Украина энди жанубдаги ерларини қайтариб олмоқда, Путиннинг аннекcия байрами узоққа чўзилмайдими? Urush, Putin, Rossiya, Yangiliklar
- Author, Пол Адамс
- Role, Би-би-си
- Ўқилиш вақти: 2 дақ
Президент Зеленский Украина аскарлари Россия кучларига қарши курашишда янги зафарларни қўлга киритаётганини айтди. Ушбу мувафаққиятлар Украина стратегик аҳамиятга эга Лиман шаҳрини эгаллаганидан бир неча кун ўтиб қўлга киритилмоқда.
Ушбу шаҳарнинг қўлдан бой берилиши Россия армиясининг шарқдаги катта йўқотиши сифатида талқин қилинмоқда. Зеленскийнинг айтишича, Украина Херсон яқинидаги икки қишлоқни қўлга киритиб жанубда ҳам олға бораётганини билдирган.
Украина кучлари яна олдинга илдамламоқда. Бу сафар жанубдаги аҳоли масканларини қайтариб олмоқда.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Бу жабҳада ривожланиш ёздан бери секин кетаётганди. Аммо Россияни ғафлатда қолдириб, воқеалар суърати тезлашиб кетди.
Президент Зеленский ҳар оқшомги чиқишларида янада кўпроқ хушхабарларни етказа бошлади. У ҳисса қўшганларга миннатдорчилик билдиради.
Шарқда ҳам сентябрдаги яшин каби қарши ҳужум манзарасида Украина аскарлари олға кетишда давом этмоқда. Йўл йўлакай ташлаб кетилган Россия ҳарбий техникаларини йиғиб кетишмоқда.
"Энди бу машина қуролли кучларимизга хизмат қилади", дейди Украин аскари.
Россия ўта зарур бўлган қўшимча қўшинни чақириш, ўқитиш ва қуроллантириш билан машғул бўлиб турган бир вақтда икки фронтда катта муаммоларга дуч келмоқда. Путин Украинанинг бир қисмини қўшиб олганини байрам қилган бўлиши мумкин, аммо муаммолари кўпайишда давом этмоқда.
Ютуқларга қарамай Россия назорати остидаги ҳудудларда қолган тинч аҳолининг ҳаёти қийинлашмоқда. Херсондан исмини ошкор қилишни истамаган кишининг бизга айтишича, энг катта қўрқуви Россия армиясига чақирилиш.
"Армия чақириш вақт масаласи. Херсондаги одамлар қачон чақирилишини билмаймиз. Бунинг ҳаммаси бизни қўрқитади, албатта".
Россия аннекцияси одамларнинг чиқиб кетишини ҳам қийинлаштириб қўйди. Запарожьедаги қабул марказидаги расмийлар ҳар куни босиб олинган ерлардан қочаётган минг одамни қабул қиларди. Бугун эса бу ер бўшаб қолган.
19 яшар Максим 4 кунлик йўл ва кутишдан сўнг ниҳоят бунинг уддасидан чиқди. У бу ерга укаси, онаси ва мушуги билан келди.
"У ерда қолишимизнинг сабаби қаерга боришни билмасдик. Бироқ референдумдан кейин, янаям қўрқинчли бўлди. Чунки мени Россия армиясига чақиришлари мумкин эди. Ҳеч қачон Россия учун жангга кирмайман", дейди Максим Бежан.
Максимнинг оиласи хавфсиз жой ва келажак илинжида Россия оккупациясидан узоқроқ ерларга кетишда давом этади.
Бир кунда 30 киши чиқиб келди. Уларни умид ва мавҳумлик бирдек қамраб олган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
