Cynhyrchu trydanEgni gwynt

Mae gwynt yn cael ei greu gan geryntau darfudiad yn atmosffer y Ddaear, sy’n cael eu gyrru gan egni gwres o’r Haul. Mae hyn yn golygu bod yr egni cinetig yn y gwynt yn adnodd egni adnewyddadwy – cyn belled â bod yr Haul yn bodoli, bydd y gwynt yn bodoli hefyd.

Tyrbinau gwynt

Mae tyrbinau gwynt yn defnyddio’r gwynt i yrru tyrbinau yn uniongyrchol. Mae ganddyn nhw lafnau enfawr wedi eu mowntio ar ben tŵr uchel. Mae’r llafnau wedi eu cysylltu â nasél, neu rigol, sy’n cynnwys gerau wedi eu cysylltu â generadur. Wrth i’r gwynt chwythu, mae’n trosglwyddo rhywfaint o’i egni cinetig i’r llafnau, sy’n troi ac yn gyrru’r generadur. Mae’n bosibl y bydd sawl tyrbin gwynt yn cael ei godi gyda’i gilydd mewn lle gwyntog i greu fferm wynt.

Manteision egni gwynt

• Mae gwynt yn adnodd egni adnewyddadwy.
• Does dim costau tanwydd.
• Does dim nwyon niweidiol sy’n llygru yn cael eu cynhyrchu.

Anfanteision egni gwynt

• Mae ffermydd gwynt yn swnllyd.
• Mae lefel y trydan sy’n cael ei gynhyrchu yn dibynnu ar gryfder y gwynt.
• Os nad oes gwynt, does dim trydan.
• Mae adeiladu a chynnal ffermydd gwynt yn gallu bod yn gostus.
• Mae rhai pobl leol yn gwrthwynebu ffermydd gwynt atraeth (ar y tir), gan ddadlau eu bod nhw’n difetha cefn gwlad.