਜ ਵਿੱਚ ਸ਼ੂਗਰ ਦੇ ਪੱਧਰ ਵਿੱਚ ਬਹੁਤ ਜ਼ਿਆਦਾ ਵਾਧੇ ਅਤੇ ਕਮੀ ਨਾਲ ਜੁੜੇ ਅੰਕੜਿਆਂ ਨੂੰ ਅਜੇ ਤੱਕ ਚੰਗੀ ਤਰ੍ਹਾਂ ਸਮਝਿਆ ਨਹੀਂ ਜਾ ਸਕਿਆ ਹੈ।
ਆਕਸਫੋਰਡ ਯੂਨੀਵਰਸਿਟੀ ਦੇ ਡਾਇਟੀਸ਼ੀਅਨ ਅਤੇ ਡਾਇਬਟੀਜ਼ ਖੋਜਕਰਤਾ ਡਾ. ਨਿਕੋਲਾ ਗੇਸ ਦਾ ਕਹਿਣਾ ਹੈ ਕਿ ਸ਼ੂਗਰ ਦੇ ਉੱਚ ਪੱਧਰ ਅਤੇ ਵੱਖ-ਵੱਖ ਪੱਧਰਾਂ ਅਤੇ ਸਿਹਤ ਸਮੱਸਿਆਵਾਂ ਦੇ ਬਹੁਤ ਸਾਰੇ ਸਬੂਤ ਸ਼ੂਗਰ ਜਾਂ ਪ੍ਰੀ-ਡਾਇਬੀਟੀਜ਼ ਵਾਲੇ ਲੋਕਾਂ ਵਿੱਚ ਗਲੂਕੋਜ਼ ਦੇ ਪੱਧਰ 'ਤੇ ਅਧਾਰਤ ਹਨ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਹਾਈ ਬਲੱਡ ਸ਼ੂਗਰ, ਡਾਇਬਿਟੀਜ਼ ਦਾ ਲੱਛਣ ਹੈ। ਇਹ ਡਾਇਬੀਟੀਜ਼ ਦਾ ਸਿੱਧਾ ਕਾਰਨ ਨਹੀਂ ਹੋ ਸਕਦਾ।
ਟਾਈਪ ਵਨ ਡਾਇਬਟੀਜ਼ ਉਦੋਂ ਹੁੰਦੀ ਹੈ ਜਦੋਂ ਪੈਨਕ੍ਰੀਅਸ ਇਨਸੁਲਿਨ ਪੈਦਾ ਕਰਨਾ ਬੰਦ ਕਰ ਦਿੰਦਾ ਹੈ। ਸਰੀਰ ਵਿੱਚ ਇਸ ਪੱਧਰ ਨੂੰ ਲਗਾਤਾਰ ਬਣਾਈ ਰੱਖਣ ਲਈ, ਇਨਸੁਲਿਨ ਦੇ ਟੀਕੇ ਦੀ ਲੋੜ ਹੁੰਦੀ ਹੈ।
ਟਾਈਪ 2 ਡਾਇਬਟੀਜ਼ ਉਦੋਂ ਹੁੰਦੀ ਹੈ ਜਦੋਂ ਸਰੀਰ ਦੇ ਸੈੱਲ ਇਨਸੁਲਿਨ ਪ੍ਰਤੀਰੋਧੀ ਬਣ ਜਾਂਦੇ ਹਨ, ਇਸ ਲਈ ਸਰੀਰ ਵਿੱਚ ਖੂਨ ਵਿੱਚ ਗਲੂਕੋਜ਼ ਦੇ ਸਧਾਰਣ ਪੱਧਰ ਨੂੰ ਬਣਾਈ ਰੱਖਣ ਲਈ ਵਧੇਰੇ ਇਨਸੁਲਿਨ ਦੀ ਜ਼ਰੂਰਤ ਹੁੰਦੀ ਹੈ।
ਟਾਈਪ 2 ਡਾਇਬਟੀਜ਼ ਨੂੰ ਖੁਰਾਕ, ਕਸਰਤ ਅਤੇ ਨਜ਼ਦੀਕੀ ਨਿਗਰਾਨੀ ਨਾਲ ਕੰਟਰੋਲ ਕੀਤਾ ਜਾ ਸਕਦਾ ਹੈ।
ਜੇਓਈ ਦਾ ਕਹਿਣਾ ਹੈ ਕਿ ਉਹ ਮਨੁੱਖੀ ਸਰੀਰ ਵਿੱਚ ਆਂਦਰਾਂ ਦੇ ਬੈਕਟੀਰੀਆ, ਖੁਰਾਕ ਅਤੇ ਸਿਹਤ ਵਿਚਕਾਰ ਸਬੰਧਾਂ ਦੀ ਜਾਂਚ ਕਰ ਰਹੀ ਹੈ।
ਸਿਹਤ 'ਤੇ ਕੀ ਪ੍ਰਭਾਵ ਪੈਂਦਾ ਹੈ?
ਜੋਓਈ ਦੇ ਮੁੱਖ ਵਿਗਿਆਨੀ, ਡਾਕਟਰ ਸਰਾਹ ਬੇਰੀ ਨੇ ਬੀਬੀਸੀ ਨੂੰ ਦੱਸਿਆ ਕਿ ਕੰਪਨੀ ਨੇ ਦਹਾਕਿਆਂ ਦੀ ਪੋਸ਼ਣ ਖੋਜ ਦੇ ਡਾਟਾ ਦੀ ਵਰਤੋਂ ਕੀਤੀ ਹੈ।
ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਬਲੱਡ ਸ਼ੂਗਰ ਅਤੇ ਸਿਹਤ ਵਿਚਕਾਰ ਸਬੰਧਾਂ ਨਾਲ ਸਬੰਧਤ ਆਪਣੇ ਖੋਜ ਅੰਕੜਿਆਂ ਦੀ ਵੀ ਵਰਤੋਂ ਕੀਤੀ ਹੈ।
ਪਰ ਉਹ ਮੰਨਦੀ ਹੈ ਕਿ ਉਸ ਕੋਲ ਵੀ ਉਹ ਸਾਰੇ ਸਬੂਤ ਨਹੀਂ ਹਨ ਜਿਨ੍ਹਾਂ ਤੋਂ ਕੋਈ ਖਾਸ ਸਿੱਟਾ ਕੱਢਿਆ ਜਾ ਸਕੇ।
ਪਰ ਇੱਕ ਮਾੜੀ ਖੁਰਾਕ (ਜਿਸ ਦੇ ਪ੍ਰਭਾਵ ਅਸੀਂ ਪਹਿਲਾਂ ਹੀ ਜਾਣਦੇ ਹਾਂ) ਦੇ ਜੋਖਮਾਂ ਨੂੰ ਵੇਖਦੇ ਹੋਏ, ਬਲੱਡ ਸ਼ੂਗਰ ਦੇ ਲੰਬੇ ਸਮੇਂ ਦੇ ਪ੍ਰਭਾਵਾਂ ਨੂੰ ਸਮਝਣ ਲਈ ਦਹਾਕਿਆਂ ਦੀ ਉਡੀਕ ਕਰਨੀ ਬਹੁਤ ਘੱਟ ਅਰਥ ਰੱਖ ਸਕਦੀ ਹੈ।
ਡਾਕਟਰ ਰਿਆਨ ਕਰੂਕ, ਇੱਕ ਜਨਰਲ ਪ੍ਰੈਕਟੀਸ਼ਨਰ ਅਤੇ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਵਾਲੇ ਇੱਕ ਸਟਾਰਟ-ਅਪ ਦੇ ਮਾਲਕ, ਬਲੱਡ ਸ਼ੂਗਰ ਨਾਲ ਸਬੰਧਤ ਸਾਰੇ ਸਬੂਤ ਪ੍ਰਾਪਤ ਕਰਨ ਦੇ ਟੀਚੇ ਦੀ ਬਜਾਏ ਇਸ ਦਿਸ਼ਾ ਵਿੱਚ ਚੱਲ ਰਹੇ ਪ੍ਰਯੋਗਾਂ ਦਾ ਸਮਰਥਨ ਕਰਦੇ ਹਨ।
