યુકેમાં રહેવા અને કામ કરવા માટેના સરળ વિઝા કઈ રીતે મેળવવા?

ભારત અને ગુજરાતમાંથી ઘણા યુવાનો પાછલા ઘણા સમયથી અભ્યાસ અને નોકરીની તકો માટે અમેરિકા, કૅનેડા, યુરોપિયન દેશો અને યુકે જેવાં રાષ્ટ્રોમાં હજારોની સંખ્યામાં પહોંચી રહ્યા છે.

વિદેશ જઈ અભ્યાસ અને નોકરીની તકો મેળવવા માટે ગુજરાતમાં ઘણી ‘ઘેલછા’ પણ જોવા મળે છે.

જો યુનાઇટેડ કિંગડમ એટલે કે યુકેમાં જતા ભારતીયોની વાત કરાય તો પાછલાં અમુક વર્ષોથી તેના પ્રમાણમાં પણ નોંધપત્રા વધારો જોવા મળ્યો છે.

ઇકૉનૉમિક ટાઇમ્સના એક અહેવાલ અનુસાર વર્ષ 2022માં યુકેમાં અન્ય દેશોની સરખામણીએ સૌથી વધુ ભારતીયોને વિઝા અપાયા હતા. વર્ષ 2022માં યુકેએ આપેલા 28 લાખ કરતાં વધુ વિઝા પૈકી 25 ટકા ભારતીયોને અપાયા હતા. જેમાં સ્ટુડન્ટ વિઝા પણ સમાવિષ્ટ છે.

આ સિવાય ગત વર્ષે યુકે દ્વારા અપાયેલી કુલ વર્ક પરમિટ પૈકી 39 ટકા ભારતીયોને અપાઈ હતી. આ સંખ્યાને ધ્યાને લઈએ તો ભારતમાં યુકે જવાના વલણમાં ઉત્તરોત્તર વધારો થઈ રહ્યો હોવાનું અનુમાન કરી શકાય.

પરંતુ પરંપરાગત વિઝા થકી, લાંબી પ્રક્રિયા અનુસરી યુકે પહોંચવા સિવાય પણ એવા કેટલાક વિકલ્પો છે, જે ખૂબ ઓછી મહેનત અને રોકાણમાં ઝડપથી આપનો યુકે જવાનો રસ્તો ખોલી શકે છે.

એ પૈકી એક છે યુકેના ઇન્ડિયા યંગ પ્રૉફેશનલ્સ સ્કીમ વિઝા.

આ વિઝા કેવી રીતે અને કોણ મેળવી શકે? તે માટેની પાત્રતા અને જરૂરી દસ્તાવેજો કયા છે?

શું છે આ યોજના?

યુકે સરકારની આધિકારિક વેબસાઇટમાં આપેલ વિગતો અનુસાર ઇન્ડિયા યંગ પ્રૉફેશનલ્સ સ્કીમ વિઝા 18થી 30 વર્ષના ભારતીય નાગરિકોને બે વર્ષ સુધી યુકેમાં રહેવા અને કામ કરવા માટે મળે છે.

આ યોજનાનો લાભ લઈ યુકે જવા માગતી વ્યક્તિએ અરજી કરતા પહેલાં ઇન્ડિયા યંગ પ્રૉફેશનલ્સ સ્કીમ બૅલટમાં સિલેક્ટ થવાનું હોય છે.

જોકે, તમારે બૅલટમાં પ્રવેશ માટે વિઝા માટે અરજી કરતા પહેલાં આ યોજના માટેની લાયકાતો જાણી લેવી જોઈએ.

બૅલટ અંગેની સંપૂર્ણ પ્રક્રિયા વિશે તમે અહીં વાંચી શકો છો.

લાયકાત

આ યોજના અંતર્ગત અરજી કરવા માટેની લાયકાતો નીચે મુજબ છે.

કેવી રીતે અરજી કરવી?

જો તમે ઇન્ડિયા યંગ પ્રૉફેશનલ્સ સ્કીમ બૅલેટ સામેલ થવા માટેની લાયકાત ધરાવતા હો અને તમે બૅલેટમાં સફળ થાઓ તો તમને વિઝા માટે અરજી કરવા માટે આમંત્રિત કરાશે.

