Sadiya Umar Farouq: Èmi kò jí nínú owó oúnjẹ àwọn akẹ́kọ̀ọ́, irọ́ ni Bolaji Owasanoye, alága ICPC ń pa

Sadiya Umar Farouq
Ìye àkókó tí a fi kà á: Ìṣẹ́jú 2

Sadiya Umar Farouq ti ní pé ọwọ òun mọ lórí N2.67 biliọnù owó òúnjẹ àwọn akẹkọọ tí ICPC ní wọn se mọkumọku

Iroyin to n tan kaakiri ni pe alaga àjọ to n gbogún ti iwà ibajẹ ICPC ni awọn osisẹ ijaba kan ti lu owo ounje awọn akẹkọọ ni ponpo.

Sadiya Umar Farouq ti ní pé ọwọ òun mọ lórí N2.67 biliọnù owó òúnjẹ àwọn akẹkọọ tí ICPC ní wọn se makumọku

Saaju ni wọn ni alaga ajọ ICPC to n gbogun ti iwa jẹgudujẹra ni Naijiria, Ọjọgbọn Bolaji Owasanoye ti fẹsun kan awọn èèkàn osise nile isẹ ijọba to n mojuto ọrọ eto ọgbin ati awọn miran pe wọn lu biliọnu meji ati abọ to yẹ ki wọn fi bọ awọn akẹkọọ ni ponpo.

Bolaji Owasanoye ni: "A woye pe wọn dọgbọn si ọna ti wọn fi gbe owo naa jade nipa lilo sub-TSA ki oju kankan ma lee se abojuto bi owo naa se n ajde ati ibi to n gba lọ.

Sibẹsibẹ, a sawari pe awọn owo kan ti wọn ni awọn fi pese ounjẹ fun awọn akẹkọọ lasiko isede ajakalẹ arun coronavirus ni awọn ile iwe kan ko ri bẹẹ rara.

Koda, awọn akẹkọọ naa ko tilẹ si nile iwe lasiko Covid 19 naa rara, leyin o reyin ni a rii pe apo awọn kan ni owo naa wọ lọ.

A ti bẹrẹ iwadii ti wa ni kikun bayii".

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Àkọlé fídíò, Akomolede ati Aṣa lori BBC: Kí ní ìtúmọ̀ Sílébù àti àmi ohun tó ń fún ni?

Lati igba ti iroyin naa ti jade ni ọpọ eeyan ti n fi ẹnu kun awọn to wa nile isẹ ijọba apapọ to n mojuto ọrọ irọrun nipa ipese iranwọ lẹyin isẹlẹ pajawiri fun awọn ara ilu ti wọn pe ni: Federal Ministry of Humanitarian Affairs

Eyi ko seyin bo se jẹ pe ile isẹ yii lo mojuto pinpin ounjẹ fawọn akẹkọọ lasiko isede Coronavirus

Ko pe sii ni ileese yii naa fesi loju opo twitter wọn pe ọwọ awọn mọ lori iwadii ajọ ICPC yii nitori awan pin ounjẹ naa bi o ti yẹ

Skip X post
Allow X content?

This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.

Warning: Third party content may contain adverts

End of X post

Alaye lori esi ileese ti ICPC fi ẹsun kan ree:

Won ni awọn eeyan kan to fẹran wahala ati laasigbo lo wa nidi ọrọ naa.

Ati pe o kan wu awọn ẹni ibi yii lati tu ọra ajọ ICPC si ọna miran ni ti wọn si doju ẹsun naa kan ileese ijọba to jẹ Ministry of Humanitarian Affairs.

Wọn tun ni ọra awọn ile iwe ijọba apapọ ti ICPC n sọ yatọ si ti awọn akẹkọọ ti awẹn fun ni ounjẹ lasiko Coronavirus.