Niger Delta Avengers: Buhari fèsì pé gbogbo ohun tí NDA ń bèèrè fún, ni òun ti ṣe
Oríṣun àwòrán, AFP
Lẹyin ti wọn sinmi fun bi ọdun mẹta, awọn ajijagbara fun agbegbe Niger Delta, eyiun Niger Delta Avengers (NDA) tun ti gba ọna miran yọ bayii.
Lọtẹ yii, ẹgbẹ Avengers ti ṣe agbekalẹ eto ti wọn pe orukọ rẹ ni 'Operation Humble', eleyii ti wọn fi leri pe awọn yoo fi ba ọrọ aje Naijiria jẹ nipa biba awọn ileeṣẹ epo rọbi to wa lẹkun naa jẹ.
Ninu atẹjade kan ti ẹgbẹ ọhun ti fi sita ni wọn ti ṣalaye pe awọn ṣetan lati ri pe ọrọ aje Naijiria dẹnu kọlẹ.
Àwọn iròyin tì ẹ leè ní ìfẹ̀ síí:
- Látìgbà tí mo ti dé láti àhámọ́ ọlọ́pàá, ni mo ti ń rí ẹ̀jẹ̀ nínú ìgbọ̀nsẹ̀ mi - Baba Ijesha
- Ẹ̀mí kan bọ́, ọ̀pọ̀ farapa ní Mọ́ṣáláṣí l‘Osogbo lásìkò àdúrà ètò ààbò táwọn Egúngún ṣe
- Ẹ yéé yá ìjọba Nàìjíríà lówó mọ́- Akintoye Ukiwe àti àwọn 125 mííràn kọ̀wé sí World Bank
- Dino Melaye sọ̀rọ̀ sókè lórí ọ̀rọ̀ ìfẹ́ tí wọn ló ní pẹ̀lú àwọn òṣèrẹ tíátà
- Olórin bíi Tiwa Salvage ni mo fẹ́ jẹ́ lọ́jọ́ ìwájú, ẹ má jẹ́ kí ń kú - Chidima afurasí apààyàn
- Àwọn àjẹ́ fọhún síta lórí ìgbésẹ́ àti pín Nàìjíríà sí wẹ́wẹ́
- Ẹgbẹ́ òṣèré tíátà, TAMPAN fọnmú mọ́ Iyabo Ojo àti Nkechi Blessing lọ́wọ́
- Yomi Fabiyi fi ọ̀rọ̀ ránṣẹ́ sí Iyabo Ojo lẹ́yìn béèlì Baba Ijesha
- Iyabo Ojo gbé fídíò míì síta nípa Olofana àti ìhùwàsí àwọn onítíátà lẹ́yìn béèlì Baba Ijesha
Koda wọn tun leri pe awọn ṣetan lati da ṣẹria fawọn oloṣelu to n gbimọ pọ pẹlu ijọba apapọ lati fi ẹtọ awọn eeyan ẹkun Niger Delta dun wọn.
Eleyii ṣẹlẹ lẹyin oṣu kan ti olori awọn ajijagbara Niger Delta kan, Ekpemupolo, ti ọpọ mọ si Tompolo, kọ iwe ranṣẹ si ijọba apapọ lati ṣe ifilọlẹ igbimọ to n ri si ọrọ Niger Delta.
Tompolo sọ ninu lẹta naa pe ti ijọba ko ba ṣe bẹẹ, awọn ṣetan lati ba awọn ileeṣẹ ifọpo Naijiria to wa lẹkun naa jẹ.
Ọjọ meje pere ni Tompolo fun ijọba lati gbe igbesẹ lọri ọrọ naa.
Ẹgbẹ NDA tun sọ ninu atẹjade to fi sita pe, oun ti sọ fawọn ajijagbara lati pada si inu igbo tawọn irinṣẹ ifọpo wa lẹkun naa.
Buhari fesi pada fawọn Niger Delta Avengers
Ẹwẹ, ijọba apapọ ti fesi si ileri awọn ajijagbara Niger Delta Avengers, wọn ni ko si ọrọ ninu ohun ti ẹgbẹ naa n sọ rara.
Ijọba ni gbogbo ohun ti ẹgbẹ naa n beere fun, ni ijọba ti ṣiṣẹ lori rẹ.
Ninu atẹjade kan ti ileeṣẹ aarẹ fi sita nipasẹ oludamọran fun Aarẹ Muhammadu Buhari lori ọrọ iroyin, Femi Adesina, ijọba ni o jẹ iyalẹnu pe ẹgbẹ NDA n dunkoko mọ ijọba lẹyin ti Buhari ti gbe igbesẹ lori ọpọ ohun ti wọn n beere fun.
Adesina ṣalaye pe ijọba Buhari ti gbe igbesẹ lori atunto ijọba ati idagbasoke ẹkun Niger Delta ti ẹgbẹ NDA n sọ nipa rẹ.
Adesina sọ ninu atẹjade naa pe, Aarẹ Buhari ti ṣepade pọ pẹlu awọn alaṣẹ ẹkun Niger Delta ati ẹgbẹ Ijaw, Ijaw National Congress (INC).