તે માટે જરૂરી દસ્તાવેજો તૈયાર કરી લો.

દસ્તાવેજોની યાદી આ પ્રમાણે છે.

ક્યારે અરજી કરવી?

જો તમે બૅલેટમાં સફળ થાઓ તો તમને આમંત્રણ સમયે અપાયેલ ડેડલાઇન પ્રમાણે અરજી કરવાની રહેશે. જેનો સમયગાળો આમંત્રણ બાદથી 30 દિવસનો હોય છે.

વિઝા અપાયાના છ માસની અંદર યુકે ટ્રાવેલ કરવાનું રહેશે.

તમારી અરજી અનુસાર તમારે ઓળખના અને અન્ય પુરાવા આપવાના રહેશે.

એક વખતે અરજી, ઓળખ પુરવા અને અન્ય દસ્તાવેજો આપ્યા બાદ તમારી અરજી અંગે સામાન્યપણે ત્રણ અઠવાડિયાંમાં નિર્ણય લેવાશે.

કેટલો ખર્ચ થાય?

આધિકારિક વેબસાઇટમાં આપેલી વિગતો અનુસાર અરજી સમયે 298 પાઉન્ડ એટલે કે લગભગ 31 હજાર રૂપિયા, હેલ્થ કેર સરચાર્જ તરીકે 940 પાઉન્ડ એટલે કે લગભગ 98 હજાર અને અગાઉ જણાવ્યું એમ બચત ખાતામાં 2.64 લાખ રૂપિયા રાખવાના રહેશે.

જો તમારી અરજી રદ થાય તો તેવા કિસ્સામાં અરજી માટેની ફી પરત મળતી નથી. તેથી અરજી કર્યા પહેલાં લાયકાતની તમામ શરતો જાણી લેવી જરૂરી છે.

કેટલા સમય સુધી યુકેમાં રહી શકાય અને શું કરી શકાય?

તમને આ યોજના અંતર્ગત યુકેમાં રહેવા અને કામ કરવા માટે 24 માસના વિઝા મળે છે. તમે વિઝા માન્ય હોય ત્યાં સુધી ગમે ત્યારે યુકેમાં આવી, જઈ અને રહી શકો છો.

જો વિઝા અપાય એ દરમિયાન તમે 31 વર્ષના થઈ જાઓ તો પણ તમે વિઝા માન્ય હોય ત્યાં સુધી યુકેમાં રહી શકો છો.

આ દરમિયાન યુકેમાં રહીને અભ્યાસ કરી શકો છો. પરંતુ અમુક કોર્સ કરવા માટે તમારે એકૅડેમિક ટેકનૉલૉજી અપ્રૂવલ સ્કીમ સર્ટિફિકેટની જરૂર પડે છે.

આ સિવાય મોટા ભાગની નોકરીઓમાં જોડાઈ શકો છો.

આ દરમિયાન સ્વરોજગાર અપનાવી શકાય, પોતાની કંપની પણ સ્થાપી શકાય છે. પરંતુ આવું કરવા માટે તમારે કામનું સ્થળ ભાડે રાખવાનું હોય છે. તેમજ કોઈનેય નોકરીએ રાખી ન શકાય અને ઑફિસમાં સાધનોની કિંમત 5.22 લાખ કરતાં વધુ ન હોય.

આ સિવાય આ યોજના અંતર્ગત યુકે પહોંચી શું ન કરી શકાય એ પણ જાણી લેવું જોઈએ.

તમે બીબીસી ગુજરાતીને સોશિયલ મીડિયા પર અહીં ફૉલો કરી શકો છો

Facebook પર સમાચાર વાંચવા અહીં ક્લિક કરો.

Instagram પર બીબીસી ગુજરાતીને અહીં ફૉલો કરો.

YouTube પર બીબીસી ગુજરાતીના વીડિયો જોવા માટે અહીં ક્લિક કરો.

Twitter પર બીબીસી ગુજરાતીની ફૉલો કરવા અહીં ક્લિક કરો.