Nomthi Odukoya: Pásítọ̀ Odukoya pàdánù ìyàwó rẹ̀ ẹlẹ́ẹ̀kejì lẹ́yìn ikú Bimbo Odukoya lọ́dún 2005

Wọn ti kede eto isinku iyawo Pasitọ Agba ijọ Fountain of Life Church, Nomthi Odukoya.

Ninu ikede kan ti ọkọ rẹ, Taiwo Odukoya fi sori ayelujara Instagram rẹ ni eyi ti jẹyọ.

Ọjọ Aje, ọjọ kẹjọ, oṣu Kẹwaa, ọdun 2021, ni Simangele Rosemary Nomthansazo Odukoya jade laye.

Ẹni ọdun mẹtadinlaadọta ni.

Aisan jẹjẹrẹ si ni ẹbi rẹ sọ pe o pa a, lẹyin to ba a finran fun ọdun meji.

Bi eto naa yoo ṣe lọ niyii:

Aṣalẹ orin ati idaro yoo waye ni ọjọ Aje, ọjọ kọkandinlọgbọn, oṣu Kọkanla, ọdun 2021.

Eto isinku yoo waye ni ọgbọn ọjọ, oṣu Kọkanla bakan naa.

Ile ijọsin ọkọ oloogbe, Fountain of Life Church, to wa ni adugbo Ilupeju, nipinlẹ Eko, ni awọn eto naa yoo ti waye.

Ọmọ orilẹ-ede South Africa ni Nomthi.

O si fi ọmọ meji saye lọ.

Àrùn jẹjẹrẹ ló mú ìyàwó mi lọ, àmọ́ gbogbo wa la ó dágbére lọ́jọ́ kan- Pásítọ̀ Odukoya

Ijọ Fountain of Life Church ti kede iku iyawo Pasitọ Agba wọn, Pasitọ Nomthi Odukoya.

Ijọ naa kede ninu atẹjade kan ti wọn fi sita lori ayelujara wọn.

Gẹgẹ bi atẹjade naa, Pasitọ obinrin Nomthi Odukoya ku nitori aisan jẹjẹrẹ to ba a finra fun ọdun meji.

"Aisan jẹjẹrẹ ba a finra fun ọdun meji, o duro lori ọrọ Ọlọrun, o si ja fitafita."

"A fẹran rẹ pẹlu gbogbo ọkan wa, ṣugbọn taa ni wa lati kọju ija si ifẹ Ọlọrun."

"Otitọ ibẹ ni pe gbogbo wa la o dagbare fun aye. Nitori naa, titi ti a o tun fi pade, o dabọ Pasitọ Nomthi."

Pasitọ Nomthi Odukoya ni iyawo keji Pasitọ Taiwo Odujkoya, to jẹ oludasilẹ ṣọọṣi Fountain of Life Church.

Nomthi fẹ Pasitọ Taiwo Odukoya ni oṣu Kinni, ọdun 2010, lẹyin ti iyawo rẹ akọkọ, Bimbo Odukoya kú ninu ijamba baalu kan ni ọjọ kẹwaa, oṣu Kejila, ọdun 2005.

Ọmọ orilẹ-ede South Africa ni Nomthi jẹ́.

Ọdun mọkanla ni igbeyawo wọn, wọn si bi ọmọ meji funra wọn.

Titi di igba to ku, ipo Igbakeji Pasitọ Agba lo wa ninu ijọ naa, nibi to ti n ran ọkọ rẹ lọwọ lati ṣe amojuto ṣọọṣi naa to ni to ẹgbẹrun mẹwaa ọmọ ijọ.

Awọn eekan ilu ba Pasitọ Taiwo Odukoya kẹdun

Aarẹ orilẹ-ede Naijiria, Muhmaamadu Buhari ti ranṣẹ ibanikẹdun si Pasitọ Taiwo Odukoya, lori iku iyawo rẹ Nomthi.

Ọjọ Iṣẹgun ni Nomthi jade laye, lẹyin to ba aisan jẹjẹrẹ finra fun ọdun meji.

Oluranlọwọ fun Aarẹ Buhari lori eto iroyin, Femi Adesina, sọ ninu ikede kan to fi si ori Facebook pe Buhari gbadura ki ọlọrun ti Pasitọ Taiwo Odukoya ninu.

"Aarẹ ba pasitọ naa, ṣọọṣi rẹ ati gbogbo Kristiẹni lapapọ kẹdun lori iṣẹlẹ naa, to si ṣapejuwe rẹ gẹgẹ bi iṣẹlẹ to ba ni lọkan jẹ."

O rọ Pasitọ Odukoya lati gba iṣẹlẹ naa mọra, pẹlu igbagbọ pe ko si nkan to le ṣẹlẹ, lai jẹ pe Ọlọrun mọ si.

Bakan naa ni Igbakeji Aarẹ nigba kan, Atiku Abubakar sọ pe ibanujẹ nla ni ilu Pasitọ Nomthi Odukoya jẹ fun oun. O ni oun gbadura pe ki ẹni to ku sun re o.