Питердаги олий маълумотли ўзбек тиланчи: "Ўзбекистонга қайтишга ор қилдим"
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Самарқандлик Маъруф Махмадалиевнинг ёши 60 да. У Москва Давлат Педагогика университетини тамомлаб, Ўзбекистондаги нуфузли илм даргоҳларида ўқитувчи, таржимон бўлиб ишлаганини айтади.
Айни пайтда Санкт-Петербургдаги ногиронлар уйида яшаб, жомеъ масжиди ёнида тиланчилик қилаётган Маъруф ота Россияга қандай келиб қолгани ва бу ердаги ҳаёти ҳақида Би-Би-Си ўзбек хизматига гапириб берди.
- 1997 йилда тижорат қилиш учун хурмо олиб келгандим. Бу ерда талончиларга учраб, 20 минг АҚШ долларига тушиб қолдим. Катта қарз, орият учун Ўзбекистонга қайта олмадим, - дейди Маъруф Махмадалиев.
Россияда омади юришмаган муҳожир соғлигини ҳам йўқотгач, ногиронлар уйидан бошпана топган. Отахоннинг айтишича, ётоқ жойи бепул, 1 маҳал иссиқ овқати тайин. 2 марта инсульт ўтказиб, ногиронлар аравачасига боғланган Маъруф ота соғлигини тиклашга пул йиғиш учун жума кунлари шаҳардаги жомеъ масжиди ёнида тиланчилик қилаяпти.
BBCUZBEK.COM билан Telegram орқали +44 7858860002 номери билан боғланинг.Telegram каналимиз: https://t.me/bbcuzbek