ਉਹ ਕਹਿੰਦੇ ਹਨ ਕਿ ਬਲੱਡ ਸ਼ੂਗਰ ਨਾਲ ਸਬੰਧਤ ਸਬੂਤ ਪ੍ਰਾਪਤ ਕਰਨ ਦੀ ਉਡੀਕ ਇਸ ਖੇਤਰ ਵਿੱਚ ਨਵੀਨਤਾ (ਇਨੋਵੇਸ਼ਨ) ਨੂੰ ਖਤਮ ਕਰੇਗੀ।
ਕਰੂਕ ਅਤੇ ਜੇਓਈ ਦੇ ਆਲੋਚਕ ਇਹ ਵੀ ਮੰਨਦੇ ਹਨ ਕਿ ਨਿਰੰਤਰ ਗਲੂਕੋਜ਼ ਮਾਨੀਟਰ (ਸੀਜੀਐਮ) ਲੋਕਾਂ ਨੂੰ ਬਲੱਡ ਸ਼ੂਗਰ ਦੇ ਪ੍ਰਬੰਧਨ ਅਤੇ ਖੁਰਾਕ ਵਿੱਚ ਤਬਦੀਲੀਆਂ ਕਰਨ ਲਈ ਪ੍ਰੇਰਿਤ ਕਰ ਸਕਦੇ ਹਨ।
ਹਾਲਾਂਕਿ, ਲੋਕ ਦਹਾਕਿਆਂ ਤੋਂ ਖੁਰਾਕ ਨਾਲ ਸਬੰਧਤ ਬਿਮਾਰੀਆਂ ਬਾਰੇ ਚੇਤਾਵਨੀ ਦਿੰਦੇ ਆ ਰਹੇ ਹਨ। ਪਰ ਸੈਂਕੜੇ ਡਾਈਟ ਪ੍ਰੋਗਰਾਮ ਲੋਕਾਂ ਨੂੰ ਉਨ੍ਹਾਂ ਦੇ ਖੁਰਾਕ ਸਬੰਧੀ ਤਬਦੀਲੀਆਂ ਨਾਲ ਜੁੜੇ ਰਹਿਣ ਵਿੱਚ ਅਸਫਲ ਰਹੇ ਹਨ।
ਹਾਲਾਂਕਿ, ਜੇਓਈ ਦਾ ਕਹਿਣਾ ਹੈ ਕਿ ਕੰਪਨੀ ਸਖਤ ਵਿਗਿਆਨਕ ਟੈਸਟਾਂ 'ਤੇ ਜ਼ੋਰ ਦਿੰਦੀ ਹੈ। ਉਦਯੋਗ ਵਿੱਚ ਕੋਈ ਵੀ ਕੰਪਨੀ ਅਜਿਹੇ ਕਲੀਨਿਕਲ ਟਰਾਇਲ ਨਹੀਂ ਕਰਦੀ ਹੈ। ਉਹ ਦਾਅਵਾ ਕਰਦੇ ਹਨ ਕਿ ਉਨ੍ਹਾਂ ਦੀ ਖੋਜ ਕਾਫ਼ੀ ਠੋਸ ਹੈ।
ਕੰਪਨੀ ਵਿਗਿਆਨੀਆਂ ਅਤੇ ਪੋਸ਼ਣ ਵਿਗਿਆਨੀਆਂ ਦੀ ਇੱਕ ਸਮਰਪਿਤ ਟੀਮ ਰਾਹੀਂ ਲੋਕਾਂ ਨੂੰ ਸਬੂਤ-ਆਧਾਰਿਤ ਸਿਹਤ ਸਲਾਹ ਪ੍ਰਦਾਨ ਕਰ ਰਹੀ ਹੈ।
ਕਿਹੜੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ?
