2023 Presidency zoning: Shekarau ni káwọn gómìnà Yorùbá yé pariwo ní gbangba nípa ẹni ti ààrẹ kàn

Gomina Ìpínlẹ̀ Kano tẹ́lẹ̀, Ibrahim Shekarau ti fohùn ránṣẹ́ si awọn gomina Ìpínlẹ̀ mẹtadinlogun tí iha Guusu Naijiria.

O ni pe ki wọn ye ko ẹgbẹ́ jọ láti sọ̀rọ̀ ibẹru lori pe wọn fẹ gba ipo Ààrẹ lọdun 2023.

Shekarau to n ṣojú aarin gbungbun Ìpínlẹ̀ Kano nílé igbimọ aṣofin agba lo sọ èyí lori eto orí amohunmaworan Channels kan.

Nibẹ lo ti ni lẹyin Ààrẹ Muhammadu Buhari, ó yẹ ki Ààrẹ to n bọ lọ́dún 2023 yẹ ko wa lati ẹkùn Guusu lati le jẹ ki jijẹ anfani náà kaari gbogbo ọmọ Naijiria.

Ó tún fi kun un pe ṣe ni ó yẹ ki ẹgbẹ́ òṣèlú APC pin tíkẹẹti ipò Ààrẹ wọn si ọdọ eeyan to dangajia to láti ṣeé ni ẹkùn Guusu fun idibo to n bọ lọ́nà eyi ti ko ju oṣù mejidinlogun lọ mọ bayii.

Ẹwẹ, Shekarau sọ oko ọrọ si awọn gomina Guusu pe wọn ń gbimọ pọ láti ja fun ipò Ààrẹ lọ́dún 2023.

Gẹ́gẹ́ bí idibo ọdún 2023 ṣe ń sunmọ, orisirisi akitiyan lọ ti n lọ nínú òṣèlú.

Àwọn gomina mẹtadinlogun ìhà Guusu ti pe ipade nígbà méjì ti wọn si n pe fún kí agbára isejoba bọ si apa ọdọ wọn.

Bákan naa ni awọn gomina iha Ariwa mokandinlogun naa ti ṣepàdé lose to kọja.

Nibi ti wọn si tako igbese ati ìpinnu awọn akẹgbẹ́ wọn ní Guusu tí wọn ni ẹnikẹni ti ibo rẹ bá pọ ju náà ni yoo di Ààrẹ nínú ètò idibo to n bọ.

Lórí ètò náà, Shekarau ni ó ṣe ni laanu pé ọrọ a ń to ó, a ó to o ti wa sọ ìjọba awarawa di kíkóra jọ ni ẹlẹkun n jẹkun.

Torí èyí, Shekarau bu ẹnu atẹ lu oniruuru ipade àwọn gomina Guusu to sì ni kí wọn jawọ ninu kíkọ awọn ẹgbẹ́ mii lórílẹ̀èdè lati ṣe iru nkan táwọn naa n ṣe.

Ó ni ó yẹ ki wọn ba ara wọn sọ̀rọ̀ laarin ẹgbẹ́ ju ki wọn maa pariwo ni gbangba.

Òun ni tìrẹ ni bo tilẹ̀ jẹ́ pé òun gba pe èèyàn to dangajia lọ yẹ kó jawe olubori, òun sì gba pe ki wọn jẹ ko kari ni Naijiria

"àmọ́ ibi tí mo kan ti lodi si awọn gomina iha Guusu ni kikora jọ láti máa sọ pé dandan awọn lo kan.

Mo lérò pé ọrọ àárín òṣèlú lo yẹ ki eleyii jẹ."