Пойабзалдаги герб - "давлат рамзига ҳурматсизлик" O'zbekiston
Сурат манбаси, Gazeta.uz
Ижтимоий тармоқларда Ўзбекистон герби акс этган кроссовка фото суратлари тарқалди ва бундай оёқ кийимини сотиб олиш истагидаги харидорлар ҳам пайдо бўлди. Ўзбекистон Адлия вазирлиги эса бу давлат рамзларига ҳурматсизлик деб кўрилишидан огоҳлантирди.
Матбуот хабарларига кўра, италиялик дизайнер Стефано Риччи Ўзбекистон учун мамлакат байроғи ва герби туширилган кийим ва пойабзалларнинг махсус коллекциясини ишлаб чиққан.
Футболка, кепка, спорт костюми, жинси ва кроссовкадан иборат коллекцияни Glamour дўкони тақдим этган.
Адлия вазирлиги Ўзбекистоннинг "Давлат герби тўғрисидаги қонун"и бандларини эслатган, пойабзалда байроқ ва гербни акс эттириш "давлат рамзларига ҳурматсизлик" деб талқин этилишидан огоҳлантирди.
Бутик Glamour расман кечрим сўраб чиқди ва герб акс этган кроссовка сотиш учун эмас, намуна бренди сифатида ишлаб чиқилганди, деган баёнот берди.
"Давлат рамзлари акс этган кроссовкалар буюртмасидан воз кечамиз", дея маълум қилди Glamour бутиги.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
