Nigeria Labour Congress Protests: N'Abia steeti, ndị ọrụ NLC si ka Gọọmenti etiti ji aka ya na-akwụ ha ụgwọọnwa

Otu jịkọtara ndị ọrụ oyibo na Naịjirịa a kpọrọ Nigeria Labour Congress (NLC) amalitela imengagharịiwe dịka ha kwere na ngwa ụbọchị olemole gara aga.

Ha na-esikwa ọnwụ maka na gọọmentị anaghị akwụkọta ndị otu ha niile ụgwọ opekatampe ha kwere na nkwa.

Ndị otu a sị na ha nụrụ kepukepu na ndị omeiwu chọrọ iwepu ụgwọọnwa ndịọrụ n'akwụkwọ gọomentị etiti a kpọrọ "exclusive list".

NLC kwere gọọmentị etiti nkwa na ịwepụ ụgwọọnwa na akwụkwọ gọọmentị etiti bụ ọgụ ka gọọmentị etiti na-achọ.

Maka na nke a ga-etinyezi ha n'aka gọọmenti steeti bụ nke wereike ụkwụ ndị obula ụgwọ ka ọ masịrị ha.

Ka ọ dị ugbua, ya bụ ngagharịiwe ha kwuru ga-abụ na steeti niile na-akpọtụ na Ikeja, isi obodo Legọs steeti nakwa Abuja ugbua.

N'Abuja

A gbakọtara na Unity Fountain bụ ebe ha si gawa ụlọomeiwu n'isi ụtụtụ a.

Ọ na-akpọtụkwa n'Abuja, isi obodo Naịjirịa.

Cheta na Ọktoba 2018 ka gọọmentị etiti kwekọrịtara ịkwụwa ndị ọrụ puku Naịra iri atọ (N30,000), mana ọtụtụ steeti ewebeghị ike ịkwụwa nke a maka na ha sị na ha enweghị ego.

N'Anambra steeti,

Ndị ọrụ oyibo mere ngaghịiwe na ụlọomeiwu steeti ahụ ịme ka ha gbaa mbọ chefuo itinye ụgwọọnwa ha n'aka gọọmentị etiti.

Ka ọdị nke taa agụọla ya bụ akwụkwọ kwesiri ịwepụ aka gọọmentị etiti n'ụgwọọnwa ndị ndị ọrụ ugboro abụọ n'ụlọomeiwu ahụ.

Onye tinyere akwụkwọ ya bụ iwu bụ Garba Mohammed sị na iwu a ga-enyere gọomenti steeti na nke etiti ohere ịkwe ụgwọọnwa ndị ọrụ ọnụ.