પી. વી. સિંધુએ રચ્યો ઇતિહાસ, પહેલી વર્લ્ડ ટૂર ફાઇનલ જીત્યાં

ઑલિમ્પિક સિલ્વર મેડલિસ્ટ પીવી સિંધુએ રવિવારે જાપાનનાં નોઝોમી ઓકુહારાને ગેમમાં 21-19, 21-17થી હરાવીને પ્રથમ બીએફડબ્લ્યૂ વર્લ્ડ ટૂર ફાઇનલ જીતી લીધી છે.

આ વર્ષનો સિંધુનો આ પહેલો ખિતાબ છે. સિંધુ હજુ સુધી કોઈ ખિતાબ જીતી શક્યાં નથી, આ ટુર્નામેન્ટમાં તેઓ સારા ફૉર્મમાં હતાં અને આ વખતે આપરાજિત રહ્યાં.

ચીનના ગ્વાંગ્જોમાં સિંધુ અને જાપાની શટલર વચ્ચે ફરી એકવખત સારી ટક્કર જોવા મળી હતી.

બન્ને ગેમમાં સિંધુનું પ્રદર્શન શરૂઆતથી જ સારું રહ્યું હતું, ઓકુહારાએ પણ ધૈર્ય ગુમાવ્યા વગર ટક્કર આપી હતી.

આશરે એક કલાક અને 2 મિનિટ સુધી ચાલેલા આ મુકાબલામાં સિંધુએ પહેલી ગેમમાં 14-6થી બઢત મેળવી હતી, પણ પછી ઓકુહારાએ જોરદાર વાપસી કરી અને સિંધુ માટે એક પોઇન્ટ મેળવવો પણ મુશ્કેલ થયું હતું.

જોતજોતામાં સ્કોર 16-16 સુધી પહોંચી ગયો. છેવટે સિંધુએ બાજી મારી લીધી અને 21-19થી ગેમ જીત્યાં.

બીજી ગેમમાં ધૈર્યથી જીતીને સિંધુએ વર્ષનો આ પહેલો ખિતાબ પોતાના નામે કર્યો.

23 વર્ષનાં સિંધુએ સેમીફાઇનલમાં થાઈલૅન્ડમાં રતચાનોક ઇંતાનોનને 21-26, 25-13ના મુકાબલામાં હરાવીને સતત બીજા વર્ષે ફાઇનલમાં સ્થાન મેળવ્યું.

ગયા વર્ષે પણ ફાઇલનમાં સિંધુનો ઓકુહારા સાથે જ મુકાબલો હતો, પણ આ વખતે સિંધુએ જાપાની ખેલાડીનો પડકાર ધ્વસ્ત કરી દીધો.

તમે આ વાંચ્યું કે નહીં?

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો