US Presidential Election Debate 2020: Trump àti Biden bínú sọ̀rọ̀ síra wọn lásìkò ìtàkurọ̀sọ

Fun igba akọkọ, itakurọsọ waye lọjọ Isegun laarin awọn oludije aarẹ gbankọ meji, to n du aga akoso ilẹ Amerika mọ ara wọn lọwọ.

Donald Trump to wa latinu ẹgbẹ oselu Republican ati Joe Biden to jẹ oludije fun ẹgbẹ oselu Democratic ni wọn dijọ sọ ohun ti wọn fẹ gbe se fun ilu, ti ọpa asẹ ba tẹeyikeyi lọwọ lẹyin ibo aarẹ naa ti yoo waye losu Kọkanla ọdun 2020.

Itakurọsọ naa to waye ni Cleveland, nipinlẹ Ohio ni omilẹgbẹ eeyan lorilẹede Amẹrika ati ni gbogbo agbaye tẹti gbọ.

Àwọn iròyin tì ẹ leè ní ìfẹ̀ síí:

Amọ fun iyalẹnu ọpọ eeyan, se ni awọn oludije mejeeji naa tutọ si ara wọn loju lasiko itakurọsọ ọhun, paapaa, nigba ti wọn n se agbeyẹwo laasigbo iwa ẹlẹyamẹya to kọja lọ ati arun Coronavirus ti ọwọja rẹ le koko lorilẹede Amẹrika.

Ọrọ lori arun Coronavirus lasan gba to ogun isẹju, ti wọn si n tako ara wọn lori ipa ti ọwọja itankalẹ arun naa ko lori ọrọ aje orilẹede Amẹrika, abẹrẹ ajẹsara, lilo ibomu-bonu ati ọwọ ti aarẹ Trump fi mu arun naa nibẹrẹ.

A si lee ni ibinu ni awọn mejeeji fi n sọrọ sira wọn lasiko itakurọsọ naa, ti wọn si tun fija pẹẹta ninu ọrọ wọn lori awọn ẹka to nii se pẹlu igbe aye ọmọniyan bii iwa ọdaran, eto ilera, koda, ọrọ ẹbi wọn gan tun da ija silẹ.

Koda, ọrọ naa su ẹni to se atọkun eto itakurọsọ yii, Chris Wallace nitori bi awọn mejeeji se n tako ara wọn, ti ekinni si n tẹnu bọ ọrọ ekeji lasiko to ba n sọrọ lọwọ.

Igba ti ọrọ naa fọnna soju ni akoko ti wọn pe Trump nija pe ko wa bu ẹnu atẹ lu iwa ẹlẹyamẹya lorilẹede Amẹrika, ati bi awọn alawọ funfun se n jẹ gaba lori awọn alawọ dudu.

Asiko yii si ni Trump taku delẹ lati bu ẹnu atẹ lu ijẹgaba naa, sugbọn dipo bẹẹ, se lo kesi ikọ kan to n jẹ Proud Boys, pe ki wọn gbaradi ni sẹpẹ.

Alẹ ariwo, ija ati asọ gbaa si la lee pe akoko itakurọsọ naa fun awọn oludibo ti ko tii pinnu nipa ẹni ti wọn yoo dibo wọn fun.

A si lee ni itakurọsọ naa tubọ poruru ọkan wọn siwaju ni nitori bi Trump se n tako ofin to de eto naa, to si n tutọ si alatako rẹ loju, naa ni Biden n pe ede abuku ati oko ọrọ si Trump .

Akọsilẹ nipa itakurọsọ naa si fihan pe igba mẹtalelaadọrin ni awọn oludije ipo aarẹ mejeeji gba ọrọ mọ ara wọn lẹnu, ninu eto naa to waye fun wakati kan ati aabọ.

Wo bí ìtàkurọ̀sọ láàrin Donald Trump àti Joe Biden yóò ṣe wáyé

Saaju la ti mu iroyin wa fun yin pe, eto idibo sipo Aarẹ orilẹ-ede Amẹrika ti sun mọ etile, awọn oludije sipo Aarẹ ọhun ti n gbaradi fun itakurọsọ ti yoo waye loṣu Kẹsan an ati ni oṣu Kẹwaa ọdun 2020.

Itakurọsọ laarin Aarẹ Donald Trump ati oludije sipo Aarẹ Joe Biden yoo waye lawọn ọjọ wọnyii:

Bakan naa ni igbakeji Aarẹ Amẹrika Mike Pence ati oludije sipo igbakeji Aarẹ, Kamala Harris, naa yoo maa na tan bi owo ni ọjọ keje, oṣu Kẹwaa, ọdun 2020 ni Salk Lake City, Utah.

Akoko ti itakurọsọ naa yoo maa waye lawọn ọjọ naa ni aago meji si aago mẹta abọ ọsan.

Ohun ti itakurọsọ naa yoo da le lori:

Awọn olujiroro naa yoo sọrọ fun iṣẹju marundinlogun lori awọn akori wọnyi:

Aarẹ Trump ati Biden yoo ni iṣẹju meji pere lati fesi si ibeere ti awọn eeyan ba ni, ki wọn to bọ si gbagede.

Ireti awọn eeyan nibi itakurọsọ naa:

Ọpọ awọn onimọ nipa eto oṣelu kaakiri agbaye lo ti n sọrọ lori ohun to le ṣẹlẹ nibi ifọrọwerọ awọn oludije ọhun.

Bi awọn kan ṣe n sọ pe Trump yoo fakọyọ nitori kii ṣe ajoji si iru ifọrọwerọ bẹẹ, lawọn miran n sọ pe Biden naa kii ṣe ẹran rirọ.

Ọkan lara awọn alatilẹyin Trump, Mike Harlow sọ fun BBC pe ere ọwọ lasan ni Trump yoo fi Biden ṣe ninu itakurọsọ ọhun.

Bakan naa ni Reem Sabha sọ pe ibẹru oun ni pe, bo tilẹ jẹ pe Biden le e gbiyanju lati ta putu, o ṣeṣe ki awọn eeyan ma dibo fun nitori akitiyann rẹ ninu ijiroro naa..

O ni "Ẹru n ba mi nitori awọn eeyan kan ti n sọ pe Joe Biden ko ni okun to lati jẹ Aarẹ Amẹrika ti awọn miran si n lero pe o ti n dagba ju ẹni ti yoo di ipo Aarẹ mu."

Gẹgẹ bi awọn onwoye ohun to n lọ nipa eto oṣelu Amẹrika ṣe so, itakurọsọ awọn oludije ni ipa ninu ipinu awọn oludibo lori ẹni ti wọn yoo dibo wọn fun.

Boya Trump ni yoo tẹsiwaju gẹgẹ Aarẹ lẹyin idibo naa ni tabi Biden yoo yẹ aga m,ọ nidii, gbogbo ẹ wa lọwọ awọn oludibo.