Security in Nigeria: Alaafin Oyo sọ̀rọ̀ lórí ìṣèjọba tó leè yọ Nàìjíríà kúrò nínú ọ̀fìn tó wà

Kabiyesi Alaafin ti ilu Ọyọ, Ikubaba yeye, Ọba Lamidi Adeyẹmi kẹta ti sọrọ sita pe ibi ti ọrọ ẹlẹyamẹya ati ẹlẹsinmẹsin de duro bayii lorilẹede Naijiria, ko fẹẹ si iru rẹ ri ninu itan orilẹede Naijiria.

Alaafin Adeyẹmi sọ eyi di mimọ ninu atẹjade kan eyi to fi ranṣẹ sawọn akọroyin l'Ọjọru.

Ikubaba yeye niibi ọrọ gbe de duro lorilẹede Naijiria bayii ti di ayefẹlẹ tobẹ gẹẹ ti ko si ẹni to lee ni igbagbs ms ninu awọn ileeṣẹ agbofinro gbogbo titi kan ileeṣẹ aṣọbode laiṣegbe.

Amọṣa Kabiyesi Alaafin Ọyọ wa pe fun agbekalẹ ijọba ipin o jupin ti oyinbo n pe ni True Federalism.

O ni irufẹ ijọba bẹẹ yoo fun awọn ipinlẹ lagbara sii.

Bakan naa lo pe fun eto ibi ko ju ibi lori yiyan awọn eeyan sipo apapọ titi kan awọn ileeṣẹ abo gbogbo.

Kabiyesi laafin ni oun ko lee kawọgbera ti orilẹede Naijiria da wo lulẹ.

Alaafin Adeyẹmi III ṣalaye pe eto iṣejọba ibi ko ju ibi Federalism ni ipilẹ ti wọn gbe orilẹede Naijiria .

O ni nibi ipade apero fun iwe ofin lọdun 1959, aba ti Oloye Ọbafẹmi Awolọwọ da, leyin ti olori ẹkun ariwa nigba naa, Sadauna Ahmadu Bello fọwọ si ni gbigbe awọn ẹka bii eto ọgbin, ijọba ibilẹ ati oye jijẹ gbọdọ sọwọ awọn ijọba ẹkun gbogbo leyin to mu ki awọn idagbasoke manigbagbe lee waye nigba naa.