Man selling body parts, Ibadan: Ọwọ́ ikọ̀ Amọtẹkun ba Mutiu Abdul-Rasheed, afurasí tó ń ta ẹ̀yà ara èèyàn ní Ibadan
Ọwọ ikọ Amọtẹkun ba afurasi to n ta ẹya ara eeyan n'Ibadan
Awọn oṣiṣẹ ikọ ẹṣọ aabo Amọtẹkun ti nawọ gan ẹni afurasi kan, Mutiu Abdul-Rasheed ti wọn fi ẹsun kan pe o n ta ẹya ara eeyan fun etutu ọla.
Ẹni ogoji ọdun naa ni kele ofin gbe ti wọn si ṣe afihan ọwọ tutu ati awọn ẹya ara mii ti wọn fi han gẹgẹ bi ẹri aridaju ti wọn ri gba lọwọ rẹ.
- Ẹ̀yin òṣìṣẹ́ ìjọba, dẹndẹ ìyà yóò jẹ orí yín bí Nàìjíríà bá pínyà pẹ́rẹ́, toríi Yoruba Nation! - Oluwo
- Ọ̀gá àgbà NECO papòdà- Kà nípa bí Ọjọ́gbọ́n Obioma ṣe kú
- Olorì Damilola fi èpè ránṣẹ́ sí 'bàbá' rẹ̀ to ní kò padà sọ́dọ̀ Aláàfin
- Wo ìdí tó fi ṣeéṣe kí ìjọba àpapọ̀ ó kéde àkọ̀tun ìséde n'ipínlẹ̀ Eko
- Nǹkan kò burú tó báyìí ní ọgbọ̀n ọdún sẹ́yìn tí mo kọrin pé kí Ọlọ́run bá wa tún Nàijíríà ṣe- Funmi Aragbaye
- Àwọn ọ̀dọ́ lé kábíyèsí jáde láàfin l'Ondo
- Ìdí tí a fi mú àwọn olùfẹ̀hónúhàn pé wọ́n tẹ òfin ètò ààbò lójú.
Abdul-Rasheed ti iroyin sọ pe o wa lati ilu Ẹdẹ n'ipinlẹ Ọṣun ṣe alaye wi pe oun wa ninu ẹgbẹ kan to n ṣe karakata ẹya ara eeyan for awọn onibara kan.
O ni ọna ti awọn n gba ṣiṣẹ ni lati maa wu oku awọn eeyan ti wọn mọ orukọ wọn ati orukọ awọn obi wọn ko to di pe wọn jade laye.
Awọn alabasiṣẹpọ rẹ ti o ku ti na papa bora bayii.
Adari ikọ Amọtẹkun n'ipinlẹ Ọyọ, Ajagunfẹyinti Col Olayinka Olayanju ṣe alaye fun awọn oniroyin pe iṣẹ iwadi waye lori afurasi naa laarin oṣu melo kan ki ọwọ palaba rẹ to segi.
O fi kun ọrọ rẹ pe awọn ipe ti n wọle ati awọn igun wi pe ki awọn fi ẹni afurasi naa silẹ, botilẹ jẹ wi pe ko darukọ awọn eeyan to n gbe iru igbesẹ bẹẹ.
Ọlayanju ṣe alaye wi pe ikọ naa yoo fi afurasi naa le awọn ọlọpaa lọwọ fun alekun iṣẹ iwadii.