ਪਰ ਡਾ. ਗੇਸ ਇਸ ਗੱਲੋਂ ਫਿਕਰਮੰਦ ਹਨ ਕਿ ਜੇਓਈ ਉਤਪਾਦਾਂ ਦੀ ਵਰਤੋਂ ਕਰਨ ਵਾਲੇ ਲੋਕ ਉਨ੍ਹਾਂ ਭੋਜਨਾਂ ਨੂੰ ਘਟਾ ਰਹੇ ਹਨ ਜੋ ਉਨ੍ਹਾਂ ਦੀ ਸਿਹਤ ਲਈ ਲਾਭਦਾਇਕ ਹਨ। ਲੋਕਾਂ ਨੂੰ ਲੱਗਦਾ ਹੈ ਕਿ ਇਸ ਨਾਲ ਉਨ੍ਹਾਂ ਦੀ ਬਲੱਡ ਸ਼ੂਗਰ ਵੱਧ ਸਕਦੀ ਹੈ।
ਇਸ ਨਾਲ ਹੋਰ ਕਿਸਮ ਦੀਆਂ ਸਿਹਤ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ।
ਉਹ ਕਹਿੰਦੇ ਹਨ ਕਿ ਜਿਹੜੇ ਲੋਕ ਕਾਰਬੋਹਾਈਡਰੇਟ ਤੋਂ ਪਰਹੇਜ਼ ਕਰਦੇ ਹਨ, ਅਗਲੀ ਵਾਰ ਉਹ ਇਸ ਨੂੰ ਲੈਂਦੇ ਸਮੇਂ 'ਉੱਚ ਗਲੂਕੋਜ਼ ਪ੍ਰਤੀਕ੍ਰਿਆ' ਪ੍ਰਾਪਤ ਕਰ ਸਕਦੇ ਹਨ।
ਇਹ ਆਮ ਗੱਲ ਹੈ। ਜਦਕਿ ਜੋ ਲੋਕ ਅਜਿਹਾ ਕਰਦੇ ਹਨ, ਉਨ੍ਹਾਂ ਨੂੰ ਲੱਗ ਸਕਦਾ ਹੈ ਕਿ ਉਨ੍ਹਾਂ ਵਿੱਚ ਹੁਣ ਕਾਰਬੋਹਾਈਡਰੇਟ ਨੂੰ ਹਜਮ ਕਰਨ ਦੀ ਸਮਰੱਥਾ ਨਹੀਂ ਹੈ।
ਪ੍ਰੋਫ਼ੈਸਰ ਕਾਰ ਦਾ ਕਹਿਣਾ ਹੈ ਕਿ ਜਦੋਂ ਸ਼ੂਗਰ ਤੋਂ ਪੀੜਤ ਲੋਕ ਬਿਨਾਂ ਕਿਸੇ ਕਾਰਨ ਇਸ ਦੀ ਵਰਤੋਂ ਕਰਦੇ ਹਨ ਤਾਂ ਇੱਕ ਵੱਖਰੀ ਸਮੱਸਿਆ ਪੈਦਾ ਹੋ ਜਾਂਦੀ ਹੈ।
ਇਸਦੇ ਕਾਰਨ, ਉਹ ਬਲੱਡ ਸ਼ੂਗਰ ਦੇ ਪੱਧਰ ਦੇ ਅੰਕੜਿਆਂ ਬਾਰੇ ਬਹੁਤ ਜ਼ਿੱਦੀ ਬਣ ਜਾਂਦੇ ਹਨ। ਇਹ ਸਥਿਤੀਆਂ ਖਾਣ ਦੇ ਵਿਕਾਰਾਂ ਵਿੱਚ ਬਦਲ ਸਕਦੀਆਂ ਹਨ।
ਈਟਿੰਗ ਡਿਸਆਰਡਰ ਚੈਰਿਟੀ ਬੀਟ ਦਾ ਕਹਿਣਾ ਹੈ ਕਿ ਖਾਣ-ਪੀਣ ਦੇ ਵਿਕਾਰ ਦੇ ਪੀੜਤ ਅਕਸਰ ਅੰਕੜਿਆਂ 'ਤੇ ਧਿਆਨ ਦਿੰਦੇ ਹਨ। ਇਸ ਲਈ, ਉਹ ਕਦੇ ਵੀ ਇਸ ਬਿਮਾਰੀ ਤੋਂ ਪੀੜਤ ਲੋਕਾਂ ਨੂੰ ਗਲੂਕੋਜ਼ ਮੀਟਰ ਦੀ ਵਰਤੋਂ ਕਰਨ ਦੀ ਸਿਫਾਰਸ਼ ਨਹੀਂ ਕਰੇਗਾ।
