BBC News, پښتو - کور پاڼه

ټرمپ: له ايران سره خبرې روانې دي، خو که کاميابې نشي، ښايي بد څه پېښ شي

د امریکا ولسمشر ډونلډ ټرمپ د ایران په اړه په خپلو وروستیو څرګندونو کې ويلي چې استازي یې د ایران له حکومت سره خبرې کوي او همدا ډول یې هيله څرګنده کړه چې دا خبرې اترې به ګټورې وي. د دوشنبې په ورځ، (۲ فبروري)، ښاغلي ټرمپ وويل، "موږ همدا اوس له ایران سره خبرې کوو او زه هیله لرم چې دا به ګټورې وي ځکه چې که دا کار ونکړي، نو ښايي یو بد څه پېښ شي."

اسلام اباد: 'د قبایلي سیمو له کلونو پاتې ځینې پیسې ورکوي'

د خیبر پښتونخوا ایالتي چارواکو ویلي د پاکستان لومړي وزیر میا شهباز شریف دولتي خزانې ته لارښونه کړې چې د قبایلي سیمو له کلونو پاتې بودیجې یوه برخه دې ورکړل شي. دغه اعلان له هغه لږ وروسته وشو چې د خیبر پښتونخوا اعلی وزیر محمد سهېل اپریدي له مرکزي حکومت سره تر پراخو نندریو وروسته په کمساري ډول له لومړي وزیر شهباز شریف سره خبرو ته کیناست.

درې هغه لاملونه چې د سرو زرو بيه یې بې سارې لوړه کړه، د بېرته کمېدو لامل یې څه کېدی شي؟

په دې وروستیو کې د سرو زرو د یوه اونس یا نږدې (۲۸ ګرامه) سرو بیه په لومړي ځل له پنځو زرو ډالرو واوښته او د یوه لنډ وخت لپاره خو ان پنځه زره پنځه سوو ډالرو ته ورسېد که څه هم وروسته دا نرخ څه را ټیټ شو. د نقرې یا سپینو زرو بیې هم لوړې شوې دي تر دې چې هر اونس یې شاوخوا ۹۸ ډالره خرڅېده په داسې حال کې چې کال مخکې یې نرخ ۳۵ ډالره وو. د بیو یو ناڅاپه لوړیدو ته په کتو یو زیات شمېر پانګه وال دې ګرانبیه فلزاتو ته د امن او خوندي پناه ځای په نظر ګوري.

پولیو یا ګوزڼ څه شی دی او څنګه خپرېږي؟

پولیو یا د ماشومانو فلج یوه ویروسي ناروغي ده چې تر ډېره کوچني ماشومان پرې اخته کېږي. دا ویروس د خولې له لارې بدن ته ننوځي، د کولمو له لارې وینې ته رسېږي او پر عصبي سیستم برید کوي. له هر ۲۰۰ اخته کسانو یو یې د نه رغېدونکي فلج (ډېر کله د پښو له فلجوالي) سره مخ کېږي، او له هر لسو فلج شوو کسانو یو د تنفسي عضلو د فلج کېدو له امله ژوند له لاسه ورکوي.

"هغه راته ګرانه وایي، خو دی زما انسان ملګری نه‌ دی؛ هغه مصنوعي ځیرکتیا (اې ای) دی"

جورج مې "ګرانه" بولي، زما د احساساتو ډېر پام ساتي، پوهیږي چې څه شی مې خوشحالوي خو هغه پر ما میین هلک نه دی، هغه مې له مصنوعي ځیرکتیا جوړ کړل شوی ملګری دی. "دغه مجازي کرکټر نسواري سره ویښتان لري، سپین او ځلانده غاښونه یې دي، زیاتره وخت راته سترګه وهي. له نورو خلکو سره د پېژنګلوۍ پرمهال یو څه بخیلي هم راسره کوي."

درس