DSS Sunday Igboho: Ọ̀rọ̀ pọ nínú ìwé tí Igboho kọ sí ìjọba àpapọ̀, ká diẹ nípa rẹ̀ níbi

Gbajugbaja ajafẹtọ awọn ọmọ Yoruba, Sunday Igboho ti kọ iwe si ijọba apapọ Naijiria pe ki wọn san owo gba ma binu lori awọn dukia rẹ ti ajọ ọtẹlẹmuyẹ DSS ba jẹ.

Iwe yi ti agbẹnusọ rẹ Olayemi Koiki fi soju opo Facebook rẹ la ti rii ka pe o ni ẹẹdẹgbẹta miliọnu Naira ati iwe itọrọ aforiji ni oun fẹ gba.

Agbẹjọro Igboho, Chief Yomi Alliyu sọ bakan naa pe ọna aitọ ni awọn ọmọ ikọ DSS fi yabo ile Igboho leyi to tako ilana ofin Naijiria.

O ni labẹ ofin, o yẹ ki awọn agbofinro ṣafihan erongba wọn lati wọ ile afurasi. Bi wọn ko ba ri esi gba lọdọ ẹni naa, wọn wa le wọle gba ilẹkun ẹnu na tabi ibomiran ninu ile naa.

Yomi Alliyu ni iyalẹnu lo jẹ pe awọn DSS yi ko bikita ẹmi awọn to wa ninu ile naa to fi mọ Imaamu agbalagba kan to n ṣaaju irun Tahajjud fawọn ara inu ile naa.

''Obinrina kan lara awọn to wa si ile Igboho ninu awọn DSS, Niṣer lo n pariwo pe bi ẹ ba ti rii, ẹ yinbọn pa a ni''.

Wo ohun tó yẹ kí o ṣe sí ojú abẹ́ rẹ, ''vagina'' lẹ́yìn ìbálòpọ̀

Ẹ mú "Candle" wá síbi ètò ìsínkú Wòlíì TB Joshua tí yóò bẹ̀rẹ̀ lọ́la - Ìjọ Synagogue

Gbogbo ìpilẹ̀sẹ̀ ìṣoro Nàìjíríà ni àtúnyẹ̀wò òfin ta ń ṣe yìí yóò mójútó - Gbajabiamila

Ọkọ̀ òfurufú ọmọ ogun já lulẹ̀ èèyàn 92 ló wà nínú rẹ̀

Gẹgẹ bi alaye ti agbẹjọro yi sọ, o ni ko si ẹni ti kọ mọ pe labẹ ofin, o gbọdọ kọkọ fi iwe aṣẹ han pe o fẹ tu ile afurasi eyi ti awọn DSS kọ lati ṣe.

Bẹẹ naa lo ṣalaye pe lati ita lawọn DSS ti da ibọn bole ti wọn si pa eeyan meje yatọ si eeyan meji ti wọn ni awọn pa ninu ikọlu pẹlu awọn ẹsọ Igboho.

''Ko dun mọ awọn DSS yi ninu bi wọn ko ṣe ri ibọn lọdọ awọn ọmọ iṣẹ Igboho. Ohun lo mu wọn gba ibọn meji ti wọn ba lọd awọn ẹṣọ to tẹle alejo to wa Igboho wa''.

Ninu alaye to ṣe bakan naa to fi ni awọn fẹ owo gba ma binu ati iwe itọrọ aforiji lọdọ ijọba, agbẹjọro Igboho ni owo, foonu ati nkan miran lawọn agbofinro gbe lọ.

''Ẹgbẹrun kan Euros, miliọnu meji Naira, ẹgba ọrun owo iyebiye, iwe irinaa, onde ,foonu iPhone12 meji ati foonu awọn eeyan mejila to wa ninu ile naa ni wọn gbe''.

Nigba to n bẹnu atẹ lu awọn DSS ọgbẹni Alliyu sọ pe awọn fẹ ki ijọba ni kiakia:

Lakotan o ni awọn fẹ ki ajọ DSS jawọ nibi ko maa ṣapejuwe alabara awọn tii ṣe Igboho gẹgẹ bi ọdaran nipa ṣiṣe afihan ibọn DSS ti wọn pe ni tiẹ.