Man gunned in the mouth: Peter Omotoye ní ìbọn nínú ẹnu yìí yí ìgbé ayé òun padà pátápátá

Àkọlé fídíò, 'Oko ni mo wà lọ́nà "Express" Ilesha tí àwọn agbébọn yìnbọn bá ẹnu mi tí mò fi dà báyìí'

Lasiko ti awọn agbebọn kan dede n ṣọṣẹ ni Alagba Peter Omotoye dede ṣalabapade ibọn ojiji ninu ẹnu rẹ.

Ọmọ Alagba Peter ṣalaye pe ọjọ karundinlọgbọn oṣu kẹta ọdun 2013 ni iṣẹlẹ buruku yii ṣẹlẹ nigba ti baba wa ni oko rẹ to wa lagbegbe ọna marosẹ to lọ si Ibadan.

"Bí wọn ṣe jade si oju ọna ni awọn agbebọn jade si wọn ti wọn si yinbọn ba wọn, ẹnu lo bọ si".

Alagba Peter ti ko lee fi ẹnu rẹ sọrọ lati igba naa, ti ko si lee dede jẹun mọ́ tabi mi eemi daadaa ni ikọlu ọhun ti yi gbogbo igbe aye oun ati mọlẹbi rẹ pada.

Iyawo rẹ sọ bi o ṣe ya gbogbo wọn lẹnu nigba ti awọn oṣiṣẹ ileewosan pe wọn pe ki wọn maa bọ.

Ọmọ naa ni awọn kọ́kọ́ lo oṣu mẹ́ta nileewosan nigba to ṣẹlẹ, koda o ni "oriṣiriṣi nkan lawọn ti ta fun itọju ẹnu baba wọn.

"Ayẹwo CT Scan ti a ṣe ni Ile Ife fihan pe ẹnu ati ahọn ni ibọn naa bajẹ ati pe dokita ni ida mẹta ahọn wọn lo ti bajẹ patapata".

Ọmọ naa ni gbogbo ounjẹ lawọn n fi ẹrọ lọ ko di olomi ki o to lee fi paipu rọba ti wọn gbe si i nimu jẹun tabi lo oogun.