Америкадаги ўзбеклар: Грин карта, иш, бизнес, диний эркинлик ва отишмалар - тез кунларда BBC.COM/UZBEK ва ижтимоий тармоқларда
BBC O'zbek янги кўп қисмли ҳужжатли фильмни сизга тақдим этади. Унда Ибрат Сафо АҚШ бўйлаб сафари чоғида турли йўллар билан Америкага келиб жойлашган ўзбекистонликлар ва ўзбекларнинг ҳаётий ҳикоялари билан танишади.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Америка Қўшма Штатларига жойлашиш тобора кўп ўзбекистонликларнинг орзуси. Американинг ўзида ҳам машҳур орзу бор - "the American dream", яъни американча орзу-ҳавас. У ўзи нима ва бу орзуга у ерда яшаётган ўзбеклар эриша олдими?
Хўш, Америкадаги имкониятлар ва эркинликлардан ким қандай фойдаланди? Кимдир таълим ё бизнесда муваффақиятга эришди, лекин кимдир қамоққа тушди.
Америкага кимдир муҳожирлар учун Грин карта лотереясини ютиб келган бўлса, кимдир талаба визаси ёки сиёсий бошпана сўраб келган. Улар бу мусофир юртдаги турмушларида қандай пасту баландликларга дуч келишди? Бизнес юритиш осонми? Trucking (юк машиналари билан юк ташиш), соғлиқни сақлаш, тўқимачилик, UBER, кўчмас мулк ва бошқа соҳаларда фаолият юритаётган ҳамда машҳур Кремний водийсидаги Google ва Lucid Motors каби йирик компанияларда ишлаётган ўзбекистонликлар ўз тажрибалари ҳақида ҳикоя қилишади.
Мутлақ диний эркинлик билан бирга ҳар қандай эркинлик таъминланган АҚШда ўзбек мусулмонлари қандай яшашяпти? Америка жамиятига аралашмай ҳам яшаса бўладими?
Саҳифамизни, ҳамда YouTube ва Instagram'даги BBC O'zbek саҳифаларини кузатиб боринг!
Telegram каналимиз: https://t.me/bbcuzbek
BBCUZBEK.COM билан Telegram орқали +44 7858860002 номери билан боғланинг.
