Ўзбекистон, сайлов 2021: ЕХҲТ миссияси: номзодлар орасида мазмунли мулоқот бўлмади O'zbekiston saylov 2021 prezidentlik nomzod
Сурат манбаси, BBC Uzbek
24 октябрдаги Ўзбекистондаги президентлик сайловига тайёргарлик ва ўтказишни кузатиш учун борган Европада Хавфсизлик ва Ҳамкорлик ташкилотининг Демократик институтлар ва инсон ҳуқуқлари бўйича бюроси кузатиш миссияси ўзининг оралиқ ҳисоботини эълон қилди.
8 октябрда эълон қилинган миссия ҳисоботида Ўзбекистондаги 2021 йилги президентлик сайлови билан боғлиқ ижобий қадамлар ва кузатилган камчиликлар айтиб ўтилган.
Ҳисоботда айтилишича, шу вақтгача номзодлар орасида бевосита ёки мазмунли мулоқот бўлгани йўқ.
Президентликка номзодларнинг сайловодди кампаниясида диққат-эътибор ижтимоий-иқтисодий вазиятни яхшилаш, давлат хизматлари, соғлиқни сақлаш, таълим, адлия ва экологик тизимга қаратилган, ҳозиргача кампанияда ягона устун масала кўтарилмади, дейилади ҳисоботда.
Ўзбекистон: Сайлов 2021
Президент сайлов кампанияси бошланди
Сайлов кампаниясининг расмий бошланиши. Ўз номзодини муваффақиятли рўйхатдан ўтказган сиёсий партияга давлат бюджетидан кампания мақсадлари учун 3,1 миллиард сўм ажратилади. Бу ҳар бир партия Олий Мажлисда эгаллаган ўрни учун давлатдан оладиган йиллик маблағ устига қўшиладиган маблағдир.
ЕХҲТ кузатувчилари Ўзбекистонга келишди
ЕХҲТ мамлакат бўйлаб 28 узоқ муддатли кузатувчи жойлаштиради
Мамлакат бўйлаб узоқ муддатли кузатувчиларнинг жойлаштирилиши
Ирландиялик сиёсатчи Еоган Мёрфи раҳбарлигидаги кузатувчилар ҳайъати сайлов жараёнига боғлиқ турли жараёнларни кузатиб боради. Буларга овоз берувчилар ва номзодларни рўйхатдан ўтказиш, кампанияни молиялаш, оммавий ахборот воситаларида ёритилиши, жойлардаги сайлов комиссияларининг фаолияти ва бошқалар киради.
Сайловчиларни рўйхатга олиш
Фуқаролар ўзларининг овоз беришга тааллуқли ҳужжатларини онлайн ҳамда сайлови кунидан 15 кун илгари бевосита сайлов участкасининг ўзида текшира оладилар.
Сайлов кампаниясининг сўнгги куни
Сайловолди кампанияси расман овоз беришдан бир кун олдинги “сукут куни”да якунига етади. Овоз бериш куни барча сайлов тадбирлари тақиқланган.
Овоз бериш куни
Овоз бериш маҳаллий вақт билан xx:xx да бошланади. Расман рўйхатга олинган 20,5 миллион сайловчи беш номзоддан бирини танлайдилар. Жорий Президент Шавкат Мирзиёев 2016 йилги президентлик сайловида қонуний сайловчиларнинг 88,6 фоизи овозини қўлга киритиб ғолиб бўлган эди.
Иккинчи давра сайлов - эҳтимолий
Агар ҳеч бир номзод кўпчилик овозни эгаллай олмаса, энг кўп овоз олган икки номзод ўртасида бир ой ичида иккинчи давра сайлов ўтади.
Ўзбекистонда президентлик сайлови расмий кампанияси 20 сентябрда бошланди.
Ўзбекистон Марказий Сайлов Комиссияси 5 номзодни расман рўйхатга олди.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
"Миллий тикланиш" демократик партияси номзоди 46 ёшли Алишер Қодиров, Халқ демократик партияси номзоди 60 яшар Мақсуда Ворисова, "Адолат" социал-демократик партияси номзоди 62 яшар Баҳром Абдуҳалимов, Экологик партиядан 46 яшар Нарзулло Обломуродов ва жорий президент, ЎзЛиДеП номзоди 64 яшар Шавкат Мирзиёев.
Аксар кузатувчилар Ўзбекистондаги президентлик сайловида 1991 йилдан кейин кузатилган вазият - мустақил ёки мухолиф номзодлар иштирокига изн бермаслик анъанаси бу гал ҳам давом этаётганини қайд этмоқдалар.
Шунингдек, сайловолди ташвиқоти қанчалик жонли кўринмасин, номзодлар ўртасида ашаддий рақобат муҳити, уларнинг юзма-юз мунозарага киришишлари ёки бир-бирини танқидга тутиши у қадар кўзга ташланмади.
- Президент сайловида фақат Мирзиёев қатнашадими?
- Ўзбекистон: Президентликка номзодлар жонли телеэфирда баҳслашиши керакми?
- Ўзбекистон мухолифат бўлишидан манфаатдор экан, нега Оллоқулов номзодига рухсат берилмади? - Видео
- Ўзбекистон президентлиги учун номзодлар ким ва улар қандай ваъдалар беришмоқда? - Видео
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
