Tinubu: Ọ̀rọ̀ òṣèlú kọ́ ló gbé mi lọ sọ́dọ̀ Buhari, àbẹ̀wó lásán ni
Oríṣun àwòrán, State House
Aṣaaju ẹgbẹ oṣelu APC, Bola Ahmed Tinubu ti ṣe abẹwo si Aarẹ Muhammadu Buhari nile ijọba to wa l'Abuja.
Lẹyin ipade naa ni Tinubu sọ fun awọn akọroyin pe kii ṣe ọrọ oṣelu lo gbe oun lọ sọdọ Buhari.
Ni bayii ti eto idibo ọdun 2023 ti n sunmọle, ọpọ eeyan lo lero pe ọrọ oṣelu ni Tinubu lọ ba Buhari sọ.
Amọ nigba to n ba awọn akọroyin sọrọ lẹyin abẹwo naa, Tinubu sọ pe oun kan lọ ki Aarẹ kaabọ pada si Naijiria ni, iyẹn lẹyin to tajo de lati Saudi Arabia, nibi to ti lọ ṣe Umra.
Àwọn iròyin tì ẹ leè ní ìfẹ̀ síí:
- Ẹ bá mi bẹ ọkọ mi Aláàfin kó gbà mí padà, mo ti ṣe àṣìṣe - Olorì Damilola
- Ẹ wò àsọtẹlẹ tí Odumakin sọ nípa ìbejì tí ìyàwó rẹ̀ bí loṣù mẹ́fà tó jáde láyé
- Agbébọn kọlu ṣọ́ọ́ṣì, èèyàn méjì kú, wọ́n kó ọ̀pọ̀ olùjọ́sìn lọ
- Wo ọ̀nà tí obìnrin tó ti ní ìbálòpọ̀ tẹ́lẹ̀, ṣe le sọ ara rẹ̀ di ‘Virgin' lẹ́ẹ̀kejì
- Gómìnà díbọ́n bíi aláìsàn lọ ṣèwádí aṣemáṣe àwọn òṣìṣẹ́ iléèwòsàn, ọ̀rọ̀ kọ sísọ
- Ó ṣèèsì bọ́ sí wọ́n lọ́wọ́ ní, APC kò ṣetán láti ṣe àkóso ìjọba ní 2015 - Atiku
- Má ṣé wàhálà wàásù fún mi, mo ti yọ ìdájọ́ ọ̀run kúrò lọ́rọ̀ mi - Bobrisky
- Iyorchia Ayu dí Alágá ẹgbẹ́ òṣèlú PDP, àwọn ọmọ ìgbimọ̀ tó kù rè é
- Òjò owó àti ẹbùn ń rọ fún Iyabo Ojo fún ayẹyẹ ọdún kan ikú ìyà rẹ
Agba oloṣelu naa ni oun lọ dupẹ lọwọ Buhari fun bo ṣe ṣabẹwo si oun niluu London lasiko ti oun lọ gba itọju nibẹ.
O ni "Abẹwo mi wa lati fi ẹmi imoore han si Aarẹ fun abẹwo to ṣe si mi lẹyin iṣẹ abẹ ti mo ṣe niluu London, eyii to mu inu mi dun gidi."
"Nitori naa idi ti mo ṣe lọ ki niyẹn, ati lati kii kaabọ lati Saudi."
Tinubu tẹsiwaju pe "Kii ṣe nipa ọrọ oṣelu rara, mo kan lọ ki kaabọ ati lati dupẹ lọwọ rẹ fun ifẹ to fi han si mi ni, ko ju bẹẹ lọ."
Ti ẹ ko ba gbagbe, Aarẹ Buhari wa lara awọn ọgọọrọ oloṣelu to lọ sabẹwo si Tinubu lasiko to lọ gba itọju niluu London.
Ṣaaju naa ni ọpọ eeyan ti kọkọ ṣakiyesi pe awọn ko kofiri Tinubu laarin ilu fun saa kan, eyii to mu ki awọn kan maa sọ pe o ti jade laye ni.
Amọ agbenusọ rẹ yara tete ke sita ninu atẹjade kan pe irọ ni iroyin naa, koko lara ọta agba oloselu naa le.