ਜੇਓਈ ਦਾ ਕਹਿਣਾ ਹੈ ਕਿ ਉਹ ਇਸ ਤਰ੍ਹਾਂ ਬੀਮਾਰੀ ਤੋਂ ਪੀੜਤ ਲੋਕਾਂ ਦੀ ਜਾਂਚ ਕਰਦੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਆਪਣੇ ਮੈਂਬਰਾਂ ਦੀ ਸਿਹਤ ਦਾ ਪੂਰਾ ਧਿਆਨ ਰੱਖਦੀ ਹੈ। ਇਸ ਦੇ ਪੋਸ਼ਣ ਕੋਚਾਂ ਕੋਲ ਗਾਹਕਾਂ ਤੱਕ ਪਹੁੰਚ ਹੈ ਅਤੇ ਭੋਜਨ ਦੀ ਚਿੰਤਾ ਨੂੰ ਦੂਰ ਕਰਨ ਵਿੱਚ ਉਨ੍ਹਾਂ ਦੀ ਮਦਦ ਕਰ ਸਕਦੇ ਹਨ।
ਕੰਪਨੀ ਨੇ ਲੋਕਾਂ ਦੀ ਭੋਜਨ ਪਸੰਦ, ਭੁੱਖ ਅਤੇ ਖੂਨ ਦੀ ਜਾਂਚ ਦੇ ਨਤੀਜਿਆਂ ਨਾਲ ਜੁੜੇ ਅੰਕੜਿਆਂ ਦੇ ਆਧਾਰ 'ਤੇ ਖੋਜ ਪ੍ਰਕਾਸ਼ਿਤ ਕੀਤੀ ਅਤੇ ਇਸ ਵਿੱਚ ਇੱਕ ਪੈਟਰਨ ਲੱਭਣ ਦੀ ਕੋਸ਼ਿਸ਼ ਕੀਤੀ।
ਪਰ ਇਹ ਅਧਿਐਨ ਦਿਖਾਉਣ ਦੇ ਯੋਗ ਨਹੀਂ ਹੈ ਕਿ ਇਨ੍ਹਾਂ ਵਿੱਚੋਂ ਕਿਹੜਾ ਪਹਿਲੂ ਲੋਕਾਂ ਦੀ ਸਿਹਤ ਵਿੱਚ ਫਰਕ ਲਿਆ ਰਿਹਾ ਹੈ ਅਤੇ ਕਿਹੜਾ ਸਿਰਫ਼ ਇੱਕ ਇਤਫ਼ਾਕ ਹੈ।
ਜੇਓਈ ਨੇ ਆਪਣੇ ਪ੍ਰੋਗਰਾਮ ਦੇ ਨਤੀਜੇ ਵਜੋਂ ਤਬਦੀਲੀਆਂ ਉੱਤੇ ਇੱਕ ਅਧਿਐਨ ਕੀਤਾ ਹੈ ਪਰ ਅਜੇ ਤੱਕ ਇਸ ਨੂੰ ਪ੍ਰਕਾਸ਼ਿਤ ਨਹੀਂ ਕੀਤਾ ਗਿਆ ਹੈ।
ਹਾਲਾਂਕਿ, ਆਲੋਚਕਾਂ ਦਾ ਕਹਿਣਾ ਹੈ ਕਿ ਇਹ ਅਧਿਐਨ ਇਨ੍ਹਾਂ ਸਾਰੇ ਪਹਿਲੂਆਂ ਨੂੰ ਸਾਹਮਣੇ ਲਿਆਉਣ ਵਿੱਚ ਅਸਫਲ ਰਿਹਾ ਹੈ। ਜਿਵੇਂ ਕਿ ਟੈਸਟਾਂ ਦੇ ਆਧਾਰ 'ਤੇ ਬਣਾਏ ਗਏ ਵਿਅਕਤੀਗਤ ਖੁਰਾਕ ਦੇ ਨਤੀਜਿਆਂ ਅਤੇ ਸਹਾਇਤਾ ਅਤੇ ਕੋਚਿੰਗ ਤੋਂ ਬਾਅਦ ਦੇ ਨਤੀਜਿਆਂ ਵਿਚਕਾਰ ਅੰਤਰ।
ਡਾ. ਗੇਸ ਦਾ ਕਹਿਣਾ ਹੈ ਕਿ ਕਿਉਂਕਿ ਇਸ ਅਧਿਐਨ ਦੇ ਵੱਖ-ਵੱਖ ਪਹਿਲੂ ਸਾਬਤ ਨਹੀਂ ਹੋਏ ਹਨ, ਇਸ ਲਈ ਲੋਕਾਂ ਨੂੰ ਜ਼ਿਆਦਾ ਫਲ ਅਤੇ ਸਬਜ਼ੀਆਂ ਖਾਣ ਦੀ ਲੋੜ ਹੈ।
ਜੇਓਈ ਵੀ ਲੋਕਾਂ ਨੂੰ ਵਧੇਰੇ ਸਾਬਤ ਅਨਾਜ ਅਤੇ ਘੱਟ ਪ੍ਰੋਸੈਸਡ ਭੋਜਨ ਖਾਣ ਦੀ ਸਲਾਹ ਵੀ ਦਿੰਦਾ ਹੈ।
