Facebook, Instagram, WhatsApp ti dẹnukọlẹ̀? Ìdí tó fi ṣẹ́lẹ̀ rèé
Oríṣun àwòrán, Google
Gbogbo iṣẹ ti oju opo Facebook, WhatsApp ati Instagram n ṣe lo ti ṣaadede dawọ duro lọjọ Aje ọjọ kẹrin, oṣu Kẹwaa.
Ohun lo si ti ko ọpọlọpọ to wa lawọn oju opo naa si idamu ti wọn o le rii lo tabi ba ara wọn sọrọ jakejado agbaye.
Awọn itakun ayelujara yii ni iroyin ti kọkọ jade pe wọn o ṣiṣẹ ni nkan bii ago mẹrin kọja iṣẹju marundinlọgbọn irọlẹ ago orilẹede Naijria lọjọ Aje.
Ṣe ni awọn to n lọ si oju opo naa n ri esi "ko lọ", "ko lọ" eyi ti oloyinbo n pe ni "error message".
- Ẹ wo àwọn adarí ìjọ ní Naijiria tó tako abẹ́rẹ́ àjẹ́sára Covid-19 àti àwọn tó faramọ
- Ẹ̀yin ọmọ Yoruba ẹ darapọ̀ mọ́ wa látí tako ìjọba Naijiria lórí àtìmọ́lé Nnamdi Kanu - IPOB
- Àwọn dókítà tí fagilé ìyanṣẹ́lódì ọlọ́jọ́ gbọọrọ, sùgbọ́n...
- Ǹjẹ́ o mọ̀ pé ẹ̀yà kan wà ní Africa, tó jẹ́ akọ́sẹ́mọsẹ́ nípa sí sọ nkan ọmọkùnrin di nla ní ìlànà ìbílẹ̀?
- Òjò alágbára rọ̀ ní Ikare-Akoko, ilé àádọ́jọ bá a lọ, èèyàn kan tún kú
- Ọwọ́ sìkún ọlọ́pàá tẹ Bolanle afurasí adigunjalè làyájọ́ òmìnira Nàìjíríà
Ṣe ni awọn oni nkan gan bẹrẹ si ni fi ọrọ si oju opo Twitter. @WhatsApp fi ọrọ sita pe, "a mọ pe awọn kan n la iṣoro kọja lọwọ lọwọ pẹlu lilo WatsApp wọn.
A n ṣiṣẹ lorii rẹ lati mu ohun gbogbo pada bọ sipo a o si fi ọrọ sita lori ibi ti a baa de laipẹ. Ẹ ṣeun fun suuru yin".
Oríṣun àwòrán, Twitter
Ṣe ni awọn eeyan ti ko kọrẹ rara ti bẹrẹ si ni fi iriri wọn soju opo Twitter ati oriṣiriṣi aworan oun to n ṣẹlẹ.
Oríṣun àwòrán, Getty Images
Bakan naa ni @Facebook naa gba tẹle e ti wọn kọ ọrọ soju opo Twitter pe, "a mọ pe awọn kan n la iṣoro kọja lọwọ lọwọ pẹlu lilo awọn aapu wa ati iṣẹ ti wọn n ṣe.
A n ṣiṣẹ lorii rẹ lati mu ohun gbogbo pada bọ sipo a si tọrọ aforiji fun inira ti a ba ti jẹ ki ẹ la kọja.
Oríṣun àwòrán, Google
@InstagramComms naa o gbẹyin, "Instagrama ti awọn ọrẹ rẹ n la iṣoro diẹ kọja lati lo awọn oju opo wa.
A n ṣiṣẹ lati mu ohun gbogbo pada si bo ṣe yẹ. Ẹ ba wa baa ṣe ri, o maa to ṣiṣẹ".
Oju opo Facebook eyi to ni to eeyan biliọnu mẹta to n loo kaakiri agbaye maa dẹnukọlẹ lẹẹkọkan.
Ninu oṣu Kẹta ọdun 2021 ati oṣu Karun ọdn 2020 eyi to si maa n wu oniruuru esi jade lori ayelujara.
Pabanbari ibẹ tun wa ni pe lati igba ti ijọba apapọ Naijiria ti gbẹsẹ le oju opo Twitter latinu oṣu Kẹfa ọdun 2021 lawọn ọmọ Naijiria ti darale oju opo Facebook ti awọn mii ṣi n lo Twitter nipa lilo ọna oju itakun Virtual Private Networks.
Oríṣun àwòrán, Twitter
Eeyan bii miliọnu mẹtalelọgbọn ni Naijiria lo n lo oju opo ayelujara deede, WhatsApp jẹ oju opo ibaraẹnisọrọ ti wọn n lo ju lorilẹede naa to si ni to eeyan to le ni miliọnu aadọrun to n loo gẹgẹ bi akọsilẹ.
- Kí ní ọ̀rọ̀ mí tí ẹ mú bẹnu lórí onimọ̀ àyẹ̀wò 'Forensic' tí ilé ẹjọ́ pè kó wá jẹ́rìí?- Yomi Fabiyi
- Ta ni Whitemoney tó gba N90 miliọnu nínú ìdíje BBNaija 2021?
- Wo ǹkan mẹ́ta tó n jẹ́ kí abẹ́ obìnrin má a rùn...
- Ọwọ́ sìkún ọlọ́pàá tẹ Bolanle afurasí adigunjalè làyájọ́ òmìnira Nàìjíríà
- "Who wants to be a Milionaire'' tí pada sí orí afẹ́fẹ́! ẹyin olólùfẹ́ rẹ̀, ẹ kú oríire!
Nkan bii ida 61.4 awọn ọmọ Naijiria lori ayelujara lo n lo Twitter, 86.2 n lo Facebook, 81.6 per lo n lo YouTube, 73.1 lo n lo Instagram, nigba ti 67.2 n lo Facebook Messenger.
