Sunday Igboho: Ifasooto ni "torí mo pe èèyàn tí mo mọ̀ lára àwọn tí wọ́n kó nílé Sunday Igboho lóríi fóònù lásán ni DSS fi wá gbé mi"
"Koda wọn ni emi ni mo n ṣe oogun fun IPOB, mo ni IPOOBU kẹ, mi o gbọ ọ ri".
Lootọ iṣẹ awo ni iṣẹ ti Faṣootọ Dada n ṣe gẹgẹ bo ṣe sọ fun BBC Yoruba amọ o ṣì duro lori ẹsẹ rẹ pé oun ko mọ Sunday Igboho ri rara gẹgẹ bi ajọ DSS ṣe wa gbe oun janto ti wọn si bẹrẹ si ni fi iya jẹ ẹ tori ọrọ Igboho.
"Mo sọ fun wọn pe mi o mọ Sunday Igboho ri, ori ẹrọ amohunmaworan ni mo ti kọkọ ri i, sibẹ awọn DSS ko gba temi".
Ifasooto Dada sọ fun BBC Yoruba pe ajọ DSS ni dandan oun loun n ṣe oogun fun Sunday Igboho tori rẹ si ni awọn ṣe wa gbe e.
O ṣalaye bi wọn ṣe fi ipe ti o pe lori foonu rẹ to lọ mọ ọkan lara awọn ti ajọ DSS lọ gbe ni ile Sunday Igboho lasan ni o koba oun.
O ni ara Ibadan ni Tajudeen ti wọn gbe ni Ibadan ọhun to si ṣalaye bi wọn ṣe mọ ara wọn ati pe igba ti oun gbọ pe wọn gbe e ti wọn si pada tu u silẹ loun ni ki oun pe e ki.
"Wọn bẹrẹ sin ni pariwo le mi lori pe "Juju man" ni mi pe emi ni mo n ṣe ogun fun awọn ikọ Sunday Igboho".
O ni koda wọn ni oun loun n ṣe ogun fun ikọ IPOB ti Nnamdi Kanu n dari ni ilẹ Igbo.
"Wọn ko awọn awọtẹlẹ to ni oogun Yoruba lara jade pe ṣe mo mọ ọ ri, mo ṣalaye fun wọn pe ki wọn to bi mi ni wọn ti ṣe aṣọ naa jade ti mo maa n gbọ nipa ogun agbẹkọya ti wọn ti lo o fi ja.
Nigba ti Ifaṣootọ yoo fi pada de ile to dara pọ mọ ẹbi rẹ, pẹlu ayọ ati idunu ni wọn fi yọ mọ ara wọn koda wọn ko le dakẹ ẹkun sisun nibi ti ọrọ naa wọ wọn lara de.
