Hidhattoonni Liibiyaa xiyyaarri UN biyyattii keessa akka hin sochoone dhorkan

Xiyyaaronni UN gara Liibiyaatti akkasumas Liibiyaarraa gara biyyoota biroos akka hin balaliine dhorkaman

Humnoonni waraanaa Jeneraal Kaliifa Haftaar balaliiwwan UN gara Liibiyaa fi Liibiyaarraa iddoo biroottis akka hin taasifamne godhan.

Kunis immoo gargaarsa namoomaa garas geessuu fi nageenya eegsisuurratti dhiibbaa uumaa jira jedhe UN.

Lolotoonni jeneraal Haftaar yeroo dhihoo asitti balaliiwwan UN taasisuuf hayyama hin kenninu jechaa turan.

Akka gabaasa AFP'tti jeneeraal Haftaar magaalaaTirippoolii "naannoo balaliirraa bilisa ta'e" akka ta'uu gochuuf yaada qabu. Akkasumas balaliiwwan UN haleellaadhaaf saaxilamoo ta'uu danda'u yaaddoon jedhu jira.

Gaafii fi deebii barressaan ol'aanaa UN Antooniyoo Gutarees torbee darbe BBC waliin taasissaniin waldhabdeen Liibiyaa "qaanessaadha" jedhan.

Dabalataanis Obbo Gutarees akkas jedhan: "waraanni Liibiyaa keessatti taasifamaaru fudhatama hin qabu. Afriikaan waldhabdee Liibiyaa keessatti adeemaa jiruuf furmaata fiduu gahee ol'aanaa taphachuu dandeetti," jedhan.

UN gamasaatiin waldhabdee kana furuuf waan barbaachisu hunda ni deeggaras jedhan bareessaan ol'aanaa UN Antooniyoo Gutarees.