EndSARS Panel: Anyị ekweteghị na e nwere 'Massacare' na Lekki Toll Gate - 'Whitepaper' Gọọmentị Legọs

Gọọmentị Legọs Steeti edepụtala akwụkwọ ozi ha jiri zaghachị mpụtara kọmịti gọọmentị hiwere iji nyochaa mpụtara kọmitị nyochara mkpamkpa kpara n'oge ngagharịiwe Endsars na steeti ahụ.

Ya bụ akwụkwọ ozi ha wepụtara na-akọwa na ọ bụghị eziokwu na e gburu imikiti ndị mmadụ na Lekki Toll Gate n'abalị 20/202020 dịka kọmiti nyochaburu ya bụ okwu siri kwuo.

Kama ha jụrụ otu kpamkpam ma sịkwa na ha ga-anabata isii ọzọ ma agbanwe ha.

Gọọmentị Legọs gara n'ihu kwuo na ntule iri na anọ ndị egosi adịghị ha n'aka ma sị na ọ bụ gọọmentị etiti ka ọ dịịrị itinye ya anya.

Kedụ nke bụ otu mpụtara gọọmentị Legọs jụrụ ịnabata?

Gọọmentị Legọs steeti jụrụ ịnabata mpụtara nyocha nke bu akara 24 bụ nke na-ekwu na egburu mmadụ itolu na Lekki Toll Gate.

Ha na-ekwu na ya bụ mpụtara enweghị isi ma kwuo na ọ bụ uche obi ndị mere ya bụ mpụtara.

Mpụtara iri na otu gọọmentị Legọs steeti nabatara

N'ime akwụkwọ ozi a gọọmentị Legọs steeti bipụtara ka na gụpụtara mpụtara iri na otu na nabatara.

Lee ha n'usoro akara ha -

Mpụtara akara 6 - Nke a na-ekwu na soshal Midia soro mee ka ngagharịiwe Endsars kawanye njọ ma rịọ ka ndị mmadụ na-agbasa naanị eziokwu.

Gọọmentị legọs steeti na-ekwu na ha ga-ebido ikụzirindị mmadụ maka soshal Midia na ọghọ dị na ya ma ọ bụrụ ịsọghị ya nke ọma.

Mpụtara akara 8 - Mpụtara a na-ekwu ka gọọmentị kwụọ ndị niile lekọtara ndị soro mee ngaghariiwe Endsars ụgwọ maka ọrụ ha oge ahụ.

Gọọmentị legọs steeti na-ekwu na ha akwụọla ụloọgwụ ndị a niile ụgwọ ha ma kelee ụloọgwụ Reddington n'ụzọ pụrụ iche maka etu ha siri lekọta ndị mmadụ n'efu oge ngagharịiwe Endsars.

Mpụtara akara 10 - Nzụkọ mere nyọcha a kwuru ka gọọmentị hụ na ha lebara mkpesa ndị mmadụ anya nkeọma ma mee ya ngwangwa.

Gọọmentị Legọs steeti kwuru na ha nabatara ya bụ nutliaka ma kwuo na ha ga-agba mbọ hụ na ha na ndị ntoroọbịa na-akparịta nke ọma site n'atụmatụ

'Youth Peaceful Conflict Resolution programme' na mkparịta ụka ha na ndị uweojii.

Mpụtara akara 11 - Mpụtara na-ekwu ka gọọmentị hụ na ha na ndị ntoroọbịa na-enwe mkparịta ụka nkeọma.

Gọọmentị Legọs steeti kwenyere na ya bụ mpụtara ma sị na ha ga-etinye uchu na mkparịtaụka ha na ndị ntoroọbịa dịka ọ na-aga n'ihu ugbua.

Mpụtara akara 12 - Mpụtara a na-ekwu ka gọọmentị hụ na ha gbasara ozi gbasara iwu onye apụtala ezi nke ọma oge ọbụla ehiwere iwu a.

Gọọmentị Legọs steeti nabatara ya bụ ntuliaka.

Mpụtara akara 16 - Nzụkọ nyocha a kwuru ka gọọmentị hụ na ha nyere ndị ọrụ Lagos State Environmental Health Monitoring Unit (LASEHMU) ọzụzụ zuru oke.

Gọọmentị Legọs steeti nabatara nke a ma sị na ha ga-enye ndị ọrụ LASEHMU ọzụzọ zuru oke ma kwado kwa ha n'ụzọ ziri ezi.

