Ogun sex romp: Pásítọ̀ tó ṣe aṣemáṣe pẹ̀lú ìyá àti ọmọ méjì kó sí gbaga ọlọ́pàá
Oríṣun àwòrán, Getty Images
Yoruba ni ẹni ti a ba gbe oju oku le, yẹ ko jọ ẹni agba, igi ti a ba si fi ẹyin ti, yẹ ko gba ni duro lai fi ni lẹyin janlẹ.
Amọ eyi ko ri bẹ fun iya kan ati ọmọbinrin rẹ meji, ti wọn fi gbogbo ọkan wọn tan ojisẹ Ọlọrun kan amọ ti abamọ gbẹ yin ọrọ fun wọn.
Gẹgẹ bi atẹjade ti ile iṣẹ ọlọpaa ipinlẹ Ogun fisita, ọwọ ofin ti mu pasitọ ijọ kan ni adugbo Olumore, niluu Abeokuta, Timothy Oluwatimilehin.
- "Á lọ yíká gbogbo ilẹ̀ Yorùbá láti bèèrè fún ìdáǹdè Sunday Igboho"
- Omijé lójú, ọ̀rọ̀ ìdárò àti orin èpè ní ọ̀dọ́ Eruwa fi dárò ikú bí Timothy Adegoke ti yóò wọ ilẹ̀ sùn lónìí
- Ọmọ Nàíjíríà, ẹ yé yan àwọn ‘Grandpa’ ní ààrẹ, ẹ wá ọlọ́gbọ́n ọ̀dọ́ tó tún sán-an-gun - Seyi Makinde
- Òjòwú-bìnrin fi ẹ̀rọ ìlọṣọ gbígbónà jó ọkọ ní abẹ́ àti ojú láti ojú oorun, ó sì gba ibẹ̀ kú
- Dókítà àti Nọ́ọ̀sì di atọrọjẹ torí àjẹsílẹ̀ owọ oṣù mẹ́jọ
- Fathia Balogun kéde aṣọ ẹbí ₦150,000 àti ₦120,000 fún ọjọ́ ìbí rẹ̀
- Àlàyé rèé lórí àìsàn tó ṣe mi fọ́dún mẹ́jọ tí mo fi rù kan eegun - Ogogo
- Osun la fẹ́ kí ìgbẹ́jọ́ ikú Timothy Adegoke ti wáyé, kìí ṣe Abuja - Mọ̀lẹ́bí yarí
- Wo ohun tí ìjọba Oyo ṣe fún ẹni tí ọlọ́pàá SARS lù fọ́ lójú lẹ́yìn àbọ̀ ìgbìmọ̀ EndSARS
Ileesẹ ọlọpaa ni lori itanjẹ ati Ibalopọ pẹlu iyawo ile ati ọmọbinrin rẹ meji ni awọn mu pasitọ naa fun.
Oríṣun àwòrán, Ogun State Police
Ọkọ iyawo lo figbe ta pe Pasitọ lo ọgbọn ẹwẹ lati tan iyawo oun atawọn ọmọ jẹ ni:
Iroyin sọ pe pasitọ naa gba obinrin yii at'awọn ọmọ rẹ mejeeji sile rẹ nibi ti o ti ba gbogbo wọn ni Ibalopọ.
Agbẹnusọ fun ileeṣẹ ọlọpaa ipinlẹ Ogun, Abimbola Oyeyemi lo fọrọ yii lede fawọn akọroyin.
Ọgbẹni Oyeyemi sọ pe awọn agbofinro mu pasitọ yii lẹyin ti ọkọ rẹ mu ẹjọ rẹ wa si agọ ọlọpaa ni Adatan.
Alukoro ileeṣẹ ọlọpaa ni ọkọ obinrin naa wa fi ẹjọ sun pẹlu oṣiṣẹ ileeṣẹ ijọba to n ri si ọrọ awọn obinrin.
Oyeyemi ni ọkunrin naa salaye pe pasitọ yii fi ọgbọn tan iyawo oun ati ọmọbinrin awọn meji lọ si ile rẹ nibi ti o ti n b'awọn sun.
Lẹyin naa ni DPO agọ ọlọpaa Adatan, SP Abiodun Salau ni k'awọn ọlọpaa lọ mu pasitọ naa.
Ki ni awijare Pasitọ?
Lẹyin ìfọrọwánilénuwò, pasitọ bẹrẹ si ni ka boro boro pe lootọọ ni oun b'awọn ni Ibalopọ, amọ, o tọrọ aforijin.
Pasitọ ọhun ni ede-aiyede to wa laarin obinrin naa ati ọkọ rẹ loun lo, lati tan an lọ sile oun nibi toun ti ni Ibalopọ pẹlu rẹ at'awọn ọmọ meji.
Alukoro ileeṣẹ ọlọpaa ni ẹjọ naa ti de ọdọ ajọ to n ṣewadi awọn ọdaràn to niṣe pẹlu iwa ipa s'awọn ọmọde fun iwadii kikun pẹlu erongba lati gbe ọkunrin naa lọ sile ẹjọ.
