Lee ndị ọkamgba na-azọ ịnọchi Ikpeazu n'ocheeze Abia Steeti
Aka elekere na-akụzi kwarapụ kwarapụ maka Gọvanọ Abia Steeti bụ Okezie Ikpeazụ, dịka afọ asatọ ya ka onye nke mbụ na steeti ahụ na-abịa n'isi njedebe.
N'ụbọchị Satọde, bụ ụbochị 18 nke ọnwa Maachị ka a gaeme ntuliaka iji mata onye ga-anọchi Ikpeazụ dịka Gọvanọ malite n'ụbọchị 29 nke ọnwa Mee 2023 ruo 2027.
Ka ọ dị ugbua pati iri na isii na-azọ ọkwa gọvanọ n'Abia Steeti, kama ọtụtụ na-ekwu na ọ bụ anọ maọbụ ise n'ime pati ndị a ka ha na-eche ụkwụ siri ike ịzọta ihe na ndọrọndọrọ ahụ.
Lee ha ebe a?
Ebe foto si, Ahiwe/Emenike/Otti/Ibe/Nwafor/Facebook
Okey Ahiwe - PDP
Ebe foto si, Okey Ahiwe/Facebook
- Otu 'Peoples Democratic Party' (PDP) họpụtara Ahiwe ka ọ nọchie anya Ọkammụta Uche Ikonne lara mmụọ
- Ahiwe bụbu onyeisi ndị ọrụ (Chief of Staff) nke gọvanọ Ikpeazu
- Ọ bụ onye Umuire, Eziama Ntigha, n'okpuru ọchịchị Isiala Ngwa North.
Ikechi Emenike - APC
Ebe foto si, Ikechi Emenike/Facebook
- Emenike bụ onye Ohuhu n'Umuahia, Abia Steeti
- Ọ rụrụ ọrụ dịka onye ntaakụkọ a ma ama tupu ọ banye ndọrọndọrọ ọchịchị
- Ọ zọọla ọkwa gọvanọ Abia Steeti ugboro ugboro
Alex Otti - LP
Ebe foto si, Alex Otti/Facebook
- Ọ bụ onye Isiala Ngwa
- Ọ bụbu onyeisi otu ụlọakụ a ma ama na Naịjirịa
- O nwetara nzere 'first class' na ngalaba ọmụmụ 'Economics' na mahadu Pọt Hakọt n'afọ 1988
- Ọ zọrọ ọkwa gọvanọ Abia Steeti na pati APGA n'afọ 2015
Gregory Ibe - APGA
Ebe foto si, Gregory University Uturu
- Ọ bụ ya hibere Gregory University dị n'Uturu, Abia Steeti
- Ọ bụ ọkammụta na ngalaba 'Entrepreneurial science'
- Ọ nọburu na PDP ma mechaa pụọ banye APGA ebe ọ nọzi ugbua
Enyinnaya Chima Nwafor - YPP
Ebe foto si, Enyinnaya Chima Nwafor/Facebook
Ọ bụ onye Mbutu, dị n'Osisioma, Abia Steeti
Nna ya bụ Chima nwafor bụbu osote Gọvanọ n'Abia Steeti na 1992 ruo 1993
Ọ gụrụ akwụkwọ na mahadum Tekịnụzụ dị n'Owere (FUTO) ebe o nwetara ọzụzụ na ngalaba 'Electrical Engineering'
Ọ nọbukwara na PDP tupu ọ banye 'Young Progressives Party (YPP)
Mascot Uzor Kalu - APP
Ebe foto si, Mascot Uzor Kalu/Instagram
- Nwanne ya bụ Orji Uzor Kalu chịrị Abia Steeti afọ asatọ bido na 1999 ruo 2007
- Ọ nọburu na PDP nakwa APC tupu ọ pụọ banye APP
- Ọ gụrụ akwụkwọ Mahadum na 'University of South Carolina na mba Amerịka ma nweta ọzụzụ na ngalaba 'Economics'
Gladys Ikonnaya Ngozika Johnson-Ogbuneke - SDP
Ebe foto si, Gladys Ikonnaya Ngozika Johnson-Ogbuneke
- Ọ bụ onye Ovim di n'Isuikwuato n'Abia Steeti
- Ọ bụ dọkịta ahụike nakwa onye ọkaiwu na mba UK
- Ọ gụrụ akwụkwọ na mahadum Naịjirịa dị na Nsukka
Ukpai Iro Ukpai
Ebe foto si, Ukpai/Iro Ukpai/Facebook
- Ọ bụ onye ọkacha mara na ngalaba mmanụ agbịdị na ikuku gaasị na Naịjirịa
- Ọ nọbu na APC tupu ọ pụọ banye NNPP
- Ọ bụ onye Ohafia n'Abia Steeti
Nnenna Ngwa'Mma Lancaster-Okoro - PRP
Ebe foto si, Nnenna Ngwa'Mma Lancaster-Okoro
- Ọ zọbuola ọkwa sineti maka FCT na 2019 na pati YPP,
- Ọ zọkwaala ọkwa Sineti Abia North na 2015 na APC
- Ọ bụ ọkaiwu
Anagha Ndukwo Anagha - APM
Ebe foto si, Anagha Ndukwo Anagha/Facebook
Ọ bụ 'Architect'
Ọ bụ onye Abiriba nke dị n'okpuru ọchịchị Ohafia.