Mpụtara akara 18 - Nzụkọ nyocha akwuru ka ahụ na echekwara ogige ebe mkpamkpa ọbụla mere ka ndị na-eme nyocha nwee ike mee nyocha ha nke ọma.

Gọọmentị Legọs steeti nabatara ya bụ ntụlịaka ma sị na ha ga-ezigara ya gọọmentị Naijirịa. ha kwukwara na ha ga-ehiwe ebe nyocha Forensic na nke DNA.

Mpụtara akara 20 - Mpụtara ọzọ bụ ka gọọmentị mee ka ụbọchị iri abụọ nke ọnwa Oktoba afọ ọbụla bụrụ ụbọchị ndị na-akwọ ụgbọala agaghị atụ ụtọisi tollgate.

Legọs steeti nabatara ya ntuliaka ma sị na ọ dị mma maka udo na ịdị n'otu.

Mpụtara akara 23 - Nzụkọ a kwuru ka gọọmentị mee ihe niile ịjị hụ na ndị ntoroọbịa tụkwasịrị obi n'ebe gọọmentị nọ.

Gọọmentị nabatara ya ma sị na ha ebidola usoro a.

Mpụtara akara 31 - Mpụtara a na-ekwu ka ndị ụlọ omeiwu nke Legọs steeti hiwe ngalaba na-ahụ maka ikike dịịrị onye ọkachasị nke gbasara ndị uweojii na ndị nchekwa ọzọ.

Gọọmentị Legọs steeti kwetara ime nke a.

Mpụtara akara 32 - Nzụkọ nyocha a kwuru ka gọọmentị legọs steeti wegara ngalaba Human Rights Committee site na ngalaba na-ahụ maka ikpe ziri ezi.

Gọọmentị Legọs steeti kwetara na nke a.

Ihe Mịnịsta na-ahụ maka mgbasa ozi na Naijirịa nwere ikwu maka mpụtara nnyocha Endsars

Minister mgbasaozi bụ Laị Mohammed ekwusiela ike na gọọmentị ka kwụ n'okwu ha nke sị na "onweghi onye ọbụla e gburu na Lekki Toll Gate" n'oge ngagharịiwe EndSARS.

O kwuru nke a mgbe ọ na-aza ajuju banyere akụkọ a sị bụ mpụtara nyocha maka ihe mere na Lekki Toll Gate n'ụbọchị Tuzde.

Ọ sị na onye ọbụla sị na e gburu nwanne maọbụ nwa ya pụta bịa kwuo banyere ya.

Lai Mohammed sị na e depụtara akụkọ iji mechuo gọọmentị ihu na-enweghi akaebe ọbụla.

Ọ sị na ndị mere nyocha ahụ tụkwasịrị uche ha n'akụkọ ha nụrụ ma mee mkpebi ha.

Mohammed gara n'ihu kwuo na ndị mere nyocha ahụ elebaghị anya na ndị ọrụ nchekwa e gburu maọbụ ụlọahịa ndị mmadụ a lara n'iyi.

Lekki Toll Gate Massacre report: Anyị na-eche ka anyị nụ ihe gọọmentị etiti ga-eme - Mba Amerịka

Otu jikoro ndị bụ isi a hụrụ kwawa okpu n'okwu ndị ntorobia mere ngaghariiwe EndSARS bụ Endsars Movement egosila obi ụtọ ha na mpụtara nnyocha nke komiti lebanyere anya na mkpamkpa kpara na Lekki Toll Gate wepụtara.

N'akwụkwọ mgbasaozi otu a wepụtara ụbọchị Tuzde, ha kwuru na mpụtara nnyocha ahụ bụ 'ezi nzọpụ ụkwụ mbụ na ogologo njem" idozi ihe mebiri emebi.

Otu ahụ gara n'ihu kwuo na uru mpụtara nnyocha ahụ ga-ezu oke ma ọ bụrụ na gọọmenti were obiọcha mezuo ihe komiti ahụ turu alo ka e mee.

Ha kwukwara sị, "Komiti ahụ nke Jọstis Okuwobi nọ n'isi ya gara n'ihu gbaa n'anwụ, ihe ụfụ ụmụ Naijiria ga-agabiga n'aka ndị ọrụ nchekwa."

Nnyocha gosikwara kpomkwem na e gburu imirikiti ndị mmadụ na Lekki Toll Gate site n'ịkpọpụta aha ndị ọ metụtara ma ndị dị ndụ na ndị nwụrụ anwụ dịka ndị ọrụ nchekwa kwesịrị ichekwa ha gbara ha egbe."

Ihe ndị a ma ama na-ekwu maka mpụtara nnyocha Lekki Toll gate na-ewu ewu

Ndị a ma ama gụnyere ndị otiegwu, ndị ọkpa ọchị na ndị ọzọ pụtakwara tinye ọnụ na mpụtara nnyocha ahụ.

Falz

Ọkaiwu, Otiegwu na ọkpa ọchị a ma bụ Falz so na ndị kwuru okwu maka nke a.

Ọ sị "mpụtara dooro anya ka ihe, a ga-emezuriri ihe niile e dere n'ime ya"

Debo Macaroni

Onye ọzọ bụ Debo Macaroni na-ajụzo gịnị ga-eme ugbua?

N'ọṅụ ya "Ndị na-ekwu eziokwu kemgbe afọ 2020 ka kwụ n'ihe ha kwuru, gịnị ka gọọmentị ga-eme?"

Ugbua gọọmentị mere nchọpụta a, kedụ ntaramahụhụ dịịrị ndị niile ikpe mara?

Ruggedman

Ọma mbem bụ Ruggedman sị "ugbua eziokwu anyị mabu maka ihe mere na Lekki Tollgate pụtara ihe, unu a ga-ewepu mmachi Twitter machie onwe unu?"

Okwu ya na-abịa dịka ụfọdụ mmadụ na-eche na gọọmentị etiti machiri Twitter maka etu esi jri ya gbasaa ozi n'oge ngagharịiwe End Sars.

Davido

David Adeleke bụ otiegwu na-ewu ewu kwuru maka etu "ha mere anyị ka anyị chee na-anyị na-agbapụ ara"

Ihe ọzọ ọ jụrụ bụ "Gịnị ga-emezi ugbua?"

Ndị agha Naijiria agbajọọla etu e siri wepụta mpụtara nnyocha ogbugbu mmadụ na Lekki Toll Gate

Ọchịagha Naijiria bụ Lucky Irabor akatọọla usoro e si zipụ ozi mpụtara nnyocha mkpamkpa kpara na Lekki Toll Gate n'ụbọchị iri abụọ nke ọnwa Ọktoba, afọ 2020.

O kwuru nke a oge o mere njem nleta o mere n'Edo steetị n'ụbọchị Tuzde(Nov 16,2021), si na e kwesiri idepụta mkpebi so nnoycha ahụ n'akwụkwọ ọcha Bekee kpọro 'White paper' tupu ọ puta n'ọha.

"Ma ozi dị n'akwụkwọ ahụ abụ eziokwu ka na ọ bụghị, enweghị m ike ikwu. Mana ihe nwere ikwu bụ na e nwere ụzọ tosiri bụ inyefe akwụkwọ ozi ahụ n'aka ndị hiwere komiti ahụ."

"E nwee akwụkwọ ọcha nke mmadụ nweziri ike ịgbado ụkwụ were kwuo okwu."

"Mana ka o sila dị, ndịagha Naijiria bụ ndị na-arụ ọrụ ha dịka o kwesịrị. O kwesịghị ka ụmụ Naijiria na-ekwu okwu ọjọọ banyere ụmụnwoke na ụmụnwaanyị a na-agba mbọ ichekwa Naijiria."

"E nwee, nsogbu e nwerekwara ụzọ esi eso ya."

Ihe mba Amerịka kwuru maka mpụtara nnyocha Lekki Toll Gate

Mba Amerịka ekwuola na ha nabatara mpụtara nnyocha ihe mere na Lekki Toll Gate ma kelee kọmiti mere ya.

Ha kwukwara na ha na-atụzi anya ka gọọmentị Legọs steeti nakwa gọọmentị etiti lebanye anya n'ebubo eboro ha.

Nke a na-abịa dịka kọmiti nyochara ihe mere na Legọs oge ngaghriwe Endsars wepụtara nchọpụta ha nke kwuru na ndịagha gbagburu imirikiti ndị mmadụ.

N'ozi si n'ụlọọrụ nnọchiteanya Amerịka na Naịjirịa kwuru n'ụbọchị Tuzde na ha na-ele anya ịhụkwa etu gọọmentị ga-esi meso ezinaụlọ ndị ihe mere nakwa ndị ihe mere n'onwe ha.

"Anyị na-atụ anya na gọọmentị Legọs ga-egosi njirimara ọchịchị ziri ezi n'etu ha si eso ihe ndị mere na Lekki Toll Gate n'ụbọchị 20 nke Ọktoba afọ 2020".

Aka na-achị Legọs steeti bụ Babajide Sanwo-Olu ekwuola na ya agụbeghị akwụkwọ mpụtara nnyocha nke kọmiti o hiwere ka e mee nnyocha ihe mere na Lekki Toll Gate na ngagharịiwe Endsars na steeti ahụ.

Ọnụ na-ekwuru ya bụ Gbenga Akosile bụ onye kwuru nke a dịka mpụtara nke gbapuru na-ewu na soshal midia.

Akọsile kwuru sị, "Gọvanọ ahụbeghị akwụkwọ ahụ,ọ gụbeghị ya".

"O hiwela kọmiti mmadụ anọ ga-ele anya na mpụtara nchọpụta ahụ e mere ma wepụta ihe ha hụrụ n'izuụka abụọ na abịa."

O kwuru na ọ gbara ya gharị ihụzi ozi dị n'akwụkwọ ahụ na soshal media.

Ihe ndị dị n'akwụkwọ mpụtara nnyocha e mere banyere ihe mere na Lekki Toll Gate:

Ihe ndịagha Naijiria mere iji kpuchie na ha gbagburu imikiriti mmadụ na Lekki Toll Gate - Komiti mere nnyocha

Kọmịtị e hiwere inyocha ngagharịiwe Endsars na Legọs eboola ndị agha Naijiria ebubo ịgbalị ikpuchi ihe mere na Lekki Toll Gate, Legọs, n'abalị 20/10/2020.

Ndị agha Naijiria nọrọ n'abalị 20 nke ọnwa Oktoba afọ 2020 wụọ ndị ntorobia nọ na Lekki Toll Gate na-eme ngaghariiwe maka mkpagbu ndị uweoji mgbọ nke gburu ọtụtụ n'ime ha.

N'ozi mpụtara nnyocha komiti nyochara mkpamkpa ahụ wepụtara n'ụbọchị Tuzde(Nov 16/11/2021), ha kwuru na ha nwere ihe akaebe gosiri na dịka ndị agha Naijiria wụchara ndị na-eme ngagharịiwe mgbọ na Lekki Toll Gate, Legọs, n'abalị iri abụọ nke ọnwa Oktoba , afọ 2020, na ha buru ozu mmadụ 11 n'ụgbọala ha pụọ.

Akwụkwọ ozi ha wepụtara kwuru sị, "Otu onye ha gbara egbe bụ onye ha chere na ọ nwụọla ma tụnye ya n'ozu ndị ọzọ ha buru pụọ, aha ya bụ Olalekan Sanusi bụ onye gbapụtara were gbaa ama na ọ bụ ozu iri na otu(11) bụ ihe ndị agha tụnyere n'ụgbọala ebe a tụnyere ya."

"Miss Dabira Ayuku kwukwara na ya bụ ihe bụ ezie dịka o kwuru na ya hụrụ ozu mmadụ asaa. A tụnyere n'ụgbọala truck' na Lekki Toll Gate n'abalị 20, Oktoba , 2020."

Komiti ahụ kwukwara ndị agha gburu mmadụ iri na otu, merụọ mmadụ iri abụọ na anọ (24) ,ebe mmadụ anọ ka na-efu efu ka ndị agha gbachara ndị na-eme ngaghariiwe n'udo egbe n'abalị ahụ.

Lee ihe ndị ọzọ gbara ọkpụụ kpụ komiti ahụ chọpụtara:

'Ihe mere na Lekki Toll Gate n'oge ngagharịiwe End SARS bụ 'massacre' - Nnyocha

"Nchọpụta anyị gosiri na etu e si gbuo ndị mmadụ na Lekki Toll Gate n'oge ngagharịiwe End SARS, bụ mkpochapụ (massacre)".

Nke a bụ ọkpụrkpụ ihe si na mpụtara nnyocha e mere gbasara ngagharịiwe nke ndị ntorobịa Naịjirịa mere n'ọnwa Ọkụtoba afọ 2020.

Cheta na gọọmentị Legọs steeti hibere kọmiti ga-eleba anya n'ihe mere n'oge ngagharịiwe ahụ nke butere ọnwụ ọtụtụ mmadụ.

