Янгиликлар. Путин: Украина урушини Ғарб бошлаган ва ҳақиқат Россия тарафида - Dunyo Yangiliklar
Сурат манбаси, Reuters
"Ғарб уруш бошлади, биз эса уни тўхтатиш учун куч ишлатмоқдамиз". "Ҳақиқат биз тарафда". "АҚШ ва НАТО Россияни стратегик парчалаш ниятларини очиқ баён этишмоқда".
Булар - Владимир Путин Федерал йиғинда ирод эттган нутқнинг асосий мазмунини англатади.
Тўғрироғи, Россия давлат раҳбари бир йил олдин Украинага бостириб кирганидан бери такрорлаб келадиган сўзларини бошқачароқ шаклда қайта таъкидлади.
Яъни урушни бошлаган аслида - АҚШ ва унинг иттифоқчилари. Россия эса атиги уни тўхтатишга уринмоқда, холос.
Алоқадор мавзулар:
Ядровий хавф ортадими?
Россия стратегик тажовуз қуроллари шартномасини тўхтатади, деб таъкидлаган Владимир Путин ўз нутқида.
Айни пайтда, Россия бу шартномадан чиқмаётганини, балки иштирокини тўхтатиб туришини урғулади.
Путин, шунингдек, агар АҚШ биринчи бўлиб синаса, Россия ҳам ядровий қуролларни синашини билдирди.
Россия раҳбарига кўра, АҚШ ва НАТО Россияни стратегик парчалашга қаратилган мақсадларини очиқдан-очиқ баён этишмоқда.
У Россия авиациясига ҳужумларга Ғарбни "бевосита алоқадор" деб атади.
Стратегик тажовуз қуролларига оид шартномалар Россия ва АҚШ ўртасидаги икки тарафлама келишув бўлиб, улар стратегик ядровий қуроллар арсеналини ўзаро қисқартиришни назарда тутади.
Путин ҳеч нарсани жавобсиз қолдирмоқчи эмас.
Путиннинг айтишича, 1939 йилда нацист Германия учун "Ғарб йўл очган" ва эндиликда "аксилроссиячилик" қилмоқ
Унинг давом этишича, Украинада гўё оммавий тарзда нацистлар рамзлари ишлатилади, аммо Ғарб учун "Россияга қарши курашда кимга ён босиш мутлақо аҳамиятсиз, асосийси, бизга қарши урушсалар бас".
Россия президенти ўз нутқида АҚШ ва унинг иттифоқчилари "чексиз куч-кудрат" исташаётганини урғулаган.
У Украина халқи билан урушмаётганини айтса-да, аммо Киевдаги ҳукуматга қарши қатор айбловларни илгари суради.
Жаноб Путиннинг ушбу нутқи ўтган декабрда кутилганди. Эндиликда Украина босқинининг бир йиллиги олдидан янграмоқда.
Россия ўтган бир йил давомида айни урушда кўплаб йўқотишлар берди. Бироқ яна янги ҳужумларни бошлаши мумкин.
АҚШ жавоб бердими?
Вашингтон ваикллари Путиннинг даъволарини "абсурд" деб аташди.
"Ҳеч қим Россияга ҳужум қилаётгани йўқ" - деди Оқ Уйнинг Миллий Хавфсизлик бўйича маслаҳатчиси Жейк Салливан.
"Россияни Украина ё бошқа кимнингдир ҳарбий таҳдиди остида бўлган, деб айтиш абсурд", дея хабар беради AFP хабар агентлиги.
Бугун кечроқ АҚШ президенти Жо Байден хам нутқ ирод қилиши кутилади.
Жаноб Байден Украинадаги урушни демократия ва яккаҳокимлик ўртасидаги кураш сифатида таснифлаши кутилади.
Бир кун олдин Президент Байден Киевга борган ва Володимир Зеленский билан учрашганди.
Айни учрашув ортидан Украина давлат раҳбари Россия тажовузини тўхтатиш йўлида бу йил АҚШ қатъийлик кўрсатиши мумкинлигини айтганди.
Ким нима қилмоқда?
Россияда эса ўзгача манзара. Путин нутқидан бир кун олдин Россия шаҳарларида уни қўллаб, намойишлар ўтказилган.
Сурат манбаси, Analodu
Путин ҳарбий хизматчиларни қўллаш учун махсус жамғарма ташкил этишни ҳам эълон қилди.
Унга қанча маблағ кетиши аниқ айтилгани йўқ, лекин таҳлилчиларга кўра, бу қимматбаҳо лойиҳа бўлиши мумкин.
Украина бош штаби хабарларига кўра, бугун 21 февраль куни Россия кучлари шарқда бир неча йўналишда ҳужумлар қилишган. Лекин охирги кунларда жабҳа чизиғи бирон тараф фойдасига унчалик кўп ўзгармаган.
Воқеалар сўнгги ривожланишида, АҚШ ва Германия Хитойга огоҳлантириш билан чиқишган ва Россияни қурол-яроғ ҳамда иккиламчи эҳтиёж моллари билан таъминламасликка чақиришган.
Япония эса Украинага 5.5 миллиард доллар миқдорида ёрдам ажратмоқчи. Пентагон эса 460 миллион долларлик ҳарбий кўмак кўрсатмоқчи.
Европа Иттифоқи ҳам жорий ҳафта охирига қадар Украина учун ўнинчи ёрдам пакетини маъқуллаши кутилади.
Путин эса ўз нутқини кўтаринки руҳ ва у ерда тўпланган кремлпарастлар қарсаклари билан якунлади.
"Ўзимизга ишончимиз комил..."
Telegram kanalimiz: https://t.me/bbcuzbekBBC.COM/UZBEK
Telegramda bog'lanish raqami +44 7858860002
