Adesoji Aderemi: Ọjọ́ Kẹta, oṣù Keje, ọdún 1980 ni gómìnà Adúláwọ̀ àkọ́kọ́ náà dèrò ọ̀run

Ori ti yoo de ade, ko ni se alai de ade naa, ọrun ti yoo wọ ejigbara ilẹkẹ ko ni se alai wọ ọ, ibadi ti yoo lo mọsaji, asọ ọba to jinna koro-koro, yoo lo.

Ọba Adesoji Tadenikawo Aderemi ree ti ori gbe de ipo Ọba, to tun di gomina adulawọ akọkọ losu keje, ọdun 1960, ibura rẹ ree.

Ọbabinrin ilẹ Gẹẹsi, Elizabeth Keji ree to n fi oye Knight da Ọọni Adesoji Aderemi lọla lasiko abẹwo rẹ si Naijiria lọdun 1957.

Oriade meji pade ara wọn, ọkan jẹ alawọ dudu, ekeji si jẹ alawọ funfun, ọkan jẹ obinrin, ti ekeji si jẹ ọkunrin.

Ọba Adesoji Tadenikawo Aderemi, Ọọni tilu Ile Ifẹ to tun di gomina Adulawọ akọkọ, aguntasọlo ọdun.

Ko tii si ori ade mọ to ṣe gomina mọ ipo Ọba.

Ọba n da Ọba lọla, oriade n yẹ ori ade si.

Ọba Adesoji Tadenikawo Aderemi ree to n fun Ọba miran ni amiidanilọla ti Ọbabinrin ilu oyinbo.

Ọba Adesoji Tadenikawo Aderemi, ẹni ti obinrin ri, to n yọ ọwọ ọṣẹ, pe temi ni ko gba, temi ni ko mu.

Oriade to dudu bii koro isin, to dùn lati wo lọmọ ọkunrin.

Ko si aniani pe Ọba Adesoji Tadenikawo Aderemi ti se gudu-gudu meje ati ya ya mẹfa lati gbe iran Yoruba de ibi giga nigba aye rẹ.

Oriade naa ree pẹlu agba Yoruba miran nibi ipade apero kan.

Ẹni nla lo n se oun nla. Ọba Adesoji Tadenikawo Aderemi ati awọn eekan ilu miran to n bọ oyinbo lọwọ.

Tolori tẹlẹmu lo n wa ri ti wọn n bu ọla fun Baba nigba aye rẹ

Ẹ jẹ ka bu ọla fun ẹni ti ọla n se tirẹ. Ọba Adesoji Tadenikawo Aderemi ree to n yẹ awọn ọlọpaa to to lọwọọwọ wo lati yẹ si. Gbosa fun baba.

Kabiesi Aderẹmi jẹ Ọba to mu iṣẹ rẹ ni ọkunkundun.

Ọba Adesoji Tadenikawo Aderemi wa ninu mọto, ti awọn ọlọpaa si gbe ida soke lati yẹ si lasiko to n wọ inu ilu Ile Ife lọ.

Ipo ọla dara lootọ, ki Ọba oke gbe gbogbo wa debẹ.

Olowo lo n se ọrẹ olowo, otosi lo n se ọrẹ otosi, Adeyinka Adebayo ree to n se ọrẹ oriade.

Ọba Adesoji Tadenikawo Aderemi n tẹti gbọ ohun ti gomina ologun fun ẹkun Iwọ Oorun Guusu Naijiria, Ọgagun Adeyinka Adebayo n sọ

Ibi ipade kan lọdun 1966 ni wọn ti ya aworan naa, ki Ọlọrun fi ọrun kẹ awọn mejeeji.

Aye n lọ, a n tọ ọ, awọn eeyan ti lọ nilẹ yii, ki Ọlọrun ba wa fi ọrun sikẹ wọn.

Ọlọla Lyttleton, eeebo amunisin lati ilẹ Gẹẹsi to dari Naijiria nigba kan ree pẹlu Oloye Obafemi Awolowo ati Ọba Adesoji Tadenikawo Aderemi

Awọn mẹtẹẹlọdun niyi lọdun 1950 ti wọn n takurọsọ.

Ọba Adesoji Tadenikawo Aderemi n bọ olootu ijọba ilẹ Gẹẹsi nigbakan, Ọlọla Winston Churchill lọwọ ni Blenheim Palace, Woodstock, Oxfordshire, England

Abẹwo naa waye lọjọ kọkanla osu kẹfa ọdun 1953.

Ọba Adesoji Tadenikawo Aderemi ati awọn ọmọ Yoruba miran pẹlu U Thant tii se Akọwe agba fun ajọ isọkan orilẹ-ede agbaye, UN.

Ọpọlọpọ orilẹ-ede agbaye ni Oba Adesọji Aderẹmi lọ nigba aye rẹ ki ọlọjọ to de.

Ẹ wo Ọba to n ki ỌBA, Ọọni Ile Ifẹ, Ọba Adesoji Tadenikawo Aderemi, Ọba ti ọpọ Ọba n bọwọ fun.

Aderẹmi Adesọji ree lasiko to n gbalejo Ọba ilu Benin, Ọba meji n ki ara ara.

Ọba Adesoji Tadenikawo Aderemi jọba ni ọdun 1930, to si dagba lori itẹ pẹlu ewu lori.

Awọn ọba miran si ti jẹ lẹyin Oba Aderẹmi ni ori apere Ile Ifẹ.

Ọpọlọpọ ẹkọ ni awa iran asiko yii le ri kọ lara Ọba Adesọji Aderẹmi to fi gbogbo ara ṣe iṣẹ ilu lasiko to wa lori oye ipo aṣa ati ipo oṣelu.