Ooni ile Ife: Iná sọ láàfín Ọọ̀ni Ilé Ifẹ̀, Ọọ̀ni ilé ifẹ̀ ní kò sí ẹ̀mí tó báa lọ
Oríṣun àwòrán, Ile oodua
Ina sọ ni ile Oodua tii ṣe afin Ọọni ile Ifẹ, Ọba Adeyẹye Ogunwusi l'Ọjọbọ.
Atẹjade kan to jade lati aafin Ọọni Adeyẹye Ogunwusi fi idi iṣẹlẹ ijamba ina naa mulẹ.
Ile to jona ni aafin naa ni wọn sọ wi pe o jẹ ile Saarun Oodua, ẹni to jẹ ẹṣọ iṣẹdalẹ fun Ọọni ile Ifẹ.
Bakan naa ni akọwe iṣakoso ileeṣẹ panapana ni ipinlẹ Ọṣun , Fatai Arẹmu pẹlu fi idi ijamba naa mulẹ to si tun ṣalaye pe awọn panapana ti bomi pa ina naa.
Amọṣa Ọọni ni ko si giri lori ina to jo naa nitori pe gbogbo nnkan ṣi wa ni sẹpẹ ati pe ko si ẹmi to ba iṣẹlẹ ijamba ina naa lọ.
Oríṣun àwòrán, Others
Ooni Ifẹ bu ẹnu ẹ̀tẹ́ lú ètò BBNaija nítorí ó tàbùkù àsà YorubaOoni ti Ile Ife, Oba Adeyeye Ogunwusi, Ojaja II ti ni ki ijọba Naijiria gbekile eto Big Brother Naija, ki wọn si fi eto miran rọpọ rẹ.
Ooni sọ eyi lẹyin ti o gbalejo ẹgbẹ ọdọ National Youth Council of Nigeria ni aafin rẹ to wa ni Ile Ifẹ, ni ipinlẹ Osun.
Ooni to bu ẹnu atẹ lu eto Big Brother Naija naa ni eto naa n fihan pe orilẹ-ede Naijiria ko ni awọn ọdọ to jẹ ọmọluwabi ati oninu irẹ.
Oba Ogunwusi wa rọ ijọba lati wa wọrọkọ fi ṣe ada nipa wiwa eto miran ti yoo safihan asa ati iṣe ni orilẹ-ede Naijiria ati awọn ihuwasi to buyi kun eniyan lawujọ.
O ni ki wọn pe akọle eto tuntun naa ni "The Big Nigeria Reality Show"
''Eto naa yoo ma a ṣe afihan awọn ọdọ lorilẹ-ede Naijiria ti wọn n sisẹ ọwọ, awọn ọdọ akọṣẹmọṣẹ ati awọn oṣiṣẹ to wa ni awọn ẹka iṣejọba ni Naijiria, lọna ati le de ipele to gajulọ ninu iṣẹ ti wọn yan laayo."
Ọọni ṣalaye pe: ''Eyi yoo fun awọn oluworan lanfaani lati le ma a ri wọn gẹgẹ bi awokọṣe ni awujọ.''
Ooni ti ile Ife, Oba Adeyeye Ogunwusi, Ojaja II ni o ṣeni laanu pe lasiko idibo gbogboogbo to waye ni Naijiria ni ọdun 2019, eniyan miliọnu mẹtadinlọgbọn lo jade lati dibo, amọ, eniyan ẹgbẹrun lọna aadọrin lo dibo lasiko eto Big Brother Naija ni ọdun 2019.
- 'Àwa ọmọ Nàìjíríà tó farapa fẹ́ wálé láti Lebanon, ìjọba kó wa pamọ́'
- Ọlọ́run nìkan ló mọ bí ìrìnàjò ìfẹ́ ẹ̀dá á ṣe rí láyé, ọ̀dọ́ Aláàfin ní orí gbémí yà sí, ó sì tẹ́milọ́rùn- Olorì Aanu
- Èèyàn 334 ló gbàwòsàn lọ́wọ́ Covid-19 l'Ọjọru, 453 míì tún lùgbàdì rẹ̀- NCDC
- Wọ́n dájọ́ ikú nípa sísọ̀kò pa ẹni ọdún 61 ní Kano
Ooni ni eleyii fihan pe awọn ọdọ lorilẹede Naijiria fẹran afẹfẹyẹyẹ ati ohun ti ko ni bun iyi kun iṣẹ ọwọ wọn.
Oba Adeyeye Ogunwusi ni pe gbogbo igba ti oun ba ti sọ iru ọrọ yii, awọn eniyan a fi ṣe awada, wọn a si gbagbe nipa ẹ.
Ooni ti ile Ife, Oba Adeyeye Ogunwusi, Ojaja II ni iṣẹ gbogbo wa ni lati mu idagbasoke ba awọn eniyan, paapaa ọdọ lorilẹ-ede Naijiria.