Kọmiti a wepụtara mpụtara nnyocha ha n'ụbọchị Mọnde, abalị iri na ise nke ọnwa Nọvemba.

Ọ bụ eziokwu na ha agbaghị ya bụ mpụtara nnyocha n'anwụ, mana mpụtara ahụ mechara pụta ihe.

Amabeghị onye tinyere ya n'ịntaneetị, mana ndị so na kọmiti ahụ gwara BBC na nke ahụ dị n'ịntaneetị bụ eziokwu.

Lee ihe nnyocha ngagharịiwe End SARS kwuru gbasara ihe mere na Lekki Toll Gate

Ihe kọmiti chọrọ ka gọọmentị mee gbasara nchọpụta ha

Occupy Lekki Toll gate: Ndị Igbo wepụ aka na ngagharịiwe ọzọ na Legọs - Ohaneze Ndigbo

Ụfọdụ ndị mmadụ gosipụtara iwe ha na Twitter dịka ebidokwara ịna ego na Lekki toll gate nke dị na Legọs steeti.

Cheta na-agbara ya bụ tollgate ọkụ n'oge emere ngaghariiwe Endsars.

Onyeisi Ohaneze Ndị Igbo nke dị na Legọs steeti bụ Solomon Ogbonna tinyere ọnụ na ya bụ okwu.

O kwuru na ndị Igbo anaghị emebi kama ha na-edozi ọbọdọ ha nọ n'ime ya karịa obodo ha n'ala Igbo.

Gere ya n'uju ebe a.

Iwe ọtụtụ mmadụ bụ na-ekpechabeghị ikpe maka mpụtara aka ike ndị uweojii ma gọọmentị a gaa n'ihu bido ịnakọwa ego ọzọ na ya bụ Tollgate.

Ebe ndị ọzọ na-ekwu na ọ bụ iji kosipụta iwe ha maka ndị ha sị nwụrụ oge e mere ngaghariiwe Endsars.

Kedụ nke bụ #Defendlagos?

Ka ndị nke #occupylekkitollgate na-akwado ime ngaghari iwe ka ndị ọzọ na-akwado nke ha kpọrọ #Defendlagos.

Ndị nke a na-ekwu na ha agaghị anọ nkịtị ndị omekome na ndị ọzọ emebie Legọs steeti dịka ha si na ndị a mere na mbụ.

Ụfọdụ n'ime ndị a na-ekwu na ọ bụ ndị otu Ipob na-akpa nkata iji were ohere a mebie ihe na Legọs steeti.

Kama dịka o siri dị, ụfọdụ na-eji ya akpa oke agbụrụ .

Ihe ndị ama ama na-ekwu maka ya bụ ihe?

Mgbe BBC Igbo kpọtụrụ oti egwu ama ama bụ Paul Okoye eji Rudebot mara ka otinye ọnụ na ya bụ okwu.

Okoye kwuru na onweghị ihe ọ nwere ịkwu maka ihe na-eme ugbua.

Reno Omokri

Reno Omokri bụ onye rụburu ọrụ dịka onye enyemaka pụrụiche oge Godluck Jonathan nọ n'ọchịchị kwuru n'akara twitter ya na ọ kwadoro ndị na-akwado imi ngagharịiwe ịnọchị Lekkitoll Gate.

Omokri kwuru na osote onyeisiala Naijirịa bụ Yemi Osinbajo kwere ndị ntorobia nkwa na ọ ga ahụ na ndị nwụrụ n'oge ngaghariiwe Endsras anwụghị n'efu, were jụọ na ọ bụ site n'inye onye bụbu onyeisi ndịagha Naijirịa bụ Tukur Yusuf Buratai ọrụ dịka onye nnọchite anya Naijirịa na mba ọzọ ka o ji mezuo nkwa ya.

DJ Switch

Obianuju Udeh eji DJ Switch mara kwuru na ya kwadoro ndị na-akwado ịnọchị Lekki Toll gate.

Omoyele Sowore

Lee Akụkọ ụgha sọ ngagharịiwe Endsars

Ngagharịiwe malitere na mbido ọnwa a na Naịjirịa dika ndị mmadụ na-akpọ gọọmentị oku ka ọ kagbuo ngalaba ndị uweojii a kpọrọ "Special Anti-Robbery Squad" (SARS).

Akụkọ atụmatụ a malitere iwu n'ụwa dum, dịka puku kwa puku akụkọ maka ya pụtara na soshal midia, mana ọ bụghị ha niile bụ eziokwu.Anyị tinyere anya n'ụfọdụ akụkọ ụgha metụtara ngagharịiwe a etinyere n'ịntanetị.

Nwa ada ndị uweojii gburu ụmụnne ya nwokeFoto na-emetu n'obi nke otu nwaànyị aha ya bụ Ugwu Blessing Ugochukwu n'ebe ọ na-ebe akwa dịka o ji ọkọrọtọ Naịjirịa, ma makwuru n'elu akpụrụakụ wuru ewu na Twitter.

Foto a bụ eziokwu dịka e sere ya oge nwa ada sonyere ngagahrịiwe e mere n'Enugwu.

Mana, dịka a na-eke foto ahụ, ndị mmadụ malitere itinye akụkọ ụgha na ya."Ọ bụghị otu nwanne...3 n'otu ụbọchị...ka e gburu tụnye n'ime weelu," bụ ihe otu onye dere na foto ahụ ekwesara ọfụma na soshal midia, dịka a na-akọwa na ndị uweojii gburu ụmụnne ya.

Mana Gideon Obianime bụ onye na-ekwuru Ugochukwu, gwara anyị na nke ahụ abụghị eziokwu.Ọ sị na ndi Sars nwuchiri nwaànyị ahụ n'afo 2018 mana onweghi nwanne ya ha gburu.

"Ọ bụ ndị mmadụ na-etinye akụkọ ndị a nafoto ahụ. Ọ na-ebutere ya ilo ugbua."Ndi agha agaghị awakpo gị ma ijide ọkọlọtọ Naịjirịa

Akukọ amabeghị ma ọ bụ eziokwu wuru ewu ọfụma - na onye agha agaghị agba onye ji ọkọrọtọ Naịjirịa egbe.

Ekesara atụmatu a ọfụma na Twitter, Facebook nakwa Instagram, dịka ụfọdụ na-ekwu na ọbụ usoro ndị agha Naịjirịa.

Ọ bụ na foto esere mkparịtaụka mmadụ abụọ nwere ka akụkọ a si pụta.

N'ime akụkọ ahụ, otu onye gwara onye ọzọ na ọ bụ nna ya bụ onye agha gara ezumike nka gwara ya.

Otu onye n'ime ndị na-akparịta ụka ahụ sị ka ekesaa ya ka ndị na-enme ngagharịiwe hụ ya.

Enweghị aka ebe ma ncha na ihe a bụ eziokwu.

Ụfọdụ n'ime ndị kere ya ewepụla ya dịka ndị mmadụ gwara ha na ọ bụghị eziokwu.

Onyekachi Umah bụ onye ọkaiwu gwara BBC na enwere iwu maka ịkwanyere ọkọrọtọ Naịjirịa ugwu, ma sịkwa: "Na mmadụ ji ọkọrọtọ Naịjirịa abụghị na ndị agha agaghị eme ihe ha chọrọ ime."

Anyi jụru ndị agha maka ihe a, mana ha asabeghi.O nweghị onyeisi Naịjirịa sị na ngagharịiwe a na-eme bụ ihe ụmụaka

Ka ngagharịiwe a malitere otu ihe onyonyo e tnyere na soshal midia gosiri otu onye ndụmọdụ Onyeisiala Muhammadu Buhari bụ Femi Adesina ebe ọ dị ka ọ na-asị na ndị na-eme ngagharịiwe na-eme "ihe ụmụaka".

Ndị mmadụ malitere ikesa ihe onyonyo ahụ, were na-ekwu na "ya bụrụ na ị naghị iwe iwe ọfụma, ihe onyonyo a ga-enyere gi aka."

Mana ihe onyonyo ahu bụ nke ochie, ma bụrụkwa ihe achabiri, nke gbanwere nghọta ha.

Onweghi ihe ọbụla gbasara ihe nyonyo ahụ na okwu Sars.

N'oge ahụ, Adesina nọ Televison ekwu maka ngagharịiwe.

Mana a chabiri ihe onyonyo e tinyere na Twitter were wepụ mbido okwu ya ga-akọwa ihe ọ na-ekwu ọfụma.

Channels TV, bụ ụlọ ntaakụkọ ọ bụ akụkọ ha ka emere nchabi a ekwuola okwu banyere ya ma kọwa ya ọfụma.